في ظل أشياء كثيرة أنساها اتذكر شيئاً واحداً، أنكَ هُنا دائماً، أُنادي دون إنتظار وقت مُحدد، أُناجي دون ترتيب وإعداد مُسبق، بابك مفتوح للعائدين، رحمتك تُكتب حتى على المُسرفين، فضلك يشمل المُقصرين، فلكَ الحمدُ عُمرين على عُمري حمداً كثيراً طيباً لا يبيد أبدا.♥️

تقريباً كلنا متجرسين إنه رمضان المرة دي غير
ويا حليل بيوتنا ولمّاتنا
والشيطان بيزيدنا حزن على حزن كل يوم وهو شغال يعدِّد الحاجات اللي ح نفقدها في رمضان دا
واغلبنا داخل رمضان بروح معنوية لو ما صفر ف هي بالسالب عديل
لكن،،
من التأملات اللي جبرت خاطري جد جد
إني اتذكرت إنه الصيام اتفرض على الصحابة في وضع زي وضعنا دا
مهاجرين بالغصب
مُستضعفين
مظلومين
ف جاهم رمضان بأبواب خير عظيمة شديد
دعوة الصائم مستجابة
دعوة المظلوم مستجابة
دعوة المسافر مستجابة
ليلة القدر وما أدراك ما ليلة القدر
يعني اتخيلوا بعد الأبواب الفاتحة دي كلها هل في دعوة ح تجَلِّي؟؟؟
حقيقي رمضان السنة دي فرصة عظيمة إننا نعيش شعور استجابة دعواتنا بإذن الله
وإننا قريب بإذن الله راجعين فاتحين ومنتصرين زي ما النبي عليه السلام وأصحابه رجعوا -من بعد ضعفهم قبل الهجرة- أقوياء، أعزة ومنتصرين
وعسانا نختم رمضان بقول ربنا لينا زي ما قال لموسى عليه السلام:
" قالَ قَد أُوتيتَ سؤلكَ يا مُوسي ¤ و لَقد مننّا عليكَ مرةً أُخرَى" ♥️

ربنا يبلغنا رمضان آمنيين مطمئنيين حامدين شاكرين قائمين وساجدين على حال يحبه ويرضاه 🤲

لما راجعين من التراويح اول يوم خالتي كانت متأزمة جداً وذكريات الخرطوم وبيتهم ورمضان هناك وكيف كانت الصلاة في المسجد جمبهم كل ما تتذكرهم قلبها يوجعها زيادة كعادة كل النازحين ، سبحان الله ربنا الهمني اقول ليها حاجة جبرت بي خاطرها وبي خاطري انا زاتي ، قلت ليها انه زمان الصحابة كانوا كلما يمشو مكان بصلوا ويدعوا فيه بقولو عشان يجي يوم القيامة يشهد لينا وكدا ف نحن يمكن ربنا جابنا المسافات دي كلها عشان المكان دا يوم القيامة يشهد لينا اننا صلينا فيه وانه رغم النزوح والنفسيات قمنا بشعائر رمضان وواصلنا في التراويح ❤️❤️❤️
ف لكل النازحين والمتغربين عن بيوتهم ورمضان باقي ليهم غريب ، اذكر نفسي واذكركم بالحاجة دي واننا بنقضي رمضان هنا لسبب ووراه خير عظيم نحن ما عارفنه لسه ، الاهم اننا بقى عندنا مكان زيادة يشهد لينا يوم القيامة ، وعندنا رزق جانا من مكان ما كنا متوقعنو والحمد لله الى الان الناس وضعها مستور ❤️

الحمدلله انه رزقنا عند الله ما عند زول ❤️ ، الحمدلله اننا لينا رب كريم رحيم بينا في ايي مكان ساترنا وحامينا ومكفينا ❤️ الحمدلله على نعمة الإسلام ❤️ وربنا يجعل رمضان دا نهاية كل تعب وحزن ونرجع سالمين غانمين وتامين لامين ❤️❤️

لاقاني فيديو لـواحد بيحكي لشيخ انو كان بدعي بالزوجه الصالحه
وكانت نصيبو بنت عمرها 32 سنه..

فـقال لقيت فيها كل حاجه كنت بفتش عليها واي زول بتمناها ..
كيف مافي زول اخد بالو منها السنين دي كلها؟!

ف الشيخ قال ليه "عشان رزقك غيرك اتعمي عنها " ❤️
.
- في آية بتقول "وحرمنا عليه المراضع من قبل"

سيدنا موسي اتحرم عليه المراضع عشان رزقو في حتة تانيه خالص مع انو الظاهر من الحدث انو صعب يصل ليها
لكن ربنا اراد إنو ياخد رزقو من أمو..!

فـ بذكركم وبذكر نفسي :

رزقك حيصلك حيصلك مهما شفت انو بعيد، او كل مره تنوي تعمل حاجه وتفشل ، او الطرق تتقفل قدامك..

شبكه التوصيل عند ربنا مليانة ممرات سرية بتوصل ليك الارزاق بطريقة عقلك ما حـ يستوعبو 🌿.

خلي عندك بس ثقة وحسن الظن في ربنا وعليك بالدعاء ❤️..

في لحظة حسرة كدا كحال حياة النازحين المليانة باللحظات اللي زي دي 😂 جونا مرة عمي وخالتي ف اديناهم موية فعلقوا انه نحن الليلة مويتنا مالها ما باردة كويس وكدا _ ما قدرنا نجيب تلج من الجيران _ ف بدت امي ولحقوها هم في التحسر والتذكر لتلاجاتهم والديفريزرات بتاعتهم 😂😂 وانه سبحان الله مغير الاحوال هم زمان كان بدو الناس في رمضان وحتى غير رمضان وعاملين طاسات عديييل مخصصة للناس ، حالياً هم البشحدوا في الناس يدوهم _ ناس عمي يومي بتجيهم طاستين وناس خالتي برضو اتنين ونحن وحدة وكبيرة _ سبحان الله الكلمة اللي ربنا اجراها في لساني انه " امال انتوا قايلين هسي لقيتو اليديكم ليه ؟.. عشان زمان كنتو بتدو ف دا جزاكم " ..
ايه دا يا جماعة لما اتفكرت في الموضوع لقيت اني قلت حاجة عظيمة خالص سبحان الله 😂❤️❤️.. انه الجزاء من جنس العمل و " هل جزاء الاحسان الا الاحسان" و " اعرف الله في الرخاء يعرفك في الشدة " ❤️ ، واعملوا خير وارموه البحر حيجي يوم الخير دا ويكون سبب في نجاتكم وتسهيل حياتكم ❤️ سبحان الله كم ناس غيرنا نازحين في مدارس وخيم او حتى بيوت وما لاقين موية باردة في رمضان دا ونحن الحمدلله مما جينا هنا ماشين على ال 9 شهور يمكن ما حصل مرة شربنا موية حارة ، ربنا سخر لينا عباده لدرجة مرات حتى ما بنمشي نطلبها برسلوها لينا في البيت ❤️❤️❤️
ف الحمدلله الذي لا يحمد على مكروه سواه ، الحمدلله على تسخيره وكرمه ولطفه بينا جميعاً ❤️❤️❤️
اتفكروا يا جماعة في المواقف اليومية والله النزوح دا مليان خير عظييم ❤️❤️❤️❤️

"أحدهم يُحدثني لأدعو له غيبًا
وأنا أُحدِّث آخَر ليشملني في دُعائه
وكُلنا يا رب على بابك."

مساكين
وحيارى
ونرجوك :))

- ربي تقبل قليلي ، ‏قد جاءك الناسُ بأعمالٍ كالجبال
وجئتكَ بحفنةٍ فيها رُوحي ..

‏"بكت القلوبُ على وداعِكَ حُرقةً
‏كيف العيونُ إذا رحلت ستفعلُ؟

‏فعساكَ ربي قَدْ قَبِلْتَ صيامنا
‏ وعساكَ كلَّ قيامنا تتقَبَّلُ

‏إنْ كان هذا العامُ أعطى مُهلةً
‏هل يا تُرى في كلِّ عامٍ يُمهلُ؟

‏رمضانُ لا أدري أعمري ينقضي
‏في قادم الأيامِ أم نتقابلُ؟"

‏ثم يراني -ربّ الكون- أنا! الذرة المنسية، ينظر إلي ويحبّني، وييسّر لي ويحرسني ويدبّر أمري، ويطّلع على مخاوفي وخفايا نفسي! سبحانه ما أرحمه، وما أحوجنا".

أشكرك كثيرًا عندما تعلّمني كيف أقول الحمد لله عند الألم، وحينما تُلهمني ذِكرك عند وهَج المسرّات، شكرًا لأنك تكترث لشؤوني الصغيرة، وتخفّف عن كاهلي أعباء التأنيب والقلق والحسرة، شكرًا لأنك تُصلحني بالتدريج، فأُرجئ الفضل لك كلّما أفوز، وأُسلّم لك الحِكمة عندما أخفق.
علمّتني أن أعرفك في المسرّة والمضرّة، ألهمتني أن يتقلّب حالي بين الشُكرِ والصبر، ما أرحمك ❤️✨

عشت طوال حياتي أظن أن الصلاة، الذكر وكثرة الإستغفار، التسبيح، الطريق إلى الله عمومًا سيجلب لي المعجزات مثلما أسمع من الشيوخ
و صرت أستغفر في كل ضائقة، وأهرع إليه في كل محنة، أدعوه.. وأتوسل إليه بكل الطرق، لكن شيئًا بداخلي كان ساخطًا ف هأنا أدعو، ولا تحدث المُعجزات!

قد كنت أمُر بآيةٍ ﴿وَسَبِّحْ بِحَمْدِ رَبِّكَ قَبْلَ طُلُوعِ الشَّمْسِ وَقَبْلَ غُرُوبِهَا ۖ وَمِنْ آنَاءِ اللَّيْلِ فَسَبِّحْ وَأَطْرَافَ النَّهَارِ لَعَلَّكَ تَرْضَىٰ ﴾
وهكذا بقيت أُردّدهم، ومع المداومة على الذكر والتسبيح تلمست بنفسي المُعجزة الأكبر.. وهي الرضا!!
كل مرةٍ تخِفّ وطأة الأحداث داخلي كأن شيئًا لا يحدث! أجدني هادئة.. صبورة.. مُتيقنة أن ثمة نهاية سعيدة لكُل هذا تنتظرني، وأرى الشدائد تمُر عليّ بلُطف وإيمانٍ عجيب!

﴿لَعَلَّكَ تَرْضَىٰ﴾ نعم يا الله رضيت، وأشهدك أنك نعم الرّب، وأؤمن بنجاتك ولو كانت الرضا فقط في كُل شدّة، فلقد نجوت، ف الحمدلله يارب على ما منعت وعلى ما أعطيت .

#هدير_علاء

- شُكرًا يا الله لأنَّني لازُلتُ أنا بـ هذهِ الرِقة
والليِّونة رُغم جَلافة الأيام والأشَخاص
والأحَداث والحَياة بـ أكمَلها ..

💜 *تعلن حلقات تبيان لتحفيظ القرآن عن مشروع صيانة مسجد بنات السنتر*💜

🌀 *حملة عاجلة لجمع تبرعات لصيانة مسجد بنات السنتر*
حوجة التبرعات لجلب عمال سباكة وتصليح مكيفات ونضافة استراحة البنات ، وتغيير باقة كولر المياه وعمل جزامه
وفيما بعد تغيير الزنك للسقف وشراء مراوح ومكيفات للمسجد
شاركوا في الصدقة الجارية دي ما تفوتوها واحتسبوا الأجر وركزو في انو كم بت ح تجي المسجد تصلي وتقرا وترتاح
طوبى لمن رزقه مالاً فأنفقه في بناء مسجد ، ف هنيئاً، لكل من أسهم في بناء مسجد يعبد فيه الله بصلاة ، وقرآة قرآن وحلقات زكر وحفظ لكتاب الله فله أجرهم ان شاءالله
عن عثمان بن عفان رضي الله عنه أنه سمع النبي صلى الله عليه وسلم يقول:(من بنى مسجداً لله تعالى يبتغي بذلك به وجه الله ، بنى الله له بيتاً في الجنة
*ارقام التبرعات*
0905490620
0115045338
*للتبرع بنكك*
*رقم الحساب ٣١٢٧٤٧٥*
*اسم مناسك عباس ابراهيم حسن*
*ارسال الاشعار في الرقم دا ٠١٢١٩٣٦٨٢٢*

‏" و نسألك اللّهم دوام الشّكر و مزيد الحمد ، أن تلهج آلسنتنا بالإمتنان ،وتفيض قُلوبنا بالرّضا ، ألا يدفعنا عُسر اللّحظة لتغاضي يُسر العُمر "
آمين♥️

محمد صديق

واقف عديل..
ما بين وبين..
جبلاً موسَّم بالثبات
حاشاك تدنقر أو تميل
فاكرنو عودك بنحني !

واقف
شموخاً كالنخيل
والريح هدِيك.. والموج يكِيل
وريني بس (من ياتو ناحية) بتنتني؟

واقف ملامحك كالبلد
ثورة وكرامة ونيل ونيل..
وريني كيف (من ياتو ناحية) غمرتني !

حِليلَك مُهندَم ومَارِق كأَنّٰك بَراك المَلاك💔.

#من_ياتو_ناحية؟

نذكرك في المسرّات لنُباركها، وفي الحُزن لينجلي، وفي الدعوات لتُستجاب، وفي لحظات الخوف لنطمئن، وفي مسارات الحياة لننجو، هلّ الهنا وانجلى الحُزن وانزاح الهم بذكرِك ..

"فالصلاة والسلامُ عليكَ حيًا فينا لا تموتُ أبدًا، نُحبكَ ونُحب من يُحبكَ والموعدُ الحوض كما أخبرتنا، وإنّا لنُصدقك"

- هاجر عبدالوهاب.

خلوا قلبي جريح انا فاتوني .. ما اظنوا يبقى نصيح 💔💔. اوعدنا ياا رب بحجة قريييب ❤️❤️❤️

بعد اذن الادمن

عندي كورس مايكرو نازل مجان في منصة على التلغرام

*💥Introduction to microbiology* *course content* :
⚫ Definition of microbes and microbiology
⚫ Chain of infection
⚫ Types of infection
⚫ Main groups of microorganisms
⚫ Branches of microbiology
⚫ Diagnosis methods in microbiology
⚫ Treatment of microorganisms

*🌹سجل للان 🌹*
*📄كورس Basic Microbiology

*🕐فتره الدراسه 7 يوم 🕐*
*📝اون لاين علي التلجرام وحيكون في PDF للكورس*

⚪رسوم التسجيل الي الكورس
مجانا علي المنصة

د /ملاذ كرم الله حامد

رابط القروب
https://t.me/online1c77