تصبر لان تريد تعيش حياة كريمة
حياة بدون مشاكل
حياة متوازنة

حياة بيها قناعة
بيها توكل وحمد لله على كلشي

هاي الحياة هواي بيها مطبات
ومو كلشي مثل مايريده الانسان

ولذة الحياة بالتعب

لان الحياة الي كلها راحة
تخلي الانسان فارغ يطيح بالذنوب

- الرساله ؛ نصائحج من ذهب حقيقة
أتمنى من اتزوج اكدر اطرق هالكلام
لأن دا اشوف المتزوجات حواليه أغلب مشاكلهم أما بسبب المقارنة أو صبرهم ضعيف أو جانوا راسمين غير حياة ابالهم
مرات اخاف اتزوج واتصرف مثلهم

ان شاء الله أكدر اكتسب هاي الصفات الحميدة واكون حكيمة بتصرفاتي

ان شاء الله تتزوجين وتسوين اسرة صالحة🌸

- الرساله ؛ لكن شلون الانسان يكدر يصبر بدون لا يتذمر على الاقل تخفيف عن النفس

دائما كون يباوع للي اقل منه

من يشوف نفسه احسن من غيره
بهواي نعم
راح يعيش بقناعة

بس اذا الانسان باوع على الاحسن منه مراح يعيش مرتاح

- الرساله ؛ كلهاا توصي الزوجة بل صبـر لـ خاطر بيتج لـ خاطر اطفالج لـ خاطر زوجج
وماافيد يوم شفناا واحد كال للزوج ياا زوج انتِ هم لاازم تصبر تتحمل تقلباتهاا تساعدهاا مو علئ سالفة انُ هيَ المسؤالة بلبيت اتخلي كلشي عليهاا مجتمعناا فاهم مفهوم التصبر وكانو الصبر انخلق بس للمرأة

شوفي الموضوع من كلتي كلها ظلمتي بختج
لان احنا مو بجلسات الرجال وماندري شنو يحجون
واكو هواي شيوخ وسادة توصي بالصبر ع الزوجة
وهواي روايات الصبر على سوء خلق الزوجة

بالنهاية كل واحد يحجي من موقعه حسب الفئة الي تابعه

وصبر المرأة بعض الاحيان يعدل الرجل
ياما وياما نساء صبرت على زلمهم وخلتهم بيها حظ

الجانب الثاني اني مااوصي انو صبري اذا مو خوش ادمي ومو انسان متدين
اني اوصي بالصبر على الحياة ومطباتها

مرات الرجل يكعد من الشغل لظرف
ومرات كاعدة ويا عيال لان زوجها ماعده بيت
واكو الي كاعدة ايجار ومتحملة
واكو الي حالة زوجها مو مثل اهلها

واكو الي تواجهه بالزواج اسقاط وفقد طفل
واكو الي يتمرض زوجها
واكو الي يصير سوء فهم
واكو مشاكل
واكو واكو

هاي الامور اذا ماتنحل بالصبر

الحياة ماتكمل

ولا تمشي

فلاحد تتوقع الزواج شي وردي

لازم البنية من تفكر تزوج
تكول اني اصبر وتتعلم الصبر بهاي الحياة
الي ماعدها صبر لا تتزوج

ونصيحة الصبر يمكن قليل صرنه نسمعها

لان البنات نسوا الصبر
وصارت الاحكام على اي وحدة تشكي بحياتها الزوجية

بالابتعاد والانفصال لان هذا سايكو وفقير وراح وراح وره حسب تعبيرهن ومدري شنو

ولا تطرحون مشاكلكم يم اي احد مو حكيم

كثرة الاراء تولد التشتت عند الانسان وتخلي يكره حياته

الحياة يرادلها حكمة حتى الانسان يعيش