راح نبلش #بالعلاج_النفسي
حسب روايات اهل البيت عليهم السلام
مو فقط هذا العلاج للي تركوا الواتباد
لا لكل شخص ترك شي متعلق بي

مساء الخَير حَبيبَة، إلّي فهمتَه من الحَديث، وهو فِهم بَسيط ناتج عن قلَّة معرفتي بالأحاديث الشريفَة، أنُّ نبينا مُحمّد "صلّىٰ الله عليهِ وآلهِ وسلّم"، يمكن جاي يقصُد الّي طاعِم يعني يأكُل ولكنَّه شاكُر لله تعالى على هالنِعم، الأجر مالتَه نفس أجر الإنسان الصائِم إلّي يصوّم، والمعافى يقصد بي إلي عندَه عافيَّة ولكنّه شاكِر لله على هالنِعم وعلى نعمة الصحَّة -بالخُصوص- الأجر مالتَه نفس أجر الإنسان المُبتلى يعني العندَه إبتلائات ومشاكل بحياتَه ولكنَّه صَبور وما يتذَّمَر ع هذه الإبتلائَات، والمُعطى يعني إلي الله منعم عليه بهوايَة نِعم ورازقَه ولكنَّه شاكِر وما متكبُّر هذا الأجر مالتَه يعني الحَسنات مالتَه نفس أجر وحسنات الإنسان المَحروم من بَعض النِعم -لحكمَةٍ من الله رُبما- ولكنَّه قانِع.
هذا والله أعلَم وأعلى.🌱

أحسنتم 👏

اذًا الشكر نوع من انواع العبادة لو لا؟

يعني هذا الي أعمى وصابر

انت تأخذ اجر مثل أجره
لمجرد انك شاكر

هذا الصائم
انت تأخذ اجر مثل أجره لمجرد انك شاكر

والشكر مو بس قول
اله مراتب

انك تكون ممتمن
راضي ظاهريا وباطنيا

نوع من انواع العلاجات النفسية
هي الامتنان

والامتنان هي شكر
على وجود اشياء بحياتك غيرك مفتقرهن

لذلك عدنه آية قليل الي يلتفتون الها

الواتباد هذا البرنامج الي تحسون بفراغ بسببه من تركتوا

لو تتاملون شوية
انك حفظت من تركت الواتباد
نعمت النظر

والحفظ يعني الامتنان
والامتنان
يعني الشكر

والشكر يعني عبادة

لاحظتوا الدقة

يعني هنا صرت شاكر

والشكر شنو ثوابه؟

يجاوبنه الحديث

هذا هو العلاج النفسي

بسم الله

راح ناخذ بهاي الفقرة احد اهم العلاجات فعالية في حياة الفرد وهي ( النعم الالهية)

تساعد على التخلص من العديد من الأمراض الروحية كالقلق والكابة ..

بداية خلي نعرف منو يثبت اكو علاقة بين النعم الموجودة بحياتنا وبين السعادة؟

س/ هل هذا الشي مذكور؟ وين مذكور؟

هذا الشي مذكور قبل الآلاف السنين جواهر رويت عن آل محمد عليهم السلام..

روي عن  الإمام علي بن الحسين عليه السلام:

"أوحى الله تعالى إلى موسى: حببني إلى خلقي وحبب خلقي إلى، قال: يا رب كيف أفعل؟
قال: ذكرهم آلائي ونعمائي ليحبوني"


اذا الإنسان تذكر النعم الموجودة بحياته وقتها راح يحس بعناية الله تعالى اله
راح يحس ان اله رب يدبر امره ويحبه ويعطف عليه وهنا راح ترجع تنور شمعة المحبة.

ذكرهم نعمائي وراها شنو يصير ~يحبوني
ومن يحب الله تعالى راح يشعر براحة وسعادة.


مثال قريب علينا هسه بفصل الصيف
المكيف هذا المكيف اذا عطل وين ياخذونه؟
ياخذونه للصيدلاني؟ لاا
ياخذونة للحداد؟ لاا
ياخذونة للنجار؟ لاا
لعد وين ياخذونه؟
للمصلح الكهربائي
الإنسان كذلك
من يتعب بهل الحياة ويتاذة ويضيع ويتيه
ما يرجع لحاله الطبيعي الا اذا رجع للخالق
ليش؟
لان هو خلقه فهو اعرف واعلم بحاله وشنو ينفعه وشنو يضره.

شي ثاني ان العطايا والهدايا تولد محبة بين الناس
روي عن رسول الله صلى الله عليه وآله وسلم
"تهادوا تحابوا"

هنا خلي نصفن اذا الشخص انتبه لهدايا وعطايا ونعم الله تعالى عليه بوقته شنو راح يحس من محبة بداخله!
تأمل~

هسه نجي ع المجتمعات
من شافوا حالات انتحار وكابة وضياع هدف
بقت بعض العلماء دور ع طريقة تحبب الناس بالحياة يقللون من الانتحار والكابة... الخ
لعلهم سموا شي الامتنان وعلم النفس الاجتماعي وسوا تجارب ع اشخاص يركزون ع الاشياء الجيدة بحياتهم
واشخاص يركزون ع الاشياء السيئة بحياتهم وشافوا الفرق بين الإثنين. والتأثير الواضح ع الاشخاص لركزوا ع الاشياء الجيدة وكثير مقالات موجودة بالنت

المهم كل هاي الهوسة والفرة بينما تلكا حديث مروي عن الامام السجاد عليه السلام هو الحل الأمثل والانجح والاكمل

هسه نجي نفهم شلون نركز بالنعم الموجودة بحياتنا؟

وتذكروا قوله تعالى"وَإِنْ تَعُدُّوا نِعْمَتَ اللَّهِ لَا تُحْصُوهَا "

النعم اكو ظاهرية واكو باطنية
هسه خلي نركز ع الظاهر الموجودة عدنا