08- بالرغم إن شخصية جايا ابنة تالوس السكرول مش موجودة في الكومكس، لكننا شوفناها قبل كده وهي طفلة في فيلم كابتن مارفل، لما جت لعالمنا مع تالوس، وقعدت مع مونيكا رامبو في الصورة دي.

معذرة، خوفًا من تعرض القناة للغلق، تم حذف حلقتين مسلسل secret invasion اللي رفعتهم من شوية، مع رفعهم مجددًا بقناة خاصة أخرى بإذن الله

قناة SoLoMedia لتجميع ورفع أفلام ومسلسلات الكومكس الجديدة، مارفل ودي سي ❤️
https://t.me/SoLoMedia6

إيستر إيجز الحلقة الثانية من مسلسل Secret Invasion 👨🏼👽👇🏻👇🏻

1- الغزو حقيقي فعلًا، السكرولز لسه مش محتاجين إنهم ينشروا نفسهم، لأنهم وصلوا لمستويات شديدة الخطورة. لما جرافيك راح لمكان سري عشان يقابل مجلس السكرولز، بنلاقي إنه منهم اللي منتحلين أدوار "رئيس وزراء بريطانيا، مذيع كبير ومؤثر بمحطة FXN التليفزيونية "اللي شوفناها ف الموسم التالت لمسلسل ديرديفل"، وقائد حلف الناتو العسكري، واتنين تانيين معرفناش مركزهم إيه، منهم الست اللي رفضت الموافقة على خطة جرافيك.
الموضوع وصل لدرجة الأفنجرز نفسهم، ورغم إننا عارفين دا من الأخبار المتداولة عن المسلسل، إننا هنتفاجئ بحد من الأفنجرز كان سكرول، لكن جرافيك لما جاوب عن سؤال المجلس عن الأفنجرز، قال إنه مستعد لهم. فده معناه إنه متابع تحركاتهم حتى لو كانت سرية، أو الافتراض الأخطر إنه له جاسوس تبعه وسطهم منتحل شخصية حد من الأفنجرز.

2- تالوس لما قال لفيوري إن فيه مليون سكرول ناجي من هجوم الكري على السكرولز، قال إنهم وصلوا لكوكبنا ماعدا التابعين لمستعمرة الامبراطور دروج Drogge، لكنه ف الكومكس اسمه Dorrek، وفيه شخصية تانية تهجئ اسمه مشابه شوية ف الكومكس، وهي شخصية العالم Dro’ge كان السكرول كبير العلماء المسؤول عن الحصول عن عينات الحمض النووي الخاصة بأبطالنا الخارقين اللي زاروا كوكب السكرولز، عشان يستخدمهم ف ابتكار السوبر سكرول Super-Skrull، ودا هوضحه ف نقطة تالية. والشخصية دي كانت مؤثرة ف كومكس سيكرت انفيجن، ف ممكن نشوفه ف المسلسل بردو.

3- لما جايا "إميليا كلارك" فتحت قائمة عينات الحمض النووي اللي حصل عليها جرافيك، بنلاقي عينة من جروت كفصيلة نباتية فضائية، مش متأكدين حصلوا عليها إزاي، بس غالبًا خلال أحداث إنفنتي وور أو إيندجيم، ودا سواء خلال المعارك، أو خلال تواجده ف معركة واكاندا، ف هل دا معناه إن جماعة السكرولز السرية وصلت سيطرتهم لداخل واكاندا كمان؟
كمان شوفنا ف بيانات عينة جروت، تحديد هويته ضمن فصيلة flora colossus وموطنه الأصلي كوكب X، وهي نفس البيانات اللي شوفناها لأول مرة بفيلم Guardians of the galaxy vol.1

4- ضمن بقية العينات اللي شافتها جايا في قائمة الكمبيوتر، كانت تجربة إكستريمس اللي شوفناها ف فيلم آيرون مان 3، وعينة لوحش الجليد اللي شوفناه ف ثور 2، ضمن الوحوش اللي اتنقلت لعالمنا من يوتنهايم لما حصل تداخل العوالم. بعد ما ثور وجين فوستر خلصوا الموضوع، شوفنا ف مشهد بنهاية تتر الفيلم إن فيه كائن فضل مرجعش لعالمه وكان بيجري ورا العصافير، ودا بالتأكيد أصل عينة الوحش اللي حصلت عليها جماعه المقاومة السكرولز.

5- كذلك في العينات لاحظنا وجود عينة من شخصية Cull Obsidian أحد أعوان ثانوس، واللي غالبًا العينة جاءت من قطع يد الوحش بعد ما وونج نقلها ف بوابة سحرية وقفلها سريعًا، فحصل عليها أعضاء منظمة Damage Control ضمن عمليات التنظيف الشامل لمعارك الأفنجرز. فكده السكرولز وصلوا للمنظمة دي كمان. والموضوع بقاله سنين طويلة، بيتم فيه تجهيز العينات من الأحداث المتتالية بإهتمام كبير.

6- موضوع العينات دا كله عمومًا بجانب إحدى لقطات تريلر المسلسل فيها جرافيك بيتمدد دراعه، كلها توضيح لينا إننا هنشوف جرافيك بيتحول لشخصية السوبرسكرول، وهي شخصية ف الكومكس ظهرت لأول مرة في العدد 18 من كومكس فنتاستك فور القديمة في الستينات، لسكرول محارب اتعرض لتجارب علمية خلته يمتلك قدرات خارقة أكتر من قدرات السكرول العادي، ومشابهة لقدرات فنتاستك فور زي النار والتمدد والصلابة والاختفاء. لكن هنا ف عالم مارفل السينمائي، عشان لسه مظهرش الفنتاستك فور، ف شوفناه جايب قدرات مشابهة، التمدد أخده من جروت، والصلابة من كول أوبسديان، والنار من إكستريمس، وغالبًا الجليد من وحش الجليد.

7- أكبر مفاجآت الحلقة، زوجة نك فيوري سكرول، واتحولت لهيئتها البشرية قبل ما يدخل نك للشقة. هل فيوري عارف حقيقتها؟ خصوصًا إننا شوفناها ف بداية الحلقة ف مشهد الفلاش باك سنة 1997 بشخصية السكرول "فارا" لما جابت جرافيك قدام تالوس وفيوري ضمن أعضاء السكرولز. موضوع كبير وأكيد هنعرف الحقيقة ف الحلقة الجاية اللي مستنينها على نار.

ده فيلم أنيميشن قصير إسمه Superman 75th من إخراج زاك سنايدر وإنتاج Bruce Timm.
أطلقته WB في 2013 في نفس وقت عرض Man of Steel للإحتفال بالذكري ال75 لأول ظهور لسوبرمان في Action Comics.
استمتع بتاريخ وأعظم دقيقتين ممكن تشوفهم بيجمعوا ما بين كلاسيكية وعصرية سوبرمان 💙
(منقول من صفحة SnyderMania)
https://www.facebook.com/SnyderMania

تخيل لو أن هذا هو الجراج الخاص بك؟ 😍🦇

الحلقة التالتة من Secret Invasion نزلت خلاص ف قناتي الخاصة بمسلسلات وأفلام الكومكس على التليجرام <3
..
نتفرج عليها الأيام الجاية ونشوف القصة مكملة إزاي، ويوم الأحد نشوف الإيستر إيجز سوا بإذن الله ^_^

الحلقة التالتة من مسلسل Secret Invasion كان رتم أحداثها بطيء ومليان حوارات بين الشخصيات، بس معاها إحنا وصلنا لنص المسلسل، يعني التلات حلقات المتبقيين هيبقوا قمة الأكشن كله 😊
..
ودا ميمنعش وجود كام إيستر إيج ممكن نتسلى بيها ف الصور الجاية ❤️👇🏻👇🏻