كم أنتَ حي؟! الشيخ بناهيان.. 🌱

آه ياريت أصير مثل فلانة شكد متدينة بس آني وين

تصيرين تصيرين ياعلا

شصير وآني يمعودة لا أهلي متدينين لا داخلة حوزة لا عندي كتب شلون أصير ماشفتي هاي ابوها وامها بالحوزة من صغرها متعلمة آني وين يافاطمة

أسعي ياعلا أسعي أنتِ

شلون أسعى يافاطمة وآني حتى كتب ماعندي أتعلم منها آه آني ماعندي مكتبة لو حالتنا زينة جان اشتريت كتب آني وين من هذوله الناس الي يقرون آني وين وطلاب الحوزة وين آني مراح أوصل

السالفة مو سالفة كتب ولا كثرة الكتب الي تقريهن ياعلا السالفة سالفة تأثير اكو ناس توصل بجملة واكو ناس تقره ١٠٠ كتاب وما واصلة واكو ناس توصل بمحاضرة وحدة وناس ١٠٠٠ محاضرة وهي ماواصلة ماسامعة قول الامام: أنما العلم نور يقذفه الله في قلب من يشاء تذكري ياعلا…