في كومكس Ultimate Marvel اللي بتدور ف عالم موازي مختلف شوية ف تفاصيله عن عالم مارفل بتاعنا، توني ستارك/ أيرون مان كان على علاقة بناتاشا رومانوف/ بلاك ويدو، وعمل لها بدلة طائرة زي بدلته..
..
ف الصفحة دي من العدد ultimates v2 #4، بيعرض عليها الجواز بإنه جاب 3 مليون شخص، وخلاهم يقفوا طوابير على الأرض عشان يكوّنوا جملة "تتجوزيني؟"، وال3 مليون شخص دول هم عدد سكان المدينة اللي اتولدت فيها بلاك ويدو.
..
توني دفع لكل واحد من ال3 مليون دول 100 دولار وكوباية قهوة عشان يفضلوا واقفين ف التلج دا...يعني حوالي 300 مليون دولار + 3 مليون كوباية قهوة قول مثلًا ب5 دولار، يعني إجمالي 315 مليون دولار مثلًا...
الرجالة لما تحب يا جماعة...أو "المليارديرات" لما يحبوا يا جماعة...
..
*ملحوظة: أنا لسه مكمل ف قراءة ألتيميت مارفل ومخلصتهاش، فمعرفش العلاقة دي تمت ف الاخر ولا راحت لحالها 😅

مادام بسبب فيلم فلاش اتفتح الكلام تاني عن دي سي وزاك سنايدر وكل المشاكل دي، حبيت أشارك معاكم كتاب "هكذا تكلم سنايدر" اللي عملته في 2021...
الكتاب دا كان طريقة بسيطة بشكر بيها زاك سنايدر على رؤيته المميزة لعالم دي سي السينمائي، واللي اتمنيت فعلًا انها تستمر وتكتمل بالرغم من تعنت ادارة استوديوهات وارنر، لكنهم مصرين بكل شكل انها تنمحي، لكنها مش هتنمحي طول ماحنا مقدرين قيمتها..
..
الكتاب عبارة عن:
1- من هو زاك سنايدر؟
2- عالم دي سي السينمائي الجديد
3- الطريق إلى السنايدر كت
4- شخصيات دي سي بعين سنايدر
5- إيستر إيجز أفلام سنايدر
6- مستقبل عالم دي سي
ومصحوب بالصور الموضحة لكل النقاط دي مع تفسيرها بشكل مفصل..

تسريبات من كتابي الأونلاين القادم "فرص ضائعة: ما لم نراه في عالم مارفل السينمائي"..
..
هنعرف كل ده وأكتر كمان أسبوع، في يوم 22 فبراير بإذن الله..عن كل اللي مشوفناهوش ف افلام ومسلسلات مارفل، وكل الأفكار والمشاهد اللي كانت هتتعمل او اتعملت، بس اتشالت ف المونتاج...