ولو اني مقصرة بالقناة حقيقة

بس سبحان الله الوقت يركض
يادوب واحد يلحك ع حياته

اريد أنصحكم بنات

افضل استثمار يقدمه الانسان لنفسه

يهتم بصحته

متندمة ع السنوات الي راحت ماجنت ملتزمة بيها برياضة

اتمنى يوصل هذا الكلام لكل النساء

سواء جبيرة لو صغيرة

من تزوجت صرت اعاني من تعب من اقل شغل
جسمي مامتعود ع التعب هلكد
مال بيت
وشغل

ظهري احسه يشتعل نار

فرحت طبيبة مفاصل
كالت عندج ليونة بالروابط
يعني جيني خلقة رب العالمين هيج

فنصحتني بالتمارين وعلاج طبيعي

شفت العلاج الطبيعي هو عبارة هم عن تمارين

فرحت سجلت بجم وكلاس يوكا

بنات صار شهر ونص تقريبا
ملتزمة بيهن
حتى بالبيت اسوي يوكا
اطلع ع اليوتيوب

فرق 80‎%‎ بالألم والمفاصل
وصار عندي قدرة ع التحمل

فبنات انصحكم حتلو عمرج 15
حتلو عمرج 50

تلعبون رياضة مهمممممة
أصلا الرياضة عبادة
لان الإنسان من يقوى تقوه عبادته

وماشاء الله اليوتيوب مليان فيديوات رياضة ماكو حجة للي ماتكدر تروح جم

اني دخلت جم لان مااعرف شنو التمارين الي تقوي عضلاتي

فرحت حتى اعرف شنو يوالمني وشنو لا

بينما إذا انتم مابيكم شي
تمارين اليوتيوب مامقصرة أصلا
وأحسن من الروحه والرجعه هم تاخذ وقت

واليوكا بنات
شي خيالي
قبل النوم اسوي
حتى انام بعمق

والتمرين وقته 15 دقيقة اقصى شي