يوم الي تتزوجين خلي في بالج لازم تصبرين

بنات يمكن اصدق نصيحة تسمعوها هاي

خاصة البنات الي مامتزوجات

كون المرأة تتعلم الصبر
تتعلمه ويكون ملكه تكتسبه فعلا مو بس قول

احنا هواي سامعين نصايح عن الزواج واختيار الشريك

بس النساء وره الزواج تخاف تحجي عن عيوب ازواجهم او عن الي يعيشنه

اكو يطلع سلبيات مو حقيقية
واكو يتذمرن

بس قليل الي شفناهن يوصن بالصبر

الصبر مو لان هو مو خوش انسان
بس الصبر لان الحياة تختلف

الصبر لان تواجهج بهاي الحياة امور كون انت تحليها

مو امج وابوج

وهواي امور وامور مو كلشي ينحجي

بس الي ينحجي
وتخلي بالها البنية اول ماتريد تزوج

كون تصبر

واهم شي كون البنت ماتقارن
حياتها ويا غيرها

من تصبر ماتسوي منية
ولا تحسس المقابل هي مجبورة وصابرة ومظلومة

تصبر لان تريد تعيش حياة كريمة
حياة بدون مشاكل
حياة متوازنة

حياة بيها قناعة
بيها توكل وحمد لله على كلشي

هاي الحياة هواي بيها مطبات
ومو كلشي مثل مايريده الانسان

ولذة الحياة بالتعب

لان الحياة الي كلها راحة
تخلي الانسان فارغ يطيح بالذنوب

- الرساله ؛ نصائحج من ذهب حقيقة
أتمنى من اتزوج اكدر اطرق هالكلام
لأن دا اشوف المتزوجات حواليه أغلب مشاكلهم أما بسبب المقارنة أو صبرهم ضعيف أو جانوا راسمين غير حياة ابالهم
مرات اخاف اتزوج واتصرف مثلهم

ان شاء الله أكدر اكتسب هاي الصفات الحميدة واكون حكيمة بتصرفاتي

ان شاء الله تتزوجين وتسوين اسرة صالحة🌸

- الرساله ؛ لكن شلون الانسان يكدر يصبر بدون لا يتذمر على الاقل تخفيف عن النفس

دائما كون يباوع للي اقل منه

من يشوف نفسه احسن من غيره
بهواي نعم
راح يعيش بقناعة

بس اذا الانسان باوع على الاحسن منه مراح يعيش مرتاح

- الرساله ؛ كلهاا توصي الزوجة بل صبـر لـ خاطر بيتج لـ خاطر اطفالج لـ خاطر زوجج
وماافيد يوم شفناا واحد كال للزوج ياا زوج انتِ هم لاازم تصبر تتحمل تقلباتهاا تساعدهاا مو علئ سالفة انُ هيَ المسؤالة بلبيت اتخلي كلشي عليهاا مجتمعناا فاهم مفهوم التصبر وكانو الصبر انخلق بس للمرأة

شوفي الموضوع من كلتي كلها ظلمتي بختج
لان احنا مو بجلسات الرجال وماندري شنو يحجون
واكو هواي شيوخ وسادة توصي بالصبر ع الزوجة
وهواي روايات الصبر على سوء خلق الزوجة