هذا التفكير مو صحيح ياحبيبتي وان كان صلاح الاهل مطلوب
بس مال الإنسان يخلي بشر عكازة حتى يمشي صح هالشي غلط

بالاخير رب العالمين يكسر هالعكازة ويكله تعالي وحدك

ولقد جئتمونا فرادى كما خلقناكم اول مرة

عرفاء عدنا اهلهم ناس بسيطة لا شيوخ ولا علماء

طريق رب العالمين يعتمد ع الإنسان نفسه مو اهله وعشيرته

ابن آدم مو ابن نبي
ليش قتل اخو؟؟
جا مو هذوله ولد أنبياء يعني اهلهم أعلى من شيوخ ومن ناس بس متدينة
الأساس انت
مو الناقل شلون جان

فلا تجي تكول آه ياإلهي لو اهلي متدينين
لو ابوية شيخ
لو امي بالحوزة

جان وصلتلك

اعذرني ياالهي اني مااكدر اوصلك
لان انت ماانطيتني اهل متدينين

يلا ياإلهي اني مامشمول بالاختبار
ودير وجهك وتروح

لان انت عندك عذر مو ابن شيخ ولا ناس متدينة

زوجة فرعون
نضربت مثال للمرأة المؤمنة
وهي بيت
زوجها يكول انا ربكم الاعلى
اكو افجع من هيج بيت؟؟؟

Message From: 856567

اني هم قبل جنت افكر مثل هاي البنية
وجنت اذا اشوف بنية لابسه ربطة سوده لو تقاب اتحسرر 💔
بس بعدين تغير تفكيري
الله من حطنا بهيج عائلة هو حبنا هنا
وحبنا هيج وهو يعينا ويرسل المدد النا فلازم نحب نفسنا و وصعنا مثل ميريد رب العالمين
ونشتغل ع الي نكدر عليه
احنا نقدم الي نكدر عليه ورب العالمين يكمل الباقي

Message From: 889459

اني من الاشخاص الي جنت اتوقع حتى اتعرف اكثر على رب العالمين لازم اهلي يكونون ملتزمين وجان عائق مؤلم الي بعدها توصلت الى قناعة سعيدة بانو لو رب العالمين رادني ببيت ملتزم جان خلاني بهيج مكان بس هو اعرف بيه مني والمكان الي اني بيه هو الصح وفعلا صرت اخدم اهلي بكل رضا وحب وبكل مره اقدم شي قربة اله يزداد حبه اكثر

هذا الصحيح ترا

بعد اريد اكول شي

ياريت تتعلمون ما تذكرون أهلكم بالسوء مهما عدهم صفات سيئة

اذكروا أهلكم بالخير

يكول الشيخ زمان الحسناوي
كل صفة زينة كولوا من أهلكم

اني اهلي مو مثاليين بس اذكر صفاتهم الطيبة
و دائمًا انسب شكو صفة طيبة عندي الهم حتلو مو منهم

لا تبقون تذكرون أهلكم بسوء بكل مكان لا صديق ولا غريب ولا قريب

ادعوا الله يصلحهم

ياريت تبطلون تشوفون حياتكم سوداوية