عجبوني تمارين الاعداد المركبة 🥹🤌🏻
اختكم هذا وين تفكرتهم حرفيا حرفيااا !!

‏" إذا قامت الساعة وفي يد أحدكم فسيلة فليغرسها "

‏لا تستسلم لأيّ فكرة تحاول أن توهمك أن الوقت قد انتهى و أن الأوان قد فات و أن الفرص قد انتهت أو أنك لا تملك وقتاً كافياً للتقدم !
طالما لم توزع أمامك المواضيع ، فأنت تستطيع أن تفعل شيئاً، ان تتقدم قليلا . لذا استمر حتى النهاية، حتى آخر دقييقة .🫶🏻
-
17 يوم قبل الإمتحـان ⏳

ملفات مفيدة في العلوم الاسلامية ⬇️🎀

فكرة التعريفات طبقتها العام الماضي لكن على شكل مراجعة كتابية في الايام الاخيرة وافادتني بزاف ... يعني ما كتبتش من هاذ الملخص سيي نكتب وحدي باش نختبر روحي . واذا الوقت كفاني نعاودها العام هذا ثاااني !!
بحكم انو التعريفات شرطها انو تُحفظ حرفيا , رح تساعدكم هاذ الفكرة 🌟
دعواتكم لي بالتوفيق والتيسيير 💕

مبيد وتين مهيش تفتح نسرقولها تصويرة في الخفاء العلني 🤌🏻😌

شوفوا
شرايكم تبعدوا على تيليفون شوية 🥲
مكاش لا مجموعاات لا محادثاات لازم تبعدوا بسك أي فترة راها مهمة فنهارك
زير روحك شوية مبقاش صااي وتشبع من كلشششش وتشبع راحة !!. اذا تعبت مالقراية روح صلي ركعتين وريح شوية وارجع نوض تقرا
اعزل روحك باش تتعلم تتحمل مسؤولية تع حاجة وتكون سيريو 🤌🏻

هاذ الأيام اذا ما استغللتهمش مليح ولا قدر الله متوصلش وين حاب رح يبقاو غير هوما في باالك حياتك كاامل !! (ان شاء الله كامل توصلوا لمبتغاكم)
سقسي المجرب 🤌🏻💔
-
المهم انا نحيت حسابي الشخصي خليت حساب فارغ راني بيه بسك نسحق تلقرام من ناحية المراجع وما درت حتى قنااة 🥲🤌🏻 انتهى وقت التشتييت !
بصح لازم نحفز جيش معايا باش نكمل فذي العقلية 🫶🏻

مهم تخافوش مش حنكون ناشطة فالقناة باش تركزوا فقرايتكم بركك ! ومتقولوش زعما سلاف واش راها تحط هاذ نهارات ~~
علابالي متقدروش بلا بياا علابالي 🥹💕

جماعة متخافوش رانا كامل خايفين 🫂💕

خلوا هاذ التصاور عندكم باش فليلة الامتحان تع رياضيات تعرفو واش تراجعو 💕

مراجعة تكون مراجعة فقط وليس حل تمارين
تسما اذا شفت حاجة متعرفهاش هنا روح دك ادي عليها فكرة ... ليلة وحدة متكفيكش دير كلش + تمارين رح يتلفوهالك (في لييلة الامتحااان)
حل المواضيع هذا وقتو لا مزيد من التأجيل . إلى متى ونت تأجل حتى مور لباك باش تحل ؟

- أدعولي بالتيسيير والتوفيق 🫶🏻

عندما يُطلب منك تطبيق القانون الثاني لنيوتن على حركة جملة ، وتطبقه ولاتمثل القوى على ورقة الإجابة...
كل عام وأنت بخير وفي صحة جيدة .

لقيت ملخص أستاذ عبد القادر قزوري في مادة العلوم الفيزيائية وسييت نقراه ونشوف واش داير فيه , وبدون أن أنتبه تحولت القراءة الى مراجعة
أعجبتني طريقته في تقديم الدرس , ثم طرح بعض الأمثلة , ثم أسئلة صغيرة لإختبار الفهم ,,, ميحقش عليا اني نقول انه ملخص جيد جدا أو أستاذ جيد لأنني كتلميذة رأيي هذا لا يضاهي هذا الأستاذ وأي أستاذ آخر مثله في هذا المستوى..
المراجعة شفوية طبعا لهذا إكتفيت بالقراءة والإجابة على الاسئلة من خلال فهمي الخاص وتصحيح بعض الأشياء يلي كنت فاهمتها بشكل خاطئ + إضافة ملاحظات للدروس يلي راني نراجع منهاا وكتبتها أنا .. هاذ المراجعة كانت خطوة أنني نبدا نجل مواضيع بلا ما نستعين بالدروس عند النسيان 🥲🤌🏻
شاركت معكم هنا جزء صغيير من الملف .. الملخص يلي شفتو فقط , أما الملف كامل فهو غني بالعدييد من الجزئيات (يحتوي على 1000 صفحة وأكثر) لم أرد مشاركته لأنني قرأته بشكل سطحي فقط + فيه العديد من التمارين التدريبية يلي لا أضنها مهمة هاذ الفترة بل مهمة في الفترات الماضية وأثناء التعلم , الآن وقت التجهيز للإمتحان عن طريق المواضيع وتثبيت المفاهيم ...
أنصح كل من درس الفيزياء ولم يراجع بعد أن يلقي نظرة 💕
- تأكدو أنني لا ولن أشارك ملف لم أجرب الدراسة منه شخصيا لهذا فإن مشاركتي للملفات الدراسية نادرة نوعا ماا

- دعواتكم لي رفاق .