بنات كم وحدة تقره قصص بالواتباد

الواتباد برنامج بي قصص عساس واقعية
وهي كلها تسطير كلام وجذب بجذب

تخلق براس البنات تخيلات
وتمرد
وانحراف ووووو الخ

وكل قصة طويلة مدري جم جزء
والوقت يخلص عليهن
وأكو بنات عايشات عليهن
عايشات بالاوهام
والعزلة بس يقرن هالقصص

وكله كلام مال مراهقات
وهاي حبت هذا
وهذيج صارت فصلية
ومخلين الفصيلية نهايتها سعيدة
وعساس يكوم يحبها

وهاي أهلها يعذبوها

وهذيج مظلومة

بالضبط مثل المسلسلات التركيا
تسطير جذب
وكلها عن العلاقات

وحرام بحرام

والبنات عابدات هالبرنامج من الصبح لليل

و عايشات عليه

وادخل ع التعليقات مالت البرنامج

تشوف الاعداد كارثية

تشوف كله بنات

ماخذهن الواهس بي

وهو برنامج يدس السم بالعسل

كلام عن العلاقات
ومخلين هالمراهقات يقرون بي

علا هنيالج ع قصص العلاقات انا قبل نزلته اشوفه شبيه مابيه طلعتلي فضايح حرفيا🧍🏻‍♀️
قصص شواذ ومثلية وحتى سوالف قذرة جدا بيه لعلمج العلاقات اهون شي بيه🧍🏻‍♀️

آني ماشايفة البرنامج بشكل كامل

صديقتي طلبت مني احجي بي

إيي والله ياعُلا أشوف بنات عمي وصديقاتي مراهقات مايتجاوز عمرهن 16 سنة النهار كله عليه مامخليات قصة ماقارياتها كله قصص تافهة ومُنحطة يغسلون عقول البنات المراهقات بيها وشطولها توصل 100 جُزء مابيها أي فائدة تضييع وقت والنوب وين ما أروح الكه البنات يسولفن بيه 😅💔 مخبلهن

السلام عليكم
والله يا علا اكثر شيء اذاني وكضيت هوااي وقت عليه هو الواتباد..
جنت اقرأ قصص لدرجة من يأذن المؤذن ابقى اكول بس هالبارت بس اشوف شيصير وكم مرة صارت صلاتي قضاء بسبب القصص وحتى من اصلي ابقى افكر بأحداث القصة وحتى ما اساعد امي بالبيت لأن بس عالقصص وادمنت عالقصص بحيث حتى بأيام المدرسة اعوف دراستي واقرأ قصص ..
اكول وبكل صراحة القصص اخذت ايام وسنين من عمري بلا فائدة ..متندمة على كل لحظة كضيتها وانه اقرأ قصص لأن بكل بساطة تأثر عالتفكير وهووايه بنات دخلن بعلاقات ومشاكل بسبب قصص الواتباد ...
والكلام يطول ..اتمنى تطلعين رسالتي للبنات..

قبل جنت اقره هسه لا بفضل الله تركته بس حرفياً حطمني زرع براسي تخيلات اوو بس ربج انقذني منه

تره مو كله هيج اني صارلي سنه منزلته ومشفت هذني الشغلات بي

اي يا علا حتى بت عمي هييج مدمنه عليه وكلها كله جذب مااتصدك تكول لا قصص حقيقية وشحلاتهم عيشتهم مو مثل عيشتنه 💔

من 2019 ولحد الآن اقرة بالواتباد
مدمنة عليه بشڪل مو طبيعي
انعزلت عن الناس وعن اهلي وبس لازمة التلفون واقرة حتى من اشتغل التلفون بيدي واقرة ودراستي هملتها وترڪت السنة
مجاي اگدر اعوفه هسة جـَـاʊ̤ اڪتبلچ هالڪلام واني جـَـاʊ̤ اقرة بالجهاز الثاني 🥲

علا فعلاً الواتباد يدمر اني سمعت بي من خالاتي واختي وگمنه نقره يعني هملت كلشي واني من المتفوقات بس بالرابع والخامس درجاتي زفت حشاكم من وراه تالي تركته تدرين علا اعرف مرا چبيرة بالعمر أقارب مخبلها الواتباد وسوالف الضباط وهيه عمرها45 وعدها احفاد حته وحايرتلي بالضباط والفصليات وهل السوالف غاسل دماغها غسل بحيث حته هتمام بالاعائلة الزوج ماكو خطيه ومتقبل تتركه عايشه بالاوهام