مسلسل Secret Invasion ربما كانت الايستر إيجز فيه قليلة، لكنها مهمة، ومبشرة بتفاصيل حلوة ف القصص السابقة واحتمالات للقصص القادمة..
ف من غير رغي وتطويل، دي الإيستر إيجز القليلة للحلقة الرابعة اللي كانت على قدر كبير من الأهمية بأحداثها...
🧐👇👱‍♂️👽

*بنشوف فلاش باك لنك فيوري ف باريس بعد فيلم أفينجرز 2012، وطبعًا استخدموا تقنية تصغير السن بالجرافيك عشان يظهر صامويل جاكسون بهيئته وقتها من حوالي عشر سنين، بس لو دققنا ف النظر، هنلاحظ إن شكل خربشة جرح عينه اتعمل بالشكل الحالي اللي هو 3 خطوط متوازية، مش بالشكل اللي كان تحسه متشعب زي ما ظهر زمان ف بدايات أفلام مارفل.

*شوفنا ازاي فارا بقت زوجة فيوري وبقى اسمها بريسيلا، وعرفنا انها أستاذة في العلوم، رغم إننا مش عارفين أنهي مجال علمي بالظبط، بس غالبًا هو مجال الأحياء، لأن على حائط من حوائط منزلها، بيظهر كتاب من تأليفها اسمه "فك شفرة الجين الخارق Decoding the superhuman gene".
حتى الآن ف عالم مارفل السينمائي، أغلب الخارقين نتيجة تجارب علمية أو حوادث غير مقصودة، أو جايين من كوكب تاني أصلًا. فلفظ الجين الخارق دا يرتبط أكتر بعالم إكس مين، والانهيومانز. ف غالبًا دا معناه أن كامالا خان مش الشخصية الوحيدة اللي جيناتها سبب قدراتها الخارقة حاليًا، وإن الدراسات العلمية اللي زي دي شغالة بقالها فترة ف عالم مارفل السينمائي.

*تأكدت كل الشكوك اللي ناقشناها من أول حلقة، رودي الحالي هو سكرول فعلًا، وقدر يوصل لترقيات كبيرة في الإدارة الأمريكية لدرجة إنه بقى مستشار شخصي لرئيس أمريكا نفسه. هل التحول دا حصل بعد ايندجيم؟ ولا قبله؟ لسه هنعرف بعد كده أكيد، خصوصًا إن رودي له فيلم خاص بعد كده هو armor wars بيكملوا فيه قصته الشخصية بعد وفاة توني ستارك، وتعرض شركة ستارك وتقنيات آيرون مان لمحاولات سرقة من أعداء توني القدامى زي شركة هامر وغيرهم

*جرافك اظهر لنا حتى الآن قدرتين من قدراته الخارقة كسوبر سكرول، وهي استخدامه لجينات جرووت في تمديد أطرافه وتحويلها لسيقان نباتية، واستخدامه لمصل إكستريمس لتجديد الخلايا الميتة والمصابة وعلاج أي جروح بشكل فوري.
المفروض لسه فيه قدرات تانية المفروض هنشوفها في الحلقتين الأخيرتين.

وصلنا للحلقة الخامسة قبل الأخيرة من مسلسل Secret Invasion، وكل الأمور بقت جاهزة للوصول لحلقة أخيرة نشهد فيها المعركة الكبرى ❤️
الحلقة كان فيها شوية إيستر إيجز حلوة تستاهل نتكلم فيها شوية 😊 ف تعالوا نشوف الكلام دا 👇👇👇

1- دلوقتي عرفنا ليه جرافيك ساب فيوري عايش حتى الآن، لأنه الوحيد اللي عارف مكان علبة عينات الحمض النووي الخاصة بفريق الأفنجرز اللي اسمها "الحصاد Harvest"، وهو بس اللي يقدر يجيبهاله عشان يحقق بيها مشروعه الخاص لجمع القوى الخارقة.

2- الممثل توني كوران اللي عامل دور المدير اللي ضربته سونيا فولسوورث ف المخابرات البريطانية، سبق له الظهور في عالم مارفل بدور تاني، وهو بور والد أودن في افتتاحية فيلم ثور التاني.

3- بنشوف من تاني شخصية المهرب وسمسار العمليات الخاصة ريك ماسون اللي ساعد ناتاشا رومانوف ف فيلم بلاك ويدو لما كانت هربانة من الكل، وهنا بيساعد فيوري لما مبقاش قادر يثق ف أي حد ليطلع سكرول، فواضح إن ريك ماسون موثوق فيه من فيوري ورجالته بشكل كبير.

4- مشهد شاهد قبر نك فيوري اللي قال إن فيه غيره كتير ف أماكن مختلفة، بيفكرنا بشاهد قبر فيوري اللي شفناه بفيلم captain America: winter soldier، لما فيوري زيف وفاته.

5- لما نك فيوري يركب ف السيارة مع سونيا فولسورث، بتشغل الراديو فنسمع أغنية Audacity، وبعيدًا عن تأكيد جنسية سونيا فولسورث البريطانية بأغنية بريطانية زيها، لكن ف كلمات الأغنية جملة بتقول
" wolf in a sheep skin telling me lies"
يعني ذئب في شكل خروف بيكذب عليا، وهي إشارة لفكرة المسلسل كله، بإن الأشرار بيتقمصوا شخصيات الأخيار، وبيمارسوا كذبهم وخططهم على فيوري.

‏📹| العرض الدعائي الرسمي لفيلم "The Marvels".

يُعرض في صالات السينما بتاريخ 10 نوفمبر .

"بإرتدائي لهم، تخليت عن تنكُّري وأصبحت ذاتي الحقيقية، بلا خوف ولا ضعف ولا شهوة.
بإرتدائي لمعطفي، حذائي، قفازاتي المطاطية.
بإرتدائي لوجهي."

- رورشاك، العدد الخامس من سلسلة Watchmen

" لا أحد منكم يفهم ذلك...
أنا لست مُحتجزًا هنا معكم..
أنتم المحتجزون هنا معي!"
..
من أعظم وأخطر مقولات رورشاك 💀

خلص مسلسل Secret Invasion بكل حواراته ومفاجآته، والحلقة الأخيرة ادتنا شوية إضافات جديدة لعالم مارفل السينمائي هتكمل معانا ف الفترة الجاية بقوة...
تعالوا نشوف كل الكلام دا ف الإيستر إيجز بتاعت الحلقة السادسة والأخيرة
👽💚

1- بتظهر شاشة لمحتويات عينة "الحصاد" اللي فيها الحمض النووي لأغلب أعضاء الأفنجرز وأعوانهم وأعدائهم، فنلاقي منها اللي هتظهر قدراته في مشهد القتال، ومنها اللي ظهر اسمه، وهم:
Ghost, Captain America, Corvus Glaive, Thanos, Outrider, Proxima Midnight, Captain Marvel, Abomination, Mantis, Cull Obsidian, Drax, Korg, Mantis, Ebony Maw, Extremis, Frost Beast, Hulk, Black Panther, Chitauri, Valkyrie, Thor, Gamora, Flora Colossus(groot), Winter Soldier

2- في مشهد القتال الأخير بين جايا وجرافيك، لما استخدمت جايا ذراعها الأيمن لوحش الجليد، وذراعها الأيسر لكورج عشان تثبت جرافيك ف الحيطة، بيستخدم جرافيك قدرة إيبوني ماو - مساعد ثانوس اللي كان بيحرك الحاجات عن بعد- عشان يحرك كتلة خرسانية ويخبط بيها جايا. ف ده بيثير التساؤل ما إذا كان إيبوني ماو قدراته سحرية ولا جينية؟ ولو جينية، ليه كان لابس ف صوابعه خواتم تبدو سحرية شبه خواتم دكتور سترينج؟
أتمنى النقطة دي متكونش غلطة من صناع المسلسل.