فيديو من كواليس تصوير فيلم Batman Returns 1992، لميشيل فايفر، الكاتوومان الأولى والأخيرة اللي مجاش بعدها حد عمل الدور صح غيرها...

بقرأ حاليًا كتاب بيطرح أحداث ومواقف أفلام مارفل بوجهة نظر فلسفية، ف بادئ بفكرة السناب بتاعت ثانوس، وإزاي الأفنجرز عكسوها ورجعوا نص سكان العالم اللي اختفوا لمدة خمس سنين...ف هل اللي اتعمل صح ولا لأ؟
..
من الأمثلة البسيطة: راجل متجوز، مراته اختفت ف السناب، قعد أول سنة حزين عليها، تاني سنة بيحاول يتأقلم على حياته من غيرها، وأغلب الناس من حواليه فقدوا أحبابهم بردو، السنة التالتة بدأ يتعافى نسبيًا وتأقلم خلاص، خصوصًا إن الأبطال الخارقين شكلهم مش ناويين يعملوا حاجة لإصلاح الأمور...
ف السنة الرابعة اتعرف على واحدة، ومع الوقت حس إن فيه قبول بينهم، وف السنة الخامسة اتجوزها وعايشين سوا...
هالك عمل السناب ورجع كل اللي اختفوا من خمس سنين، تيجي زوجة الرجل الأولى وتلاقي جوزها اتجوز واحدة تانية وقاعدة مكانها ف بيتها وكل حاجاتها القديمة راحت...إيه الحل؟!
..
-الطلبة اللي اختفوا خمس سنين، ورجعوا لقوا زمايلهم خلصوا المرحلة الدراسية كلها أصلًا؟؟
- الناس اللي اختفت من بيوتها، ومع مرور الوقت جت ناس سكنت مكانهم؟؟
- الموارد زي الأكل والفلوس والوظائف اللي ف لحظة مطلوب إنها تكفي ضعف العدد فجأة؟؟
- السياسيين والقادة اللي رجعوا لقوا ناس حلوا مكانهم ف الوظائف الخطيرة دي؟ هل هيقبلوا التنازل عن منصبهم بسهولة؟؟
..
ف السؤال هنا، هل كان صح إن الناس ترجع تاني؟ ولا كان الأفضل فعلًا يتم الأمر زي رؤية ثانوس؟ ويتعايش العالم مع خسارة نص سكانه ويحاول النهوض من جديد باللي موجودين؟
- مين ف ايده تحديد مصير الناس؟ سناب ثانوس ولا سناب هالك؟
..
طبعًا الأفلام والمسلسلات مجابتش كل التفاصيل دي وركزت عليها بالكامل، لكنها ادتنا لمحات كافية على قد اللي تحتاجه الحبكة وسياق القصص، وبعدها خلاص استكلمت الأفلام عالمها وركزت ع اللي جاي..
..
الكتاب ممتع جدًا حتى الآن، وبيطرح فعلًا آراء فيها حاجات حلوة لتشغيل الدماغ...

في عدد Ultimates #4 الصادر في 2002 ضمن كومكس مارفل آلتميت (عالم موازي أكثر واقعية وسوداوية من عالم مارفل كومكس العادي)، بنشوف مشهد لنك فيوري وهانك بيم ومراته واسب وكابتن أميركا، بيذكروا فيه إن ممكن تتعمل أفلام عن كابتن أميركا، هيكون بطلها براد بيت...
..
طبعًا هنا كابتن أميركا مش متابع عصرنا الحالي أوي، ف ميعرفش مين هو براد بيت، ولما نك فيوري بيتسئل عن الممثل اللي يليق بدوره، بيختار صامويل ل.جاكسون بدون تردد...
..
الكلام دا كان سابق لمشروع عالم مارفل السينمائي MCU طبعًا، بس وقتها كانت فيه بداية تفكير ف الموضوع، وكان براد بيت متألق ف الفترة دي، وكان من المرشحين فعلًا لدور كابتن أميركا، ولدور ثور حتى...
..
كذلك صامويل ل.جاكسون كان من أوائل المرشحين لدور نك فيوري، استلهامًا لشكله ف عالم الآلتميت بالبشرة السمراء، على عكس نك فيوري عالمنا الأصلي اللي كان أبيض البشرة...والاختيار كان من بداياته ف كومكس آلتميت مارفل، لدرجة إن رسم شكله ف أعداد الكومكس كان فعلًا مقتبس وبشدة من صامويل ل.جاكسون...واللي فعلًا بعد كده أجاد الدور ف الأفلام ومبقيناش متخيلين حد غيره...

في العدد Thor #6 (2020) ، بيشوف ثور نبوءة لطريقة وفاته ف المستقبل، وفيها بيظهر أنه هيمــــوت على يد ثانوس وهو ماسك مطرقته ميولنير، وفيها الأحجار اللانهائية، ومعاه جيش من الافنجرز الزومبي...
..
بصراحة مقريتش بقية الأعداد ساعتها عشان أعرف حصل كده فعلًا بعدها ولا لأ، ولو إنه غالبًا محصلش...بس مجرد تخيل الفكرة بس كان مذهل بالنسبة لي ❤️

"لا يسير إكتساب قوة الشامان وفق سلسلة متوقعة من الأحداث ذات القواعد الثابتة، بل يحدث ذلك غالبًا بعد تجربة مأساوية، تتمثل فيها الرحلة من الموت إلى البعث بشكل رمزي .
..
ونقلت التقاليد أمثلة لأجيال من الشامان حصل بعضهم على قواهم بعد إصابتهم بمرض خطير، أو بعد تعرضهم لصاعقة البرق، أو بعد تعرضهم لعضة ثعبان.
..
وهذا بالضبط مثلما حدث لعديد من شخصيات القصص المصورة بتحولهم إلى أبطال خارقين بعد مواقف درامية صعبة، كإنفــجار قُــــنبلة جاما مثل هالك، حادث سيارة تنقل مُخلفات مُشعّة مثل ديرديفل، إصابة حـــرب مثل آيرون مان، وهكذا.
..
حتى أن بيلي باتسون يستدعي صاعقة البرق التي تضربه ليتحول إلى كابتن مارفل/شازام.
..
إن عُدنا إلى أول بطل خارق، يُمكننا ملاحظة أن حتى سوبرمان بالكاد هرب من إنفـــجار كوكبه الأم، وإن لم يكن ذلك حادث دنو من المـــوت، فما هو؟

(مقطع من كتاب The myth of Superhero، بيحكي عن التشابه بين أصول الأبطال الخارقين، وأساطير سحرة الشامان في البلدان القديمة).

ساوندتراك باتمان من فيلم فلاش فول نوستالجيا😂🖤