" لا أحد منكم يفهم ذلك...
أنا لست مُحتجزًا هنا معكم..
أنتم المحتجزون هنا معي!"
..
من أعظم وأخطر مقولات رورشاك 💀

خلص مسلسل Secret Invasion بكل حواراته ومفاجآته، والحلقة الأخيرة ادتنا شوية إضافات جديدة لعالم مارفل السينمائي هتكمل معانا ف الفترة الجاية بقوة...
تعالوا نشوف كل الكلام دا ف الإيستر إيجز بتاعت الحلقة السادسة والأخيرة
👽💚

1- بتظهر شاشة لمحتويات عينة "الحصاد" اللي فيها الحمض النووي لأغلب أعضاء الأفنجرز وأعوانهم وأعدائهم، فنلاقي منها اللي هتظهر قدراته في مشهد القتال، ومنها اللي ظهر اسمه، وهم:
Ghost, Captain America, Corvus Glaive, Thanos, Outrider, Proxima Midnight, Captain Marvel, Abomination, Mantis, Cull Obsidian, Drax, Korg, Mantis, Ebony Maw, Extremis, Frost Beast, Hulk, Black Panther, Chitauri, Valkyrie, Thor, Gamora, Flora Colossus(groot), Winter Soldier

2- في مشهد القتال الأخير بين جايا وجرافيك، لما استخدمت جايا ذراعها الأيمن لوحش الجليد، وذراعها الأيسر لكورج عشان تثبت جرافيك ف الحيطة، بيستخدم جرافيك قدرة إيبوني ماو - مساعد ثانوس اللي كان بيحرك الحاجات عن بعد- عشان يحرك كتلة خرسانية ويخبط بيها جايا. ف ده بيثير التساؤل ما إذا كان إيبوني ماو قدراته سحرية ولا جينية؟ ولو جينية، ليه كان لابس ف صوابعه خواتم تبدو سحرية شبه خواتم دكتور سترينج؟
أتمنى النقطة دي متكونش غلطة من صناع المسلسل.

3- كده بنوصل لأكبر تساؤلات الحلقة - والمسلسل عمومًا- هل رودي كان سكرول من بعد إصابته ف سيفل وور، ولا اتبدل بسكرول بعد فيلم ايندجيم؟
الرهاين لما اتحرروا من كبسولاتهم الموجودة تحت نيو سكرولوز، كانوا بملابسهم وقت عملية الخطف، فنلاقي ضمنهم رودي بلبس مستشفى، فهل دا كان بعد إصابته بكسر ظهره والشلل في معركة فيلم سيفل وور؟
بس لو كان رودي ضمن الافنجرز اللي واجهوا ثانوس في كوكبه الخاص اللي فيه حديقته ف بداية ايندجيم، ف كده معناه إن السكرولز كانوا هيعرفوا عن طريقه إن فيه كوكب صالح للحياة ليهم لوحدهم ميعرفش نك فيوري حاجة عنه.
وجرافيك بدأ خطته بالتمرد بعد ما حصل على عينات الحمض النووي الخاصة بالأفنجرز من معركة إيندجيم، ف دا معناه أن رودي اتبدل بالسكرول بعد خضوعه لفترة نقاهة من إصابات معركة ايندجيم.
يُقال إن مخرج المسلسل أعلن عن إن رودي سكرول من ساعة سيفل وور، بس بصراحة مشوفتش مصدر موثوق للخبر دا، ويظل الأكثر منطقية إنه اتبدل بعد ايندجيم.

4- قرار رئيس أمريكا بتوجيه ضربات قوية ضد كل الفضائيين والسكرولز، كان له أثر عنيف بسلسلة اغـــتيــالات عشوائية من الناس ضد كل المشتبه فيهم، ودا هيسبب أكيد موجة عنــف كبيرة، غالبًا هتأثر على موقف الرئيس، سواء بممكن تعرضه هو نفسه للعنف دا بشكل ما، أو بعدم انتخابه مرة تانية، عشان نشوف ف فيلم كابتن أميركا القادم إن الرئيس الجديد هيكون هو الجنرال ثاديوس روس، اللي ممثله اتوفى ف الحقيقة، وجابوا بداله الممثل الكبير هاريسون فورد.

5- نك فيوري بيتوجه للفضاء مع زوجته فارا لحضور مباحثات سلام بين السكرولز والكري، عشان يمهد لنا ظهوره في فيلم مارفلز، مع كابتن مارفل ومس مارفل وسبيكتروم. واللي أكيد مباحثات السلام دي هتتعرض للخطر بسبب ظهور الشريرة الجديدة للفيلم دار-بين اللي هتكون مقاتلة تبع الكري.
بس فارا قالت لفيوري إنها هتحضر معاه البداية بس، عشان مضطرة ترجع لكوكب الأرض تكمل شغلها الخاص بالجينات الخاصة بالخارقين، لزيادة التمهيد لظهور الX-Men ف عالم مارفل، بعد ما بقى عندنا اتنين رسميين ع الاقل، وهم كاملة خان "مس مارفل" و "نامور"، بالإضافة لشخصيات ثانوية تانية شفناها ف مسلسل شي-هالك.

لمزيد من التحليل التقيل الجامد جدًا، أنصح بزيارة قناة صديقي العزيز سجاد حسين الرائعة ف الكومكس

https://t.me/Herosubs

WATCHMEN: The film companion

الدليل الخاص بفيلم Watchmen إخراج العبقري زاك سنايدر، هنلاقي فيه معلومات عن الفيلم وشخصياته ورسومات تحضيرية لملابس الشخصيات والأماكن وكل كواليس الفيلم 👇🏻👇🏻

‏بوستر للموسم الثاني لمسلسل Loki 🔥🔥

‏رسميًا🚨|| التريلر الأول للموسم الثاني لمسلسل Loki

كتاب Part of a Bigger Unvierse، الصادر عن استوديوهات مارفل لجمع عدد كبير من مقولات شخصياتها بالأفلام

كتاب Black Panther Rules! الصادر عن مارفل عن شخصية بلاك بانثر وعالمه بطريقة مبسطة صالحة للقراء صغار السن والكبار أيضًا

حاليًا فيلم Spider-Man: Across the spider verse بجودات مختلفة، مترجم ومدبلج على القناة:
https://t.me/SoLoMedia6