السالفة تريد تطبيق
طبق

ابسط تطبيق أعرف الحجاب وأجب
وآني حجابي بي خلل
ومع هذا اروح ادرس حوزة
واتعبد
واقره كتب
واحفظ قرآن
وووو الخ

وآني مامطبقة
أبسط معلومة ولا مصححة حجابي

آني اعرف بر الوالدين وأجب
وعلى اهلي صوتي شعلوه
واخلاقي سيئة

ويم العالم ماكو مني واخلاقي تجنن
وأنطي دروس بالاخلاق

وانت مامطبق بر الوالدين
وخابص روحك صلاة الليل
وكتب ومحاضرات وووالخ

أفتومنون ببعض الكتاب وتكفرون ببعض
فما جزاء من يفعل ذالك منكم!!

الإنسان يحتاج الى المعرفة وليس العلم

مو كل الناس تكدر تصير علماء
بس كل الناس تكدر تصير عرفاء
ولو كل شخص طبق الي يعرفله من زمان وصل

فقط انك لم تغتنم الفرصة فتخلفت

الشيخ بناهيان

يقول آية الله حسن زاده آملي (حفظه الله):

العرفان النظري هو الذي يمتلكه أمثالي أنا العبد. نحن فقط نتكلّم، نرتقي المنبر ونخطب، لكنّ العرفان العمليّ هو الانتقال من مقام الكلام إلى مقام العمل، والاشتغال بالتهذيب، وتزكية النفس، وإحالة القلب مقرًّا لنور الحق «القلب حَرَم الله فلا تُسكن في حرم الله غير الله».
ما أكثر الذين وصلوا إلى العرفان العمليّ بدون طي مراحل العرفان النظري، وأحرزوا المقامات تحت نظر المرشد والأستاذ!

على قدر الهدف يكون الانطلاق :
ففي طلب الرزق قال : " فامشوا "
وللصلاة قال : " فاسعوا "
وللجنة قال : " وسارعوا "
وأما إليه فقال : " ففروا إلى الله "

لطالما توجه الناس إلى آية اللّٰه العظمى الشيخ بهجت رضوان الله عليه يسألونه : « ماذا نصنع كي نبلغ العرفان وننال مقام القرب من الله » ؟

وكان جوابه : "إذا عمِلتُم بما تعلمون ، ولم تدوسوا معلوماتكم تحت أرجلكم ، فهذا منتهى العرفان ".

كما أنه قدس سره عندما سأله أحدهم : « هل لا بد من المربي من أجل السير إلى الله ؟ وإذا لم يتوفر المربي فما العمل ؟
فإنه كتب له : " باسمه تعالی . مربيك هو علمك . اعمل بما تعلم ، يكفيك ما لا تعلم " .

أو قوله رضوان الله عليه في موضع آخر : « لو علمنا أن إصلاح شؤون الإنسان يكون بإصلاح عباده ، التي على رأسها الصلاة...

هو رب العالمين يرتب الوضع
ويخلي شخص بالطريق يحجيلك سوالف الله رادك تسمعهن
ويروح
فالله خلاني احجي تجربتي البارحة
لان يعرف منو محتاج هذا الكلام
آني لو مجاوبة بالرياضيات
جان هسه معدلي ب ٩٨
وانقبل طب بابل
بس الله يعرف شنو الي بي صالح لدنياي واخرتي
رتب هذا الترتيب وخلاني انسه فرع

والله العظيم
باخر لحظة بتسليم الدفاتر

المراقبة تكلي اجلي ماما
واني صافنة
اني كمت انطيت الدفتر مااعرف ليش سلمته ومااجلت

هو الله رادني اسلم
حتى ياخذني لمكان هو يعرف هذا المكان الانسب الي
فمن ما يطلعلك طب لو صيدلة لو الي بالك
لا تكول الله مايحبني لا تكول تعبت
كول الله اعرف
هو بعد الله
الله مو بخيل حتى ماينطيك الي تريده
بس هو ينطينك الي انسب الك
خلوا ثقتكم برب العالمين عالية
وشنو يكتبلكم كولوا الحمدلله

والدنيا اختبار للعبد

شمدريك امكن اختبارك بهاي الدنيا هو الرضا بقسمة الله
والتسليم له
اختبار ابليس جان السجود فشل بي
لا تفشل مثل ابليس َ
واسجد لكل نعم رب العالمين
لا تقنطوا من رحمة الله


بس أكو شغلة تخوف
أكون ناس الله يوفقها تحقق الي تطمحله
وهاي الناس جانت تدعي ليل نهار يالله
ويالله
وملتزمين
من يحققون الي يردوا
ينسون الله
تشوفه من يحصل العمل الي يريده
لو الجامعة الي يطمحله
لو.... الخ

ينسه مبادئة ينسه دينه
ويصير يقلد العالم
خلص شغله ويا الله
اذا الله وفقكم ودخلتوا بالمكان الي تحبوا

لا تنسون الله ولا تاخذكم الدنيا بروجها