من أكتر كتاباتي اللي بحبها هي مشروع الأرض 66...
دي ببساطة كتابات فان فيكشن عن عالم دي سي وباتمان في أرض موازية مسميها الأرض 66، بحاول فيها اتخيل احداث جديدة او قديمة بشكل مختلف، واصيغها كلها ف إطار عالم متكامل مليان بعدد كبير من الشخصيات <3

بدأتها في 2017 بالجزء الأول "لعنة الكيان الرمادي"، اللي فيها قصة ظهور كيان سحري قديم يقوم بتكوين جماعته الخاصة من الفوانيس الرمادية لتحارب أنواع الفوانيس الاخري, و تطير خواتمه الرمادية في كل مكان لتجنيد الأعضاء, فتوصل لمدينة جوثام وتتمكن من السيطرة علي الجوكر, و من بعده...باتمان !

وفي 2019 كملت العالم دا بالجزء الثاني "آخر أيام جوثام"، و تستمر فيه الأحداث بعد الجزء الأول في ظل غياب مفاجئ لباتمان, فيستغل المجرم الخارق "بيين" الغياب دا ليفرض سيطرته علي مدينه جوثام, لكن بيواجه منافسة كبيرة من المجرم "أناركي" فتشتعل الحرب بينهم علي امتلاك المدينة, ف الوقت اللي كله منتظر ظهور باتمان..
..
السنة دي إن شاء الله هبدأ ف الأيام الجاية بالجزء التالت "ريشة الوطواط"، وفيه إعادة تصور لقصة باتمان وجماعة محكمة البوم Court of Owls، وأتمنى تكون حبكتها فيها اختلاف وتميز عن المعتاد فعلًا <3
وعشان كده حبيت بالمرة اعمل مراجعة وتدقيق للجزءين السابقين، مع بعض الاصلاحات والتعديلات للوصول بيهم لأفضل شكل ممكن ^_^

انتظرونا من الجمعة 5 نوفمبر للحد 7 نوفمبر في معرض CairoComix السادس بمتحف محمود مختار عند مترو الأوبرا وأول مشاركة لـ عصير الكتب بحوالي ٢٥ إصدار مختلف من الروايات والقصص المصورة العالمية....
منهم مجلد باتمان: فارس الأرض الأخير اللي ترجمته 😊 ❤️