كلش كرهت الروح كمت احسد المات
اتورجوا عالحال اهواي شمات
💔😔

روح الله لاوياك يلعشرتك غش
بس رك وابو الزمير هل شبچك يكش
المرحوم سلمان الوائلي

يكتب الطاح بضيج كون اعله بابة
الغربة تفزع ليش گبل الگرابة
سعد الجنابي

عندك عوض لبتوت كلبي من اداعيك
كلهن كضن تكطيع من حسرتي عليك
لسيد عبد العظيم الياسري ❤

مساجلة ابوذية
بين شعراء سوق الشـــــــــيوخ كان
على كل شاعر ان يصف نفسه
بجكارة فكتبوا

شهيد الشميساوي
يكول
...
زماني همــــــوم جمه ورثاني
وجروحــــي رداف واحد ورثاني
جكارة بحـــــــلك وكتي ورثاني
واضن بس نفس واحد ضال بيه

حيدر الشميساوي
كال
...
مثل ما وكتـي ضل وياي ضل بيك
لاجن كمت احسدك لان ضل بيك
زين انته جــــكاره ونفس ضل بيك
كطف واهل السجن داروا عليه

صلاح اللامي
جاوبهم
....
شكثر شوغات من وكتي تلفني
جكارة بتــــــــتن وجفوفه تلفني
كطف ضليـــت من خلص تلفني
بشارع واليفوت يدوس بيه

موحان عوده رد عليهم
يكول
...
ذبت بجفوف وكتي من يذبني
ولا واحد شكفني من يذبني
جكارة بحلك مدمن من يذبني
بنفس واحد وصل لجعب بيه


بشير الغالبي
كال
...
روحي الوكــــت والهم ورثاها
ولا صح اليواســـــــــي ورثاها
انه روحـــــــــــي جكاره ورثاها
فاهي من الكطف حط نار بيه

حسن الشميساوي رد خوش رد
ختم المساجله بي
يكول
..
روحي القـــــــهر والهم ورثلها
اجره بحــــــــــزن ينعى ورثلها
جكارة الروح صـــــــارت ورثلها
طفل من كل كتر حط نار بيه ...

سالمني امن بعيد لا تدني ليه
بعيونني اجيسك خاف خشنات اديه ..
#ابراهيم_الكوفي

للكرم
ناذر نذر لو جيت داري وتطبهه
اذبح التوه يريد يفتر عطبهه
ابو علاء الفضلي
خافن تسده الريح ويشوفه ضيفي
كسرته ماخليت باب بمضيفي
احمد السعيدي
عزبت مو بحصان بفروخي الاصغار
خافن تكول الناس من حاتم يغار
حيدر الديواني
طيحته باب الحوش مو عن فقر جود
خافن يمر خطار ويشوفه مسدود
ضرغام حيدر

انطر افروخي اتنام والشامت يجل
واتعنه دار اهواي الطم لما مل
؟

سولفنه شكبانين بس ماحجينه
يقره شتكول العين وانه اقره عينه
اجمل دارمي سمعته

جيرانه سيد يونس ( أبو سعد ) الله يرحمه چان عنده صاحب أسمر إسمه (مخرَّب الخشاتي ) من أهل العماره چنت زغير أگعد وره السياج وهمه يگعدون بحديقة السيد أسمع سوالفهم الطيبه وضحكهم ومتونس من يمي بسوالفهم مرت الأيام وسيد يونس مات گام يجي (مخَرَّب) كل فترة يوگف بالحديقة وصوته ينسمع بالگلب والعيون ويحط إيد على صفحته وإيد على إذنه ويون ونين الهور :

امر بالدار وانشد وين اهلهه
دمعتي حرت بيهه وين اهلهه
تراباتج يروحي وين اهلهه
ادفننچ بدار العز عليه

علَمني بوكتها شنهو الصحبه وشلون لازم نوافيها

فرغصت روحي وجيت كالوا صحتني
وتابوت ابوي الجان بيها اعلى متني
مرتضي العكيلي ❤

جر حسره كلبي عليك رخالي الاضلوع
حسرة يتامه بليل كاتلهم الجوع
❤

اشتاگيتلك وكت الفجر
لا هو ليل وينسهر ولا بيه اكمل نومتي !🖤

‏النحل هج اليوم من منحله وطار
مامش عسل ضل بيه من شافچ يغار 💓

‎

‏شجاني وتيهيت الراي.مرتاه
وصفه بحلگي العسل حنجور.مرتاه

بليس ابراسي يتمغط
خرابه وبيه بومك حط
بلم وابعد عليه الشط

جامع وانهدم ضلي
انبكت والباكني ايصلي
عليه الكوخ متعلي

حركتي اتعدت الخنسه
الماي يوج اذا المسه

اعجيز وابني يمشي بكيف.مرتاه
علساعه ولرصيف يروح بيه ‎
🤒💔

‏جاسمتك الخشنات والكلش اثگال
ماخذني طبع البير بس للشرب ظال

‏اشتغـل صـار سنـين عـد فكـري فـلاح
طيحت حـظ العوز بس حظي مـاطاح

سيد مهدي العوادي

‏عدله امي ونته تعيل وتواكح النوب
جاكلفتهه عليك بس دعوة غروب

‏كل عمري أبد دنياي ما غازلتها
مطلگ جدي اتصير واستحرمتها
سيد مهدي العوادي

‏" أضاف العربُ
شاماتكِ إلى اللغةِ
و أسموها نقاطًا ".
شهوده 😊

دارمي لترامب 😅

‏فتشني يالجناز خاف أخذ وياي
جرة نفس لو طيف من ريحة هواي .

علي رشم 💔