واتقوا الله و يعلمكم الله

انت امشي عدل ويا الله
لا تمشي وبقلبك حقد وغيره وحسد
وتكبر
وغرور

امشي صافي
وخلي الله يتكفل بالباقي

مشاهدة "دعاء كميل - جمعة حامد" على YouTube
https://youtu.be/eDmY-NrMmRk

ساعات تفصل عن آخر أيام رمضان
نختمها بدعاء كميل

انا صاحب الدواهي العظمى

هذا اهوازي الرجال اسمه عبد الهادي

زينب الي مامثلج احد زينبي

Message From: 889450

السلام عليكم ورحمه الله وبركاته
اهواي اتمنى اهلي متدينين واهواي اتمنى إني بت شيخ أو سيد حتى اعيش صح واتقرب من آل محمد والله أكثر واكثر
بس اهلي ابدأ مو هيج...عندي اخوي يشرب الخمر وميصلون ويكفرون بالله
ويحبون الفلوس والدنيا...شسوي؟

عليكم ورحمة الله وبركاته

لعد ابن نوح جان ابن نبي ماطلع صالح؟

هذا التفكير مو صحيح ياحبيبتي وان كان صلاح الاهل مطلوب
بس مال الإنسان يخلي بشر عكازة حتى يمشي صح هالشي غلط

بالاخير رب العالمين يكسر هالعكازة ويكله تعالي وحدك

ولقد جئتمونا فرادى كما خلقناكم اول مرة

عرفاء عدنا اهلهم ناس بسيطة لا شيوخ ولا علماء

طريق رب العالمين يعتمد ع الإنسان نفسه مو اهله وعشيرته

ابن آدم مو ابن نبي
ليش قتل اخو؟؟
جا مو هذوله ولد أنبياء يعني اهلهم أعلى من شيوخ ومن ناس بس متدينة
الأساس انت
مو الناقل شلون جان

فلا تجي تكول آه ياإلهي لو اهلي متدينين
لو ابوية شيخ
لو امي بالحوزة

جان وصلتلك

اعذرني ياالهي اني مااكدر اوصلك
لان انت ماانطيتني اهل متدينين

يلا ياإلهي اني مامشمول بالاختبار
ودير وجهك وتروح

لان انت عندك عذر مو ابن شيخ ولا ناس متدينة

زوجة فرعون
نضربت مثال للمرأة المؤمنة
وهي بيت
زوجها يكول انا ربكم الاعلى
اكو افجع من هيج بيت؟؟؟

Message From: 856567

اني هم قبل جنت افكر مثل هاي البنية
وجنت اذا اشوف بنية لابسه ربطة سوده لو تقاب اتحسرر 💔
بس بعدين تغير تفكيري
الله من حطنا بهيج عائلة هو حبنا هنا
وحبنا هيج وهو يعينا ويرسل المدد النا فلازم نحب نفسنا و وصعنا مثل ميريد رب العالمين
ونشتغل ع الي نكدر عليه
احنا نقدم الي نكدر عليه ورب العالمين يكمل الباقي