• وزارة الصحة تقرر منع الفيزياويين بالعمل على الاشعة والمفراس والرنين والاجهزة المذكوره واستبدالهم بذوي الاختصاص من الكليات او المعاهد للاشعة

- بالنسبة لطلاب الفيزياء الطبية الزعلانين القرار حقاني تعيين الفيزاوين جان لان ماكو كادر مختص وجان يعتبر من الاقسام السانده بالنسبة الي جنت متوقع هالقرار وسمعت الخبر قبل ٣ سنوات بالمرحله الاولى بهذا القرار راح يكون كل شخص بمكانه وهذا هو القرار الصحيح اما بالنسبة لرايي بالموضوع ف وي هذا القرار اذا ماجان يضر اصحاب اختصاص الفيزياء وانو ينطوهم حقهم باختصاصهم '

ولحد يكول الاشعه قسم فيزيائي ويحقلهم لان شفت بعيني بالتدريب الصيفي المرحله الثانية اجو طلاب فيزياء يتدربون ع الاشعة مايعرفون شي بالقسم تخيلوا همه ناجحين للرابعه جنت اعلمهم الوضعيات ( AP , lateral ) وغيرهم ودزيتلهم ملف بي الوضعيات واسماء اعضاء الجسم واختصاراتها بالاشعة ف الفرق بيناتنه شاسع ، مع ذلك اتمنى من القرار انو مايظلم اخصائي الفيزياء الطبية ويخلوهم باماكنهم الخاصه ، والتوفيق للجميع '

تقبل الله صيامكم وطاعاتكم وغفر لكم ذنوبكم واجاب لكم دعواكم 🖤🖤'

كاعدين انطيكم نبذه زغيره عن المفراس والرنين؟🌚

شنو اشوف بالرنين ؟ MRI
الرنين عباره عن مجال مغناطيسي يعتمد بدأ عمله على ذرات الهيدروجين بالماء الموجود بالجسم ف دائما نشوف الاعظاء الي تحتوي بتراكيبها ع الماء ، تكون واضحه اكثر من اي شي ثاني

العظم يبين بالرنين بس لتكولون لونه اسود لان خطأ ، انتوا عوفوا الالوان ، لان مرات المريض يكون ابنورمال ف تختلف عليكم الوضعيه ، حاولوا تفرقون بالصور والفحوصات بدون حفظ لشي ثابت ، ثقفوا عينكم بالصور

العظلات والاوتار والاربطه تبين بوضوح وبصوره حيل حلوة وينطي تشخيص كامل والدليل مثلا واحد ينضرب على رجله وبقت تأذي ، نفحصها بالاشعة تطلع نورمال بس من نجي نفحصها بالرنين يطلع عنده تمزق لان التمزق صار بالاربطه و هالشي ميبينها اي جهاز غير الرنين .

شنو اشوف بالمفراس ؟ CTscan
مبدأ عمل المفراس بالظبط مثل مبدأ عمل الاشعة ، اللي هو اي مشكله بالعظم المفراس يبينها ، كسر خلع وغيرها.
ف الي اشوفه بال CT ويكون بارز بوضوح هو العظم يكون ابيض بدرجة عالية لان يمتص عدد چبیر من الاشعة

زين الاعظاء البقيه تبين بالمفراس؟
الاعظاء مثل المعده و الكبد وغيرهم بالمفراس تطلع بس تفاصيلها مو حيل واضحه ، لان تعتبر انسجه والانسجه اقل امتصاص للاشعه فتكون مو بوضوح العظم ، العظلات والاعصاب هم تبين عندي بالسيتي

اختبار خفيف سريع .

-

- وشكرا ً