القصة المصورة الجديدة
I AM STAN
عن سيرة حياة كاتب الكومكس الأشهر ستان لي، أهم المساهمين في نهضة كومكس مارفل والمساهم في إبتكار أغلب كبار شخصياتها ❤️
..
جاري الرفع......

الحلقة الأولى نزلت ف القناة دي ❤️

بدأ الموسم الثاني من مسلسل لوكي، ومعاه بدأت المتعة من جديد في عالم مارفل، وكان فعلًا عند حسن الظن بحلقة أولى مشوقة جدًا، مليانة غموض وأحداث وألغاز...
فتعالوا نشوف إيه اللي كان مستخبي وحصل، وإيه اللي مستخبي وهيحصل وممكن يحصل 😊
#lokis02_eastereggs

01- لما لوكي يحذر موبيوس من رجوع كانج، بيشاور لجدارية على الحائط فيها حرب نسخ كانج، واللي فيها بتظهر نسخ كانج ببذلته الشهيرة الأقرب في الشبه لنسخة بذلة الكومكس، مش بنسخة بذلة الفيلم.

02- لوكي بيتصاب بحاجة اسمها Time slipping، وهي جليتش زمني كده بيحصل له، إنه بيتنقل بشكل مفاجئ لدقايق قليلة ما بين ماضي ومستقبل الخط الزمني اللي هو فيه، قبل ما يرجع تاني للحاضر، ودا لإرتباطه بأحداث كتيرة في الخط الزمني، مع وجود اللخبطة الزمنية اللي حصلت في تشعبات الخط الزمني بعد مقتل نسخة كانج ف نهاية الموسم الأول على يد سيلفي.
وبالمناسبة، شكل الجليتش الزمني دا، فكرني أوي بشكل الجليتش البُعدي اللي بيحصل ف أفلام Spider-Verse.

03- نلاحظ أول صلة تربط مسلسل موون نايت بمسلسل لوكي، وهي بودكاست “Staying Awake كان بيسمعه الموظف كايسي في الTVA، وهو نفس البودكاست اللي كان ستيفن جرانت بيسمعه في موون نايت وهو في سريره بالليل خوفًا من إنه يقع في النوم، أثناء لعبه بمكعب الألوان. والمضحك إننا بنسمع نفس الجملة اللي سمعها ستيفن ف مسلسله:
"Solving puzzles is a great way to keep your mind..."

04- شخصية "أو بي" الجميل اللي بيؤديه الممثل كي هيو كوان، واللي اسمه ف المسلسل اختصار لكلمة أوروبوروس Ouroboros واللي كانت عنوان الحلقة، وهي الرسم القديم المعروف للأفعى اللي بتاكل ديلها ف دايرة مغلقة واللي ظهر في البدايات أيام الحضارة المصرية القديمة وانتشر لباقي حضارات العالم، كإشارة للبعث بعد الموت ولنظريات دوران الزمن والحياة ف حلقة مستمرة بتتكرر فيها الأحداث، واللي بالمناسبة بيشاركه "موبيوس" في إن اسمه بردو إشارة علمية لفكرة اللانهائية والاستمرارية بدون نقطة بداية أو نهاية.
وبالمناسبة بردو، الأوروبوروس ليه نسخة مشابهة في الاساطير النوردية اللي بينتمي ليها لوكي وثور، وبيتمثل في يورمنجاندر "ثعبان العالم"، اللي ضخم كفاية لأنه يحيط بالعالم كله. والأسطورة بتقول إنه بمجرد ما يسيب ديله من بوءه، بتبدأ الراجناروك. وفي نفس الأساطير دي، يورمنجاندر أحد أبناء لوكي نفسه.

05- شخصية القاضية جامبل متشابهة ف الاسم مع شخصية البروفيسور العبقري جاستن ألفونس جامبل ف كومكس مارفل، اللي كان واحد من موظفين هيئة الTVA، وكان اعترض على روتينهم في إتخاذ القرارات ضد روبوتات الهيئة، فاستقال من الهيئة، وسرق آلة زمن من كبسولاتهم الزمنية، علشان يوقف الروبوتات بنفسه.

06- إشارة لئيمة من صناع المسلسل ف إنهم يعملوا شكل الباب المؤدي للمغزل الزمني وطريقة فتحه زي شكل وطريقة الباب المؤدي لجهاز سريبرو الخاص بالبروفيسور إكزافير، اللي بيستخدمه للبحث عن المتحولين.

07- في مشهد ما بعد التتر "شوفوه لو مشوفتهوش"، بنلاقي سيلفي اللي بتنتقل لخط زمني في مدينة بروكستون بولاية أوكلاهوما سنة 1982، وبتدخل مطعم ماكدونالدز هناك.
في الكومكس، مدينة بروكستون هي المدينة اللي أسس فيها ثور مدينة نيو أسجارد بعد ما اتدمرت في حرب الراجناروك. ودا طبعًا بعكس اللي حصل ف أفلام مارفل لما بقت ف النرويج.

الموسم الثاني من مسلسل لوكي مستمر، ورجع لوكي من تاني لأداء المهمات مع منظمة TVA لحل كل المشاكل الجديدة ف خطوط الزمن وتفرعاته..
الحلقة التانية قد تبدو هادية ف التفاصيل، وأغلبها أكشن وحوارات شخصيات، لكن تعالوا نشوف إيه اللي كان مستخبي وحصل، وإيه اللي مستخبي وهيحصل وممكن يحصل ^_^

#lokis02_eastereggs

01- بنلاقي إن الصياد X-5 اتخلى عن وظيفته ف المنظمة، وبقى عايش كنجم سينمائي اسمه براد وولف في الخط الزمني الأصلي. وفي 1977، لوكي وموبيوس بيروحوا له أثناء إفتتاح فيلمه الجديد “The Zaniac” واللي بالمناسبة ظهر ف الكومكس قبل كده.
في العدد Thor #319 الصادر في 1982، براد وولف هو ممثل سينمائي أثناء تصويره لفيلم The Zaniac بيتعرض لحادث انفجار فيه إشعاع نووي. ونتيجة لكده بيتحول لكائن وحشي بقدرات خارقة، وبسبب مشاكل نفسية عانى منها ف طفولته وشوية جنون أصابه بعد الحادث، بقى مقتنع إنه شخصية وحش الزانياك اللي في الفيلم. هل دا هيحصل ف المسلسل؟ مظنش، بس كل شيء ممكن.
بالمناسبة بردو، 1977 هي سنة إصدار أول جزء في سلسلة أفلام ستار وورز، المملوكة لشركة ديزني التابع ليها مارفل.

02- في لقطة أثناء سير لوكي وموبيوس في شارع جانبي، بنلاحظ وجود بوستر على حائط صالة السينما لشخصية كينجو من الإيترنالز، واللي كانت شخصيته العلنية كممثل سينمائي هندي مشهور، ومنعًا للشك في عمره الطويل، تظاهر إنه أجيال عائلته كلها ممثلين على مر السنين. فغالبًا اللي ف البوستر هو أثناء تظاهره بإنه أبو شخصية كينجو الحالية.

03- من الشخصيات التانية اللي ظهرت على بوسترات الأفلام أمام صالة السينما، بنشوف شخصية اسمها The Phone Ranger، وهو شخص لابس تليفون أرضي أحمر قديم على راسه. ظهر لأول مرة في العدد Marvel Age Annual #1 الصادر في 1985، وكان عبارة عن فني تصليح تليفونات كان بيصلح تليفون فيه تكنولوجيا فضائية دقيقة الحجم. بعد اكتشافه دا، بيستخدم التكنولوجيا دي عشان يبتكر جهازه الخاص اللي بيخليه قادر على التلاعب بالإتصالات التليفونية في أي مكان بالعالم، واعتراضها وقت ما يحب. والشخصية مظهرتش خالص ف الكومكس غير 3 مرات بس، في 1985، و2006 و2019.

04- بعد تقليم الجنرال دوكس لتفرعات الخطوط الزمنية، وفشل لوكي وسيلفي في منعها من دا بشكل كامل، هل كده فيه حاجات مهمة ف المالتيفرس اتمسحت؟ هل سبايدرمان توبي ماجواير راح؟ هل هيحصل توضيح للحاجات دي بعدين؟ ولا هيبقى مجرد حاجة توضيحية على الشاشة وخلاص؟

05- في نهاية الحلقة بنلاحظ إن سيلفي محتفظة بأداة الانتقال الزمني الخاصة بHe who remains، واللي حصلت عليها بعد ما قـــتلته ف نهاية الموسم الأول. الأداة ليها إستخدامات وقدرات زمنية هايلة، فأكيد هنشوف سيلفي بتستخدمها كتير ف بقية المسلسل.