ترا الدنيا مو سباق حتى تغلبين جماعتك

الدنيا سباق للآخرة

هنياله الي يعيش بهدوء بكلشي

اكتشفت من امشي بهدوء
لو اطبخ بهدوء
لو ماارد ع الي يحجون عليه
لو ادعي واذكر محاسن الي ياذوني

اكون روح شفافة

ذكرت المشي بهدوء
لان الإنسان كلما كان هادء بكلشي بكلشي
راح يفكر بحكمة

حتى الحزن
كون الإنسان مايحزن ع اي شي ابداااااااااااا


كون الانسان يحزن بس ع الذنوب

لا تنخبصون وتعيشون بخبصة
ومقارنات أبدا

امشي بهدوء
فكر بهدوء
انجز المهام بهدوء مو تحط 100 مهمة

بطلوا تكبير الامور وعيشوا بهدوء

وتذكروا ماكو حال يبقى نفسه

لا الحزن يدوم ولا الفرح يدوم

فليش الانسان يعيش بخبصة

هذا المفتاح
لصحتكم الجسدية
والنفسية
والروحية

حتى الناس الي اشوفها تتغير
لو تسوي مواقف مو لطيفة

صرت ابتعد بهدوء بدون عتاب
وبدون كلام

فقط سلام
وأطلعهم من حياتي
بدون ما اكطع صلة الرحم

خلوا دوم كدام عينكم الاية الي تكول

فكلي واشربي وقري عينا …
ولا تخافي ولا تحزني..

هذا الخطاب للسيدة مريم ولام موسى عليهم السلام
والنا ان شاء الله
ماطول رب العالمين موجود كلشي
ينحل

هذا الكلام الي والكم 🌸

وهسه نستودعكم الله

هذا يفيدكم البحث

- الرساله ؛ https://youtu.be/X6oFPkaSVfk?si=wfaFle8OjHXc7M87

بنات تنويه من انشر فيديو
مثل هذا الفيديو لهذا الدكتور
هذا مايعني اني ازكي هذا الدكتور ولا ادعوا لمتابعته

كذلك من انشر فيديو لشيخ او سيد

انما انشر فقط الفايدة الي شايفتها بهذا الفيديو او بهذا المقطع
مو يعني ادعوا أنوا تابعوا هذا الشخص نفسه

فكلت هيج حتى ابري نفسي امام الله 🌸