رابط تحميل فيلم ستان لي من موقع egydead
https://w9.egydead.live/%D9%85%D8%B4%D8%A7%D9%87%D8%AF%D8%A9-%D9%81%D9%8A%D9%84%D9%85-stan-lee-2023-%D9%85%D8%AA%D8%B1%D8%AC%D9%85/

نفسي أشوف المشهد ف عالم أفلام مارفل السينمائي...
الإيترنالز لما قابلوا الأفنجرز وقت فترة Civil War..

- نحن لا نختار جانبًا وننضم إليه، فالدول محرد خطوط على الرمال. تقوم الإمبراطوريات ثم تنهار، بينما نحن آبديون. سنظل هنا في الغد، وحتى بعد مئات القرون من الآن.

- عليكم بإختيار جانب ما، عليكم بتسجيل أنفسكم.

- إن رأيت مجموعتين من الأطفال يتشاجرون عمّن بإمكانه اللعب بأرض خربة، هل ستختار جانبًا منهم؟


عندما أدرك الأفينجرز مستواهم الحقيقي أمام الإيترنالز...من العدد eternals 2006 #6 من تأليف العظيم نيل جايمان <3

إيستر إيجز الحلقة الأولى من مسلسل Secret Invasion 👇🏻👇🏻👇🏻

01- من البداية، ستايل عرض أسامي الأماكن بيفكرنا بطريقة فيلم سيفل وور، تقريبًا نفس الخط والحجم. الفيلم كان بيحكي عن انقسام كبير جوا صفوف الأبطال وحرب بينهم، شبه اللي هيحصل هنا ف المسلسل، إن السكرولز منقسمين وفيه حرب بين المتمردين منهم وبين اللي معانا.
وبالمناسبة، أحداث المسلسل بتدور في أواخر 2025، بعد أحداث فيلم أنت مان:كوانتمانيا.

02- العميل بريسكود اللي ظهر ف بداية الحلقة مع إيفريت روس، قال له إن السكرولز عملوا 5 حوادث إر*هابـ*ية في خمس بلاد مختلفة، منهم الارجنتين، كولومبيا، الفلبين. المكانين التانيين بيظهروا في الصور اللي على الحيطة، وهي ميونيخ/ألمانيا، وغالبًا لندن/إنجلترا، لأن فيه صورة لخبر بتقول إنه حصلت إصابات في انفــجار في لندن.

03- إيفريت روس بيقول إن نك فيوري في الفضاء في SABER. ودا اسم محطة الفضاء اللي شوفنا نك فيوري فيها ف نهاية فيلم سبايدرمان: فار فروم هوم، ورغم إنها مش موجودة ف الكومكس، إلا إننا شوفناها ف تريلر فيلم The Marvels، واللي هتحصل بعض الأحداث فيها اللي تخص مس مارفل وكارول دانفرز.

04- كان من المنطقي إننا نكتشف ف بداية الحلقة إن ده مش العميل إيفريت روس، وإنه سكرول منتحل شخصيته، لأن آخر مرة شوفنا إيفريت روس كان في نهاية فيلم بلاك بانثر: واكاندا فوريفر، كان بيساعد شوري وعصا أوامر الحكومة واتمرد عليهم فقبضوا عليه، بس الواكانديين حرروه وأخدوه معاهم، فبالتأكيد مش هنلاقيه هنا بيشتغل مع الحكومة من تاني.

05- افتتاحية المسلسل معمولة لأول مرة في مارفل بتقنية التحريك بالذكاء الإصطناعي، والحقيقة كانت حركة ذكية عشان تظهر فيها الوجوه مشوهة بشكل مقصود، والتشوه بيستمر بالتحول بين الوجوه البشرية ووجوه السكرولز. مع رسومات معمولة بستايل المدرسة التعبيرية في لوحاتها ببداية القرن العشرين، واللي كانت بتمتاز بألوانها العجيبة، وطبقات الألوان السميكة، والوجوه المشوهة غير الواضحة، ومنهم لوحة "الصرخة" المعروفة لإدوارد مونش.

06- مشهد ظهور الرئيس ريتسون رئيس أمريكا ومعاه مستشاره الخاص جيمس رودز/ وور ماشين، بيخلينا نفتكر إن الرئيس دا مش هيكمل كتير ف منصبه، لأن في فيلم كابتن أميركا القادم هنشوف هاريسون فورد بشخصية الجنرال ثاديوس روس، اللي هيبقى رئيس أمريكا. فهل ف نهاية المسلسل هيحصل اغــتيال للرئيس؟ عشان يجي بعده الرئيس روس؟ أو هل الرئيس سكرول أصلًا؟؟؟ احتمال خطير جدًا لو حصل..

07- شخصية "سونيا فالسوورث" هي شخصية جديدة معمولة للمسلسل، مش موجودة ف الكومكس، لكن اسمها بيشير إلى شخصية تانية، وهو "جيمس مونتجمري فالسوورث" اللي كان بيحمل هوية البطل الخارق البريطاني "Union Jack" في الكومكس، واللي ظهر في عالم مارفل السينمائي ضمن فرقة كابتن أميركا أيام الحرب كظابط عادي مش كبطل خارق. فهل كده سونيا حفيدة للشخصية دي؟ اللي من أصدقاء كابتن أميركا زمان؟ بجانب إن اللي حمل هوية Union Jack بعد كده ف الكومكس، كان واحد من أسرته اسمه جوزيف شابمان، وواجه السكرولز في معركة قبل كده، ف يبدو إن مارفل جمعت أكتر من تفصيلة مختلفة وجمعتهم هنا ف شخصية سونيا، فهل سونيا هتبقى النسخة الأنثوية لشخصية Union Jack ؟
أو ممكن عادي يبقى مجرد اسم مقصود وبس..

08- بالرغم إن شخصية جايا ابنة تالوس السكرول مش موجودة في الكومكس، لكننا شوفناها قبل كده وهي طفلة في فيلم كابتن مارفل، لما جت لعالمنا مع تالوس، وقعدت مع مونيكا رامبو في الصورة دي.

معذرة، خوفًا من تعرض القناة للغلق، تم حذف حلقتين مسلسل secret invasion اللي رفعتهم من شوية، مع رفعهم مجددًا بقناة خاصة أخرى بإذن الله

قناة SoLoMedia لتجميع ورفع أفلام ومسلسلات الكومكس الجديدة، مارفل ودي سي ❤️
https://t.me/SoLoMedia6

إيستر إيجز الحلقة الثانية من مسلسل Secret Invasion 👨🏼👽👇🏻👇🏻

1- الغزو حقيقي فعلًا، السكرولز لسه مش محتاجين إنهم ينشروا نفسهم، لأنهم وصلوا لمستويات شديدة الخطورة. لما جرافيك راح لمكان سري عشان يقابل مجلس السكرولز، بنلاقي إنه منهم اللي منتحلين أدوار "رئيس وزراء بريطانيا، مذيع كبير ومؤثر بمحطة FXN التليفزيونية "اللي شوفناها ف الموسم التالت لمسلسل ديرديفل"، وقائد حلف الناتو العسكري، واتنين تانيين معرفناش مركزهم إيه، منهم الست اللي رفضت الموافقة على خطة جرافيك.
الموضوع وصل لدرجة الأفنجرز نفسهم، ورغم إننا عارفين دا من الأخبار المتداولة عن المسلسل، إننا هنتفاجئ بحد من الأفنجرز كان سكرول، لكن جرافيك لما جاوب عن سؤال المجلس عن الأفنجرز، قال إنه مستعد لهم. فده معناه إنه متابع تحركاتهم حتى لو كانت سرية، أو الافتراض الأخطر إنه له جاسوس تبعه وسطهم منتحل شخصية حد من الأفنجرز.

2- تالوس لما قال لفيوري إن فيه مليون سكرول ناجي من هجوم الكري على السكرولز، قال إنهم وصلوا لكوكبنا ماعدا التابعين لمستعمرة الامبراطور دروج Drogge، لكنه ف الكومكس اسمه Dorrek، وفيه شخصية تانية تهجئ اسمه مشابه شوية ف الكومكس، وهي شخصية العالم Dro’ge كان السكرول كبير العلماء المسؤول عن الحصول عن عينات الحمض النووي الخاصة بأبطالنا الخارقين اللي زاروا كوكب السكرولز، عشان يستخدمهم ف ابتكار السوبر سكرول Super-Skrull، ودا هوضحه ف نقطة تالية. والشخصية دي كانت مؤثرة ف كومكس سيكرت انفيجن، ف ممكن نشوفه ف المسلسل بردو.

3- لما جايا "إميليا كلارك" فتحت قائمة عينات الحمض النووي اللي حصل عليها جرافيك، بنلاقي عينة من جروت كفصيلة نباتية فضائية، مش متأكدين حصلوا عليها إزاي، بس غالبًا خلال أحداث إنفنتي وور أو إيندجيم، ودا سواء خلال المعارك، أو خلال تواجده ف معركة واكاندا، ف هل دا معناه إن جماعة السكرولز السرية وصلت سيطرتهم لداخل واكاندا كمان؟
كمان شوفنا ف بيانات عينة جروت، تحديد هويته ضمن فصيلة flora colossus وموطنه الأصلي كوكب X، وهي نفس البيانات اللي شوفناها لأول مرة بفيلم Guardians of the galaxy vol.1

4- ضمن بقية العينات اللي شافتها جايا في قائمة الكمبيوتر، كانت تجربة إكستريمس اللي شوفناها ف فيلم آيرون مان 3، وعينة لوحش الجليد اللي شوفناه ف ثور 2، ضمن الوحوش اللي اتنقلت لعالمنا من يوتنهايم لما حصل تداخل العوالم. بعد ما ثور وجين فوستر خلصوا الموضوع، شوفنا ف مشهد بنهاية تتر الفيلم إن فيه كائن فضل مرجعش لعالمه وكان بيجري ورا العصافير، ودا بالتأكيد أصل عينة الوحش اللي حصلت عليها جماعه المقاومة السكرولز.

5- كذلك في العينات لاحظنا وجود عينة من شخصية Cull Obsidian أحد أعوان ثانوس، واللي غالبًا العينة جاءت من قطع يد الوحش بعد ما وونج نقلها ف بوابة سحرية وقفلها سريعًا، فحصل عليها أعضاء منظمة Damage Control ضمن عمليات التنظيف الشامل لمعارك الأفنجرز. فكده السكرولز وصلوا للمنظمة دي كمان. والموضوع بقاله سنين طويلة، بيتم فيه تجهيز العينات من الأحداث المتتالية بإهتمام كبير.