يا ترى إيه اللي كان هيظهر ف أفلام مارفل، واتشال ف اللحظات الأخيرة؟ وهل كل اللي شوفناه، كان هو الاختيار الأول؟ ولا كان فيه خطوات سابقة له؟
>>
كتاب "فرص ضائعة: ما لم نره في عالم مارفل السينمائي" بيجمع كل الأفكار والتصميمات والمشاهد المحذوفة والملغية من أفلام ومسلسلات مارفل عبر كل مراحلها الأربعة، عشان نعرف منها كان إيه مستنيينه يحصل، ومحصلش..

3000 مشارك في القناة ❤️ شكرًا لكم على وجودكم

حاجة تحزن والله...حسبي الله في اللي كانوا السبب😢

فيلم Ant-Man and the Wasp: Quantumania (2023) بنسخة تصوير سينما بس جودة كويسة ومترجم، نزل على موقع egydead

https://w6.egydead.live/%D9%85%D8%B4%D8%A7%D9%87%D8%AF%D8%A9-%D9%81%D9%8A%D9%84%D9%85-ant-man-3-quantumania-2023-%D9%85%D8%AA%D8%B1%D8%AC%D9%85/

ملحوظة: النسخة دي بدون مشهدين ما بعد التتر النهائي، وفور عثوري عليهم هرفعهم هنا بإذن الله

العجيب إن فيه مشاهد علمت ف ذاكرة الناس ف أفلام مارفل، كانت مشاهد ارتجالية من الممثلين😅 زي اللي هنشوفه دلوقتي👇🏻

مكانش المفروض إن "روبرت داوني جونيور" يقول جملة I am Iron man، لكنه اقترح على صُنّاع الفيلم إنه يعمل كده، وكانت فكرة مش بطالة خالص

ف المشهد الشهير دا من فيلم ثور راجناروك، الممثل توم هيدلستون ملقاش حركة يعملها تاني، قام ارتجل رمية الخناجر ف الهوا، ولحسن حظه إنه لقطها بإيده وقت التصوير لأول مرة، ف احتفظوا بالمشهد زي ما هو من غير إعادة

ف مشهد تحول سبايدرمان لغبار، اقترح الممثل توم هولاند عشان المشهد محتاج إنه يبكي، إنه هيستعمل طريقته الخاصة، بإنه بيكرر جملة معينة بشكل مؤثر بيخليه يعيط..وطبعًا الجملة كانت:
I don't wanna go. I don't wanna go.

جملة Why is Gamora؟ طلعت ارتجالة صايعة من باتيستا، لأن المشهد المفروض كان ينتهي بسؤال who is Gamora؟ لكنه قرر إضافة جملته دي واتركبت بالجرافيك على وشه بعد ما المشهد كان اتصور أصلًا..

الممثل بينيديكت كامبرباتش ارتجل حركة رفع الصباع لتوني ستارك عشان يقنعه بإنه الاحتمال الوحيد للفوز بتضحيته بنفسه...

وقت تصوير المشهد دا، كانت الدنيا حر، وعاوزين ينجزوا التصوير ف اسرع وقت، ف المخرج طلب من إليزابيث أولسن وبول بيتاني يرتجلوا كلام المشهد دا لو حابين...عشان يطلع ف النهاية مشهد مؤثر جدًا جدًا

الممثل اندرو جارفيلد هو اللي اقترح إضافة فكرة إشارة ال3 سبايدرمان لبعضهم زي الميم المشهور