اي يا علا حتى بت عمي هييج مدمنه عليه وكلها كله جذب مااتصدك تكول لا قصص حقيقية وشحلاتهم عيشتهم مو مثل عيشتنه 💔

من 2019 ولحد الآن اقرة بالواتباد
مدمنة عليه بشڪل مو طبيعي
انعزلت عن الناس وعن اهلي وبس لازمة التلفون واقرة حتى من اشتغل التلفون بيدي واقرة ودراستي هملتها وترڪت السنة
مجاي اگدر اعوفه هسة جـَـاʊ̤ اڪتبلچ هالڪلام واني جـَـاʊ̤ اقرة بالجهاز الثاني 🥲

علا فعلاً الواتباد يدمر اني سمعت بي من خالاتي واختي وگمنه نقره يعني هملت كلشي واني من المتفوقات بس بالرابع والخامس درجاتي زفت حشاكم من وراه تالي تركته تدرين علا اعرف مرا چبيرة بالعمر أقارب مخبلها الواتباد وسوالف الضباط وهيه عمرها45 وعدها احفاد حته وحايرتلي بالضباط والفصليات وهل السوالف غاسل دماغها غسل بحيث حته هتمام بالاعائلة الزوج ماكو خطيه ومتقبل تتركه عايشه بالاوهام

عُلا تحسي مثل المخدرات هيج متكدرين تعوفي لهدرجه كلش الواحد يتعببب بسببه

اني شفت حساب وحدة من الكتابات ع الإنستا تجيب صور شباب وتكلهم هذا فلان وذاك فلان عود يشبه البطل وهي تصور البطل (شاب اس. مر عض-ـلات هيج نضراته وهيج خزراته) والمراهقات فاقدات وذايبات مغسولات غسل حرفيا،

+هي القصص تستهدف الفئة الصغيرة بالعمر القصص كلها عمرها ١٣/١٤/١٥ وتحب واحد أكبر منها بعشرين سنة وهكذا حتى الأسماء كلها المراهقة والكذا الصغيرة والكذا الطفلة وهيج شي..
الحمدُللَّه ما قريت بي ولا نزلته بس شفته عد عمتي وشفت حساب الكاتبة ولعبت نفسي من التعليقات مال البنات تصوري عاشقات فلان البطل اللي هو شخصية وهمية!!!!!!

علا صديقتج كلشي ما شايفة

باعي حته الانمي
يسوون بي قصص عليهم
وكله مثليه
اختي كلتلي طبعا
وها بعد هذول الفرق الكورية
هم طن قصص مسوين عليهن

اكو قصص هم بسبب خباثتهم يدخلون الدين بيها
يعني عائلة كلها سادة و علويات و يقرون مجالس و حفظ قران ووو غيرها من الامور الي متعلقة بالدين
و لمن يحجي عن العلاقات الي بالقصة مثلا واحد يتكلم عن زوجته او خطيبته و العكس الصحيح الكلام كله يكون +18

بعد شنو هناك الناس الله ماسخهم
شكول على التصرفات
علا يشيب راسج
ذاك اليوم دخلت من كوكل للبرنامج لفد قصة
نزلت للتعليقات اريد اشوف
علا فشار مو طبيعي
يعني بنات بعمر ال ١٣ و١٤ و١٥
يكتبن كلام شواع وانحطاط

والكاتبات جدًا مستغلات هالعمر لأجل المشاهدات
تكتب مشاهد مُخلة بالادب علمود تجذب البنات

بحيث وصلت مرحلة الكاتبة من تكتب الفشار بشكل مقطع
عود علساس مستحيات هجمبيتهن
البنات بالتعليقات يكملنهه


والقصص تخلي البنات يعيشن بوهم الخيال الجنسي

الواتباد والقصص استهلاك للنفس البشرية هيج اريد اسمي

شوفي عُلا أكو قصص بالواتباد يحجون بيها عالأساس شخص من فرقة كورية داخل بعلاقة وي بنت والبنت عالأساس هي الي داتقرا القصة ف البنات غرقانات بهاي القصص وعايشات الجو كلش!!

وعلا
هاي فرقة الكورية مااعرف شنو اسمها بس لشوفين بنات عمي ادمان عليهم لدرجة اذا احجي وياهن ماايقبل ويزعلن عليه والخلفيات والصور الشخصية كله صورهم ومااعرف حتى بعد اشلون احجي وياهن ويكللي كلشي ماابيهم واذا تابعناهم

باعي علا
هو البرنامج يزرع افكار كللها عبارة عن دمار لكل مراهقة
يعني وحدة تشرد من اهلها و يحسس القارئ انو هاي مظلومه لذلك شردت
و هم للاسف اكو فكرة السادية هم يزرعونها داخل تفكير البنت
يعني يخلن المراهقات ميتات على واحد عود على الاساس حلو و كون يشبعهن ضرب و اهانه و من هل امور

والله يا علا البرنامج دمار هيجي لا إرادي تدمنين عليه اني قبل جنت اقرة قصص عليه تفكيري كله بالقصص حتة بالصلاة و اضحك على روحي و اكول عادي و مو ماخذ وقت و هو والله جان ماخذ عقلي و البرنامج بيه قصص أشكال الوان قصص مخلة و سوالف تعبانة تسحب الواحد سحب و بدون وعي الله سترني و عفته كمت بس افكر بسوالف العلاقات و الحب حتة اعرف اخت صديقتي عمرها ١٣ سنة تكول اختها النهار كله على القصص حتة ما تطلع لاحد ولا تطلع من غرفتها صارت مدمنة

هذا البرنامج يحتوي على هواي من قصص المثلية بعيني شايفه
وكُتابها يكتبون بطريقة جنسية جدا بحيث يظل الشخص مصدوم من كمية التركيز على الجنس المثلي طول القصة بحيث يظن الشخص ان الكاتب مثلي و متعطش للممارسة
و هم بي قصص تشوه الاسلام بطريقة غير مباشرة، انو مسيحيات او غير اديان يكونون جدا اخلاقيين يعيشون بوسط مسلمين يكونون متدينين جدا و لا اخلاقيين و مغتصبين و يتاذون منهم ومن فرض الحجاب و ثم يشردون و يرتاحون بحياتهم وياكدون جدا ع موضوع ان(القصة واقعية قطعا).

وفوكاها كلة بنية تشرد من بيت اهلها وحده حبت وثانية عشقت وكلوا بنات واغلبها. سوالف +18والعياذبالله

باعي علا اني جنت قبل سنوات مراهقة وهيج قريت بي كم مرة حرفيا لعباااااان نفس تخيلي ابقة 5ساعات واكثر اني ع نفس الكعدة لااكل لااشرب هيج لواحد يفقددد بعدهه صحيت ع نفسي كلت شداسوي اني بنفسي حذفتة وبقيت اقرة كتب وقصص دينية افضل بهواي
وترة برنامج لواتباد بي كلشييي حرفيااا كلشي يعني بي قصص لعبان نفس وفصلية وشواذ ويحجون بشكل مباشر فلان يسوي هيج وفلانة هيج يعني يخلون لمقابل كانما يعيش الموقف
المهم الحمدلله الله نقذنة منة وحذفته من وقتهه ومانزلتة
وخلي اكول شي للبنات ترة والله كلة كذب كذب كذب ماكو قصص حقيقية هيج كولهه اوهام ديوهمون البنات بيهه
الله ينقذكم وينقذنة من هالدمار

علا حتى اكو قصه بهذة البرنامج اعتقد اغلب البنات بالقناة يعرفوها اسمها المراهقه والاربعيني شكو شغله طايحضها موجودة بهاي القصه ، حته مشاهداتها هواي ومشهورة
والي كاتب هالقصه هية كاتبه وحتى سوت هالقصه كتاب وطبعته وكام يبيعو بالمكاتب وانتشر بشكل فضيع

باعي خيه هو برنامج مُنحط لابعد درجه
بي إعداد كلش هوايه بسببه كومه ناس نحرفت
ناس وصلت بسبب آثاره القصص تسوي العاده السريه وهمه ميدرون انووهيه حرام
الي شفته بيه يشيب الرأس
تخيلي اكو قصص مابيها معنى الي بيها بس شغلات قليله ادب وعلاقات يعني متزوجين كلشي يحجو بالتفصيل اذا انسان تعمق بيها يتأثر بطريقه متصوريها

و المشكلة بالقصص انو هيه تكون مقترحات يعني اي احد يفتح التطبيق يطلع كدامه اشكال و الوان مو الا تبحث و هكذا منا لمن يخلون البنت تدمن على هيج قصص منا لمن تكوم تبحث عنهن مو بس بالواتباد لا حتى بالبرامج الثانية

علا اني هم جنت اقرا بي بالسادس اعدادي انطتني صديقتي اسم البرنامج وتلح عليه نزلي نزلي وكتبت الي اسماء القصص
اني نزلته وياليتني مانزلته
ادمنت ادماااااان موطبيعي
اعيش بداخل تفاصيل القصص تركت القراية ومعدلي بسببه صار موزين
ابقى اندمج بس هالبارت بس هالبارت
القصص موزينه وخااصه قصة سمر هواي سمعت عنها بس ماعرفها شنو
مرة بحثتها ودخلت اقراها ونصدمت 😳!
تدرين عن شنو ؟
عن العادة السرية ويحجون تفاصيلها ولعبان نفس!

كمية القذارة بيها موطبيعية
كلام غزلي وتفاصيل موزينه ابد وخاصه الفصليات كلش اوڤر ويحجون تفاصيل زوجيه ابد موزينه عالبنات

المهم بقيت بي سنة وعطل جهازي ونحذف وبقيت شهر بدون جهاز تعودت شويه شويه وشفت اثر عليه وعلى نفسيتي وتفكيري
الحمدلله مانزلته بعد وصدفه شفت منشور يستنكر اثاره والحمدلله خلصت منه
هسه عندي صديقه تقرا هالقصص ونصحتها بس مابطلت .

بالنسبة للواتباد دمار للبنات والشباب كذلك خلي يبتعدون عنه احسن لان مابيه اي فائدة ولو بنسبة 1% بالعكس يزرعون افكار بعقل البنات ان البطل كذا وكذا وفلوس ورتبة ويعشقهاا لدرجة تكوم تقارن بين زوجها وبين البطل او اي شخص يتقدملها تقارنه بالبطل وتكول اريد زوجي يشبه البطل الفلاني ويبتعدن عن العقل والواقع ويضلن عايشات بالخيال ويقارنن حياتهن بحياة البطلات وتصير مشاكل بينهن وبين اهلهن وكومه مشاكل اذا نتطرق الها لباجر ماتخلص + يكتبون انواع القصص المثلية والجنسية وزنا المحارم وهذا الشي كلما يقرونه البنات راح يقودهم للعادة السرية اجارنا الله فنصيحة لله ابتعدوا ابتعدوا ابتعدوا اللهم بلغت اللهم فاشهد

انه جنت اتابعه قبل سنتين وجان ماخذ شهور من عمري اقره ومعتزله عن اهلي ودخلني بفترة كئابه الله لايراويهه لأحد وصلت بيه للأنتحار بس الله حماني
وقبل فتره ردت ارجع بس احس ماله منه فعفته
مادري انه عبالي القصص حقيقيه ومصدگه وحته ابجي عليهه