نكافئ نفسنا بموطا بابلو🤣🌸
مكافئه للركض من الصبح لسه

- الرساله ؛ عفواً ، بس حضرتج محتاجه؟ اقصد ليش تصنعين منتجات؟

قبل لا انام

هواي تجي هيج رسايل ليش تصنعين وانتِ محتاجة !

اولا بنات هو الانسان ليش يشتغل بالضبط

لهو مثلا !!

غير محتاج بهاي الدنيا

يعني اذا واحد متعين
يكون غني

انتم تدرون التعين شكد راتبه !!
وشون اذا اخذتي اجازة لان محتاجتها
شهر واحد يكطعون راتبج

فيعني من واحد يشتغل

اكيد محتاج

ترا كلنا نسعى نعيش بحياة طيبة كريمة

وحدة من شروط هاي الحياة يكون عدك بيت ملك تعيش بي بدون ايجارات لو غرفة ويا عيال

ويمكن الانسان عده مريض يحتاج لعلاجه

واشكال الوان ظروف الناس

فليش هاي الاستغربات مدا افهمها !!

فمحد بينه عده زايد
كلنا عدنه يادوب يكفي عيشتنه
ويكفي يومنا

والحمدلله والشكر المهم
رزق حلال مهما كان نوع الشغل

اهم شي اهم شي الرزق الحلال

ومحد حاب التعب ويترك الراحة لاجل اللهو

صح اني شغلي احبه جدا جدا

بس اوصل بالليل للفراش
جسمي يأذيني من التعب كلش كلش
حتى احتاج دهن مفاصل حتى ارتاح

بس مااكعد اشكيلكم بالقناة
وابث طاقة سلبية

احب اصور الاشياء الايجابية 🌸

- الرساله ؛ هذا طمع اشوفه منج ؟

عفوا طمع !!
اني مايحتاج ابرر لاحد
ليش اشتغل

اذا كان طمع او احتياج
فبالنهاية محد بيكم مساعدني
ولا طالبة من احد

الي بي خير
يعيش بتعبه مو يبقى ينتقد الناس

بعدين بنات حقيقة اني اشفق على الي ينتقدون ويجاوزون

لان اكول الدنيا ماتسوه واحد ياخذ ذنوب غيره

ماتشوفون اليوم يركض عبالك ساعة مانحس بي

ترا العمر خلصان
عليمن هذا الكره والحقد

هنياله الي يخلص عمره هو حاير بروحه يصلح نفسه

منو يدري باجر يكعد لا

النايم امره مو بيده