المن خايف!!
غير انت خلصت عمرك تجهز وترتب
غير هذني غراضك وتجهيزاتك
هذا عرسك

المن تكعد تدك وتلطم وتعترض؟؟

السالفة من أيدك
هذا عرسك

انت الي جهزت القاعة
واشتريت البيت
وانت الي عزمت هالناس تتفرج عليك

هي السالفة هاي

الموت هم عرس

الي يصيح هناك الدنيا غرتني
يصفكوا صفكة

الدنيا هي نفسك

شعليها مخلوقات الله!!

شو تسبح اكثر منك
وتعبد اكثر منك
ليش تفتري عليهم!!

احنا الي نخلق هذا الحطب
دنيا انفسنا
معليها مخلوقات الله مو هي الي غرتنا
انفسنا هي الي خلقت هذا الحطب
فالسالفة شنو
الي يعرف نفسه
مايحتاج مدرس ولا كتب
راح يعرف الدنيا وين
مراح يحارب مخلوقات الله
راح يحارب دنيا نفسه
احنا نكول الدنيا غرتنا
آه ياللهي الدنيا جرفتنا
ونكعد نذب اللوم ع خلق الله الجميل
الدنيا نفسك
شعليها مخلوقات الله الجميلة؟

انت جايب حطباتك
َتكلهم حركوني

ليش هي النار تتشتعل بدون حطب؟؟

انت حارك روحك بروحك

اذًا الحطب منو
ومن شعل النار

الله
لو انت؟

الموضوع قديم
بس حبيت ارجع انشره

حتى نفهم شلون الموت عرس

نجمع حطبات ونروح
لو تنباع وتنتهي السالفة؟

ليش مانبيع ونخلص؟