بعد شنو هناك الناس الله ماسخهم
شكول على التصرفات
علا يشيب راسج
ذاك اليوم دخلت من كوكل للبرنامج لفد قصة
نزلت للتعليقات اريد اشوف
علا فشار مو طبيعي
يعني بنات بعمر ال ١٣ و١٤ و١٥
يكتبن كلام شواع وانحطاط

والكاتبات جدًا مستغلات هالعمر لأجل المشاهدات
تكتب مشاهد مُخلة بالادب علمود تجذب البنات

بحيث وصلت مرحلة الكاتبة من تكتب الفشار بشكل مقطع
عود علساس مستحيات هجمبيتهن
البنات بالتعليقات يكملنهه


والقصص تخلي البنات يعيشن بوهم الخيال الجنسي

الواتباد والقصص استهلاك للنفس البشرية هيج اريد اسمي

شوفي عُلا أكو قصص بالواتباد يحجون بيها عالأساس شخص من فرقة كورية داخل بعلاقة وي بنت والبنت عالأساس هي الي داتقرا القصة ف البنات غرقانات بهاي القصص وعايشات الجو كلش!!

وعلا
هاي فرقة الكورية مااعرف شنو اسمها بس لشوفين بنات عمي ادمان عليهم لدرجة اذا احجي وياهن ماايقبل ويزعلن عليه والخلفيات والصور الشخصية كله صورهم ومااعرف حتى بعد اشلون احجي وياهن ويكللي كلشي ماابيهم واذا تابعناهم

باعي علا
هو البرنامج يزرع افكار كللها عبارة عن دمار لكل مراهقة
يعني وحدة تشرد من اهلها و يحسس القارئ انو هاي مظلومه لذلك شردت
و هم للاسف اكو فكرة السادية هم يزرعونها داخل تفكير البنت
يعني يخلن المراهقات ميتات على واحد عود على الاساس حلو و كون يشبعهن ضرب و اهانه و من هل امور

والله يا علا البرنامج دمار هيجي لا إرادي تدمنين عليه اني قبل جنت اقرة قصص عليه تفكيري كله بالقصص حتة بالصلاة و اضحك على روحي و اكول عادي و مو ماخذ وقت و هو والله جان ماخذ عقلي و البرنامج بيه قصص أشكال الوان قصص مخلة و سوالف تعبانة تسحب الواحد سحب و بدون وعي الله سترني و عفته كمت بس افكر بسوالف العلاقات و الحب حتة اعرف اخت صديقتي عمرها ١٣ سنة تكول اختها النهار كله على القصص حتة ما تطلع لاحد ولا تطلع من غرفتها صارت مدمنة

هذا البرنامج يحتوي على هواي من قصص المثلية بعيني شايفه
وكُتابها يكتبون بطريقة جنسية جدا بحيث يظل الشخص مصدوم من كمية التركيز على الجنس المثلي طول القصة بحيث يظن الشخص ان الكاتب مثلي و متعطش للممارسة
و هم بي قصص تشوه الاسلام بطريقة غير مباشرة، انو مسيحيات او غير اديان يكونون جدا اخلاقيين يعيشون بوسط مسلمين يكونون متدينين جدا و لا اخلاقيين و مغتصبين و يتاذون منهم ومن فرض الحجاب و ثم يشردون و يرتاحون بحياتهم وياكدون جدا ع موضوع ان(القصة واقعية قطعا).

وفوكاها كلة بنية تشرد من بيت اهلها وحده حبت وثانية عشقت وكلوا بنات واغلبها. سوالف +18والعياذبالله

باعي علا اني جنت قبل سنوات مراهقة وهيج قريت بي كم مرة حرفيا لعباااااان نفس تخيلي ابقة 5ساعات واكثر اني ع نفس الكعدة لااكل لااشرب هيج لواحد يفقددد بعدهه صحيت ع نفسي كلت شداسوي اني بنفسي حذفتة وبقيت اقرة كتب وقصص دينية افضل بهواي
وترة برنامج لواتباد بي كلشييي حرفيااا كلشي يعني بي قصص لعبان نفس وفصلية وشواذ ويحجون بشكل مباشر فلان يسوي هيج وفلانة هيج يعني يخلون لمقابل كانما يعيش الموقف
المهم الحمدلله الله نقذنة منة وحذفته من وقتهه ومانزلتة
وخلي اكول شي للبنات ترة والله كلة كذب كذب كذب ماكو قصص حقيقية هيج كولهه اوهام ديوهمون البنات بيهه
الله ينقذكم وينقذنة من هالدمار

علا حتى اكو قصه بهذة البرنامج اعتقد اغلب البنات بالقناة يعرفوها اسمها المراهقه والاربعيني شكو شغله طايحضها موجودة بهاي القصه ، حته مشاهداتها هواي ومشهورة
والي كاتب هالقصه هية كاتبه وحتى سوت هالقصه كتاب وطبعته وكام يبيعو بالمكاتب وانتشر بشكل فضيع

باعي خيه هو برنامج مُنحط لابعد درجه
بي إعداد كلش هوايه بسببه كومه ناس نحرفت
ناس وصلت بسبب آثاره القصص تسوي العاده السريه وهمه ميدرون انووهيه حرام
الي شفته بيه يشيب الرأس
تخيلي اكو قصص مابيها معنى الي بيها بس شغلات قليله ادب وعلاقات يعني متزوجين كلشي يحجو بالتفصيل اذا انسان تعمق بيها يتأثر بطريقه متصوريها

و المشكلة بالقصص انو هيه تكون مقترحات يعني اي احد يفتح التطبيق يطلع كدامه اشكال و الوان مو الا تبحث و هكذا منا لمن يخلون البنت تدمن على هيج قصص منا لمن تكوم تبحث عنهن مو بس بالواتباد لا حتى بالبرامج الثانية

علا اني هم جنت اقرا بي بالسادس اعدادي انطتني صديقتي اسم البرنامج وتلح عليه نزلي نزلي وكتبت الي اسماء القصص
اني نزلته وياليتني مانزلته
ادمنت ادماااااان موطبيعي
اعيش بداخل تفاصيل القصص تركت القراية ومعدلي بسببه صار موزين
ابقى اندمج بس هالبارت بس هالبارت
القصص موزينه وخااصه قصة سمر هواي سمعت عنها بس ماعرفها شنو
مرة بحثتها ودخلت اقراها ونصدمت 😳!
تدرين عن شنو ؟
عن العادة السرية ويحجون تفاصيلها ولعبان نفس!

كمية القذارة بيها موطبيعية
كلام غزلي وتفاصيل موزينه ابد وخاصه الفصليات كلش اوڤر ويحجون تفاصيل زوجيه ابد موزينه عالبنات

المهم بقيت بي سنة وعطل جهازي ونحذف وبقيت شهر بدون جهاز تعودت شويه شويه وشفت اثر عليه وعلى نفسيتي وتفكيري
الحمدلله مانزلته بعد وصدفه شفت منشور يستنكر اثاره والحمدلله خلصت منه
هسه عندي صديقه تقرا هالقصص ونصحتها بس مابطلت .

بالنسبة للواتباد دمار للبنات والشباب كذلك خلي يبتعدون عنه احسن لان مابيه اي فائدة ولو بنسبة 1% بالعكس يزرعون افكار بعقل البنات ان البطل كذا وكذا وفلوس ورتبة ويعشقهاا لدرجة تكوم تقارن بين زوجها وبين البطل او اي شخص يتقدملها تقارنه بالبطل وتكول اريد زوجي يشبه البطل الفلاني ويبتعدن عن العقل والواقع ويضلن عايشات بالخيال ويقارنن حياتهن بحياة البطلات وتصير مشاكل بينهن وبين اهلهن وكومه مشاكل اذا نتطرق الها لباجر ماتخلص + يكتبون انواع القصص المثلية والجنسية وزنا المحارم وهذا الشي كلما يقرونه البنات راح يقودهم للعادة السرية اجارنا الله فنصيحة لله ابتعدوا ابتعدوا ابتعدوا اللهم بلغت اللهم فاشهد

انه جنت اتابعه قبل سنتين وجان ماخذ شهور من عمري اقره ومعتزله عن اهلي ودخلني بفترة كئابه الله لايراويهه لأحد وصلت بيه للأنتحار بس الله حماني
وقبل فتره ردت ارجع بس احس ماله منه فعفته
مادري انه عبالي القصص حقيقيه ومصدگه وحته ابجي عليهه

و هاي هسة البنات متأثرات البطلات الي تدخل كلية عسكرية و الاهل ما يقبلون و هي تفرض شخصيتها و تنهزم من أهلها و بعد من تتخرج و تصير رتبة ملازم ترجع لأهلها و تفرض شخصيتها شخصيتها كأنما شخصية رجل و حتى طريقة المشي

وها البنات من كد ما غاصوا بهل قصص الحرام
التصرفات ما احجيلج
الكره للشهداء
اتذكر بنيه صديقتي هناك
جانت تخلي صور ابو مهدي بحسابهه

لو شايفه بين فتره وفتره يصير هجوم عليهه والغلط والفشار ينترس حسابهه ترس

وها كل هالهجوم مخطط اله
اكو كره جبيييير

اني منزلته ومن اضوج اقره بيه لان ماعندي صديفات
هسه من شفت كلام البنات عنه رحت حذفته
ورح الغي متابعة من الكاتبات الي عرفتهم من الواتباد

شكرا هواي الج وللبنات اني مجنت اعرف كل ضني هو قصص ادخل اقرة واقضي وقت لا اكثر
جزاكم الله خير ❤️

هدف هلبرنامج واتباد زرع افكار الغرب وتدمير المجمتع. والبعد عن الدين

علا اني جنت بنية حجابي رقم واحد بحياتي ماكو شي ضيك ماكو قصير ربطتي نازلة على جتافي مستواي الدراسي جان عالي كلة فوك ال٩٥ واطلع على مستوى القضاء بحيث بالثالث متوسط والسادس ابتدائي طلعت الثانية على القضاء ....بس من رحت للاعدادية قرييت قصص وشلون اخذتلهاواحد عائلة وسمعة ومال وجاه لان شافها بطريق المدرسة كمت افتح السحابة مال الصدرية من جوة والثوب تصير بي فتحة وليل نهار حافة رجليناتي .. ضعفت ووكعت ورة خصري وجسمي وملابسي بس الحمد لله جانت فترة وبعدها كمت اغطي رجلية واستحرم بس علا مستواي الدراسي كلش قل من ورة الواتباد بحيث بالخامس كمت بس انجح ووكعت بدرس ببداية الكورس بعدين عدلته بس شالفايدة اكو شي انكسر مرجعت القديمة الي خوفها على الدرجة جنت بس دراسة ورب العالمين اصلي واعبد الله واقرا علا ماعدا هذا صار عندي شغف اقرا القصص الموزينة والاباحية واوصل لمرحلة عرفة روحي صار عندي ادمان عليها وهسة داخلة برامج تقوية حتى اعرف شلون اطلع من شي وكعت روحي بي بيدي وهو المواقع الاباحية صار سنتين بسبب الانستكرام والواتباد مسحت الانستا من اجهزة اخواني هم ومسحت الواتباد والحمد لله بفضل الله اني جاي استعيد نفسي

اهم شي الإنسان يعرف هذا حرام بعد يتركه