الأبطال الخارقين بيحافظوا على سرية هويتهم الحقيقية، عشان ميتحاكموش ف قضايا بسبب إتلاف المال العام وتدمير المباني 😂
..
وأنا اللي كل السنين دي فاكرها عشان يحافظوا على سلامة أهلهم وحبايبهم.

امبارح المُصممة روث كارتر كانت أول سيدة أمريكية من أصول إفريقية تفوز بالأوسكار عن أفضل تصميم أزياء لفيلم Black Panther: Wakanda Forever...
فتعالوا نمتع نظرنا بتصميم الأزياء اللي كانت السبب ف فوزها بالجايزة...

زاك سنايدر لسه منزل الفيديو دا عنده من شوية...
وبيقول بصوت الممثل راي بورتر مؤدي صوت داركسايد، استنوا اعلان مهم من لورد داركسايد في 28-30 ابريل 2023....
قصدك إيه يا سعات البيه؟ قصدك ايه؟ 🥹🥹

جزء من كرتون Teen Titans Go! التابع لدي سي كومكس، وفيه مواجهة ساخرة مليئة بالمشاغبات بين شركة دي سي، والشركة "المُنافسة" اللي لونها أحمر، وبتستخدم مخالب ثلاثية في ايديها، وشباك عنكبوت، وصرخة عملاق غاضب 😉😉😉

استكمالًا للي قولناه على بوست زاك سنايدر الغامض، يبدو كده إنه من 28-30 ابريل هيعرض مع الفانز كل يوم فيلم من ثلاثيته في عالم دي سي، ويتكلم ف كل عرض عن الفيلم وتفاصيله زي ما عمل من فترة مع فيلم Watchmen...
لما دا حصل زمان، كان بعده اعلان مهم لعرض نسخته الخاصة من جاستس ليج...ف هل ممكن تحصل حاجة شبه دا المرة دي؟؟

كومكس Ultimate Marvel المعروفة بواقعيتها وسوداويتها، ف العدد Ultimate Fantasic Four #24، كان فيه مشهد مؤلم بيجمع سوزان ستورم "المرأة الخفية" مع أمها، اللي كانت فاكرة إنها مــاتت، لكن بيتضح إنها كانت عايشة طول السنين اللي فاتت ومخبية دا عن بنتها، لإهتمامها بمشروع اكتشاف قارة أتلانتس "اللي لقوا فيها نامور بعد كده"...
..
المشهد فيه بتطلب أم سوزان من بنتها إنها تساعدها هي وبقية الفانتاستك فور في النزول لأعماق المحيط لصعوبة الوصول لأتلانتس بالأفراد العاديين..
..
الأم: ده السبب الوحيد لرجوعي يا سوزان، محتاجة أصدقائك يكملوا المشروع اللي أهم عندي منك، ومن أخوكي وأبوكي سوا.

سوزان: شكرًا ليكي على صراحتك.

الأم: هتساعديني ولا هتضيعي وقتي؟

سوزان: أكيد هساعدك. دا أقل ما يُمكن إني اعمله عشان أرد لك جميل ولادتك ليا. لكن بمجرد ما ينتهي الموضوع، ف نفس اللحظة، مش عاوز أشوفك تاني بعدها...فاهمة؟

الأم: فاهمة.

سوزان: تمام.