نحجي مواضيع عامة عن الشغل
عن الاهل
عن الصلاة
عن الاغاني
عن العباية
وهذني المواضيع العامة

بس مواضيع شخصية
مواضيع ماأعرفهم

مااحجي بيهم

الإنسان كون يتعلم لغة مااعرف

مو بكلشي منصب روحه

الي يعرفه يكول اعرفه
الي مايعرف يكول مااعرف

سبحانك لا علم لنا لا ماعلمتنا

لغة عظيمة الإنسان يعترف بيها
ويكول مااعرف

كف عن هذا ياميثم ولا تفشي أسرار العشق

Message From: 864216

السلام عليكم علا انا سابقا كان عندي علاقات محرمة عبر النت. حاليا تبت دون رجعة و الْحٍمَدٍ للـّہ بس صرت افكر انو مااستاهل يكون عندي زوج صالح اواشيل فكرة الزواج من بالي. حيل متعقدة من هلموضوع، اكون ممنونة لو تكوليلي هلتفكير صح اولا وممكن ارجع لِنقائي وربي يتوب علي بالكَامل 💔

ردي عليه هنا لطفًا

عليكم ورحمة الله دا ارد بس الرسائل مدا توصل

عمار وابا ذر وسلمان ... والخ

هذوله جانوا عبده اصنام
بلحظة اجوي كالوا إلهي احنا رجعنا الك

وصار سلمان سلمان اليوم الي نعرفه

ان الله يغفر الذنوب جميعًا
انطلقي وكملي مسيرج ولا تباوعين لماضيج

انطلقي مثل انطلاقة ابا ذر
وبعزم وراح توصلين وتستاهلين خير الدنيا والآخرة

اذا ابتليتم بالمعاصي تستروا💙
الشيخ الوائلي

Message From: 864216

ان شاءالله ابدي من جديد
بس الي تبت منه مااتعاقب علي بعد مو؟
يعني اكدر ابدي وكأنوا مارتكبته ورجع لنقائي...
وشكراً الج ربي يرزقج حسن العاقبة 💜

الله مايحتاج يعاقبنا
رجعي لله رجعة محبة مو رجعة خوف بس

وركزي ع حاضرج وتقدمي ياعيوني

Message From: 857509

عُلا أنا قبل كنت ملتزمه بصلاتي
وقبل سنه وأنا كلش متهاونه وخصوصا بصلاة الصبح
من سنه وانا ما اصلي صلاة الصبح لا بوقتهه ولا قضاء
وهسه مطلوبه صلاة لسنة كاملة وكلش متندمة واحس كلبي صار قاسي من المعاصي واريد ارجع لله واكول ماعندي وكت اكول اكيد الله راح يبتليتي واروحله وأنا كلي معاصي 💔 اكو بعد وقت ؟ الحك؟