و هاي هسة البنات متأثرات البطلات الي تدخل كلية عسكرية و الاهل ما يقبلون و هي تفرض شخصيتها و تنهزم من أهلها و بعد من تتخرج و تصير رتبة ملازم ترجع لأهلها و تفرض شخصيتها شخصيتها كأنما شخصية رجل و حتى طريقة المشي

وها البنات من كد ما غاصوا بهل قصص الحرام
التصرفات ما احجيلج
الكره للشهداء
اتذكر بنيه صديقتي هناك
جانت تخلي صور ابو مهدي بحسابهه

لو شايفه بين فتره وفتره يصير هجوم عليهه والغلط والفشار ينترس حسابهه ترس

وها كل هالهجوم مخطط اله
اكو كره جبيييير

اني منزلته ومن اضوج اقره بيه لان ماعندي صديفات
هسه من شفت كلام البنات عنه رحت حذفته
ورح الغي متابعة من الكاتبات الي عرفتهم من الواتباد

شكرا هواي الج وللبنات اني مجنت اعرف كل ضني هو قصص ادخل اقرة واقضي وقت لا اكثر
جزاكم الله خير ❤️

هدف هلبرنامج واتباد زرع افكار الغرب وتدمير المجمتع. والبعد عن الدين

علا اني جنت بنية حجابي رقم واحد بحياتي ماكو شي ضيك ماكو قصير ربطتي نازلة على جتافي مستواي الدراسي جان عالي كلة فوك ال٩٥ واطلع على مستوى القضاء بحيث بالثالث متوسط والسادس ابتدائي طلعت الثانية على القضاء ....بس من رحت للاعدادية قرييت قصص وشلون اخذتلهاواحد عائلة وسمعة ومال وجاه لان شافها بطريق المدرسة كمت افتح السحابة مال الصدرية من جوة والثوب تصير بي فتحة وليل نهار حافة رجليناتي .. ضعفت ووكعت ورة خصري وجسمي وملابسي بس الحمد لله جانت فترة وبعدها كمت اغطي رجلية واستحرم بس علا مستواي الدراسي كلش قل من ورة الواتباد بحيث بالخامس كمت بس انجح ووكعت بدرس ببداية الكورس بعدين عدلته بس شالفايدة اكو شي انكسر مرجعت القديمة الي خوفها على الدرجة جنت بس دراسة ورب العالمين اصلي واعبد الله واقرا علا ماعدا هذا صار عندي شغف اقرا القصص الموزينة والاباحية واوصل لمرحلة عرفة روحي صار عندي ادمان عليها وهسة داخلة برامج تقوية حتى اعرف شلون اطلع من شي وكعت روحي بي بيدي وهو المواقع الاباحية صار سنتين بسبب الانستكرام والواتباد مسحت الانستا من اجهزة اخواني هم ومسحت الواتباد والحمد لله بفضل الله اني جاي استعيد نفسي

اهم شي الإنسان يعرف هذا حرام بعد يتركه

والي تعرف الواتباد وقصصه
وكل قصص مو بس بالواتباد
سواء تلي
انستا
كل مكان

تحجي عن هيج أمور

لان ساعدتوا بانتشارهن

بنات والله لو تعرفن اهميه الوقت جان ما ضيعتنه بهاي السوالف لان بعد الزواج مسؤوليه وخصوصا اذا عيال متلحكين على شئ اني جنت احفظ قرآن واقرا كتب دينيه وادعيه واقرا كتب عن الشهداء والحمدلله مجنت اضيع وقتي على الرغم جنت طالبة جامعة فحرامت اذا عدجن ولو ساعة استغلوها بشئ مفيد وتستفادين منه بعد الزواج حتى لو معلومات عن تربيه الطفل اي شيئ والله حرامات وقتكم يضيع بشيئ يغضب رب العالمين

علا مدمره كلش مو وراه واتباد
تصدكين واني عدي الامتحانات سادس من ارجع من الامتحان اروح اقره فدساعتين منه وهسه كلش متندمه مضيع وقتي وحياتي من رابع اقره بيه 💔💔💔 ندمانه علااا جنت احب قرايه وهسه صرت احب قصص واتباد مستواي دراسي هبط يعني هسه ستينات كوه اطلع

علا اني عدت سادس من وراه والحمدلله من شفت نفسي عدت السنة مسحت الفيس والواتباد والانستا وبقيت بس التلكرام تخيلي صارت ونستي ووقت فراغي قناتج ادخل بيها اشوفج طارحة موضوع واراء البنات وايجابيات وسلبيات الموضوع علا اتصوري كمت اطلع مجاس على اليوتيوب من اخلي المجلس اكلب الجهاز واستمع بس للصوت حتى اركز مثل مااركز من تنزلين على القناة نعي .....وهسة جاي اهيئ نفسي البس عباية الحمد لله طرق الشيطان قطعناها .....علا البارحة خالتي شالت لبيتها الجديد وهي حامل رحت ساعدتها متصدكين هي و رجلها خطية شكد فرحانين هو ماعندة احد يجي يساعدها من اهلة واحنا هم لو حوامل لو عدهم اطفال صغار رحت لميتلها البيت هم اني حسيت براحة نفسية وهم همة وهديت ثواب العمل لصاحب الزمان شكد ميكون قليل او كثير

انه جنت اتابعه الواتبلد قبل سنتين وجان ماخذ شهور من عمري اقره ومعتزله عن اهلي ودخلني بفترة كئابه الله لايراويهه لأحد وصلت بيه للأنتحار بس الله حماني
مادري انه عبالي القصص حقيقيه ومصدگه وحته ابجي عليهه هاي غير عن التخيلات والافكار اللي تصفنين عليهه كرهت اهلي كرهت الدنيا كله
ولوما لطف رب العالمين بيه جان صارت كوارث

وتعقيبًا لكلامي حتى يعرفون البنات كمية الاضرار اللي بيها، بنات تعرفون شنو يعني صفاء القلب ونقاوته تروح؟تعرفون يعني شنو بكل وقت ببالج زواج وولد وشلون تعجبينه؟ تعرفون دمار النفس اللي يصير من تمشين تطلعين كله افكار محلوة اهم شي يشوفج فلان وفلان؟ هذه هم تصير من اثار القصة اذا تتابعها وحدة ، فصدكوا امر كلشش مؤذي ماتعيشين مرتاحة قلبج صافي ونقي وبلا ملوثات واهم شي رضا الله، يبقى بالج يازواج يا رجال وهيج تخلص ايام شبابج حسافة 💔 ، فثقوا عن تجربة لحد تحمل واتباد وتتابع القصص لان مراح يتضرر غيرها .

اني جنت اقرا قصص
حرفيا استهلاك للنفس البشرية
سهر بسهر حتى اخلص القصة
الاحداث تبقى ابالي اُصًلًيےّ وتجي القصة براسييي براسييي لحد مااختمها كلش تأذيني كثرة التفكيرر دمارر دمااررر
گطعتهن حتى ارتاااح لان تعب وهم واضافة للاحداث الرمانسية الي تنذكر هاي كلها تولد اثارة وخيال محرم ف دمار حرفي يعني ذنب يجر ذنب والعياذ بالله
واحد يشتري راحة بالة يگعد يدعي ربة بالتو‏فـ♡ـيق والزوج الصالح بدل مايتخيل م̷ـــِْن ورا هل قصص وتروح تكعد ترتبط وتتخيل عيشتها نفس القصة والشريك نفس الي ذاكرينة وعايشين بهل احلام
+قبل فترة شفت اختي عمرها 14 منزلتة دخلت لگيتها علية لگيتها تقرة قصة فصحى "فرقة bts كلش تحبهم ف ووحدة خدامة عود ويكوم يحبها مدري تحبة وهوه زنگيل وهية خدامة ومن هل خريط"حذذفتة وگلتلها لتنزلي بس عدها ادمان ع هل فرقة واني اكول فترة مراهقة ما اشد عليها خل اتابعهم واني اراقب فونها بس ماامنعها منهم لان جنت بعمرها اتابعهم واسمع اغاني وعايشة بطيش وذنوب حتى المغرب جنت م̷ـــِْن تشغل ماما قرءان اروح انصييييي ماحب اسمع احس اتكئب 💔 بس م̷ـــِْن كبرت تركتهم ف مااظغط عليها بس فونها اتابعة اعرف رمزها ونطلب م̷ـــِْن الله الستر

السلام عليكم
علولة تدرين انو هاي القصص تأثر بشكل ممكن يوصل للزنا والاغتصاب والقتل!!

قبل كم يوم شفت فيديو لاحد المجرمين الي كان يغتصب ومن ثم يقتل الضحية لمن سألوا شنو السبب كال الافلام الاباحيه!

اليوم تتابع قصص حرام بعد كم يوم هاي القصص ما تأثر بيها والجسم يريد متعة اكثر فتضطر انو تروح للافلام والفيديوهات وبعدين حتى الافلام ما تكفيها!!
فتروح بطريق الزنا والعلاقات الحرام

وهواي قصص عن بنات انحرفوا بدايتهم كانت مجرد قراءة قصص...

علا انيهم اقره قصص بس مو بالواتباد اهلي ميقبلون قنوات ع تلي بس قريت ع واتباد كم قصه طببعن القصص بتفصيل الممل تخيلي المتزوجين كلشي يصير بينهم وححركات سوه هيج والله اني نحرفت بسببه صراحه حتى تخيلي عندي متحانات ما اقره كاعده ع قصص وهسه صرت اقره كل فتره قصه بعد ما جنت مدمنه علي

يلا شكو وحدة عدها هالبرنامج
تحذف وتدز صورة حذفه