رب العالمين حتى شكلنا الي منطينيا هو ضمن رسالة حاطها النا

يمكن لو شكلج من الجميلات كلش
تنحرفين ويضيع دينج

مع العلم ماكو انسان مو جميل

كل انسان اله شكل معين وميزة معينة
بالنهاية الشكل قشرة
جواها اللب

اللب هو الي يخلد الانسان

ماتخلدت اسيا بسبب جمالها
انما بسبب اللب باطنها الي
عرفت شلون توصل لله

بنفس الوقت تخلدت زوجة موسى بسبب اخلاقها
بسبب اللب

جاءت تمشي ع استحياء

فبنات
كولوا الحمدلله ع أشكالكم دائما

رب العالمين يكول
كل شي خلقناه بقدر

يعني حتى شكلج مقدر لاجل مصلحة الج بيها
والي مايعرف المصلحة يضيع اخرته

اعرف 2 بنات من كرايبنا وحدة جدا جميلة
والثانية عادية

الجميلة نغرت بالدنيا حيل
لبس
مكياج
علاقات

فأخذتها الدنيا كلش

الثانية بنية ملتزمة

جانت هذيج البنية تكول اني اجوني كومة واني واني واني
من الخارج اجو
وبكل كعدة تذكر هذا الكلام كدام الكل

تالي الجميلة تزوجت متزوج
وطاحت بيها ومو خوش انسان

والعادية تزوجت مؤمن حقيقي
وبقت محافظة ع دينها

رب العالمين مقدر رزق كل انسان
الشكل ماله اي دخل
هو قشر مرتبط برسالتك بهاي الدنيا

الشّاكرُ أسعَدُ بِالشُّكرِ مِنهُ بِالنِّعمَةِ الَّتي أوجَبَتِ الشُكرَ لَأَنَّ النِّعَمَ مَتاعٌ والشُكرُ نِعَمٌ وَعُقبي.

- الإمَام الهَادِي عَليهِ السَّلام.

يصادف يوم عرفة يوم الثلاثاء