كتاب Wakanda Atlas موسوعة خرائط وتفاصيل دولة واكاندا بعالم مارفل، نستكشف فيه أسرارهم ومناطقهم الخاصة التي رأيناها في أفلام مارفل، وأشياء أخرى لم نراها بعد حتى في قصص الكومكس...

شوية ملاحظات حلوة تخص أفلام عالم مارفل لقيتها ع النت، وحبيت أشاركها معاكم...يمكن تخلينا نبص بصة جديدة لمشاهد مخدناش بالنا من تفاصيلها <3 <3

1- شاهد قبر العمة ماي مش مكتوب عليه ضمن أوصافها إنها "عمة" لأن العالم نسي وجود بيتر باركر، فمبقاش ليها ابن أخ اسمه بيتر ومبقتش عمة..وطبعًا محدش قال له على جنازتها..عشان كده بيتر راح يزور قبرها في نهاية فيلم No way home

2- بيتر باركر مجتش له فرصة يعرف إن توني ستارك اخترع السفر ف الزمن ورجع الناس كلها بسببه هو، لما كان شاف في ورشته الصور اللي اتصورها مع بيتر وقت المنحة الدراسية، وكان بيتر ماسك الشهادة بالمقلوب، ف توني فكر إنه يقلب تصميم آلة الزمن، والفكرة نجحت..

3- الشريط التسجيلي اللي توني سجله لبنته ميجان عشان يتذاع بعد وفاته، نفس فكرة الشريط اللي سجله هوارد ستارك لإبنه توني عشان يشوفه بعد وفاته..

4- قصة شعر كارول دانفرز/كابتن مارفل في فيلم ايندجيم، كانت كنوع من تقديم المساندة والدعم لصديقتها ماريا رامبو بعد إصابتها بالسرطان، اللي كان سبب في وفاتها بعد كده ومعرفة بنتها مونيكا رامبو بالخبر فجأة بعد رجوعها من فترة خمس سنين السناب، زي ما شوفنا في مسلسل واندافيجن

5- بيتر باركر في لحظته الأخيرة مع توني قبل وفاته، غالبًا كان قادر يسمع بقدراته الخارقة صوت دقات قلب توني وهي بتبطأ لغاية ما وقفت...

6- بروس بانر في فيلم أفنجرز الأول، لما ناتاشا راحتله مكانه السري، قال لها ف وسط كلامه: "عمري ما حصلت على اللي نفسي فيه"، ووقتها هزّ بإيده سرير طفل ف الاوضة...كإشارة لعدم قدرته على الإنجاب بسبب الاشعاع اللي في جسمه، وعدم سيطرته على شخصية هالك وقتها

خزاااان أحزاااان 😭😭

لأن الفكرة تستحق اكتر من مجرد شوية بوستات <3
..
يا ترى إيه اللي كان هيظهر ف أفلام مارفل، واتشال ف اللحظات الأخيرة؟ وهل كل اللي شوفناه، كان هو الاختيار الأول؟ ولا كان فيه خطوات سابقة له؟
يا مسهل، أما نشوف...
الكتاب الأونلاين القادم يوم 22-2 بإذن الله ^_^

ماذا لو؟؟

بوستر رسمي لفيلم The Flash القادم في 16 يونيو 2023، الفيلم المثير للجدل بظروف وتأثيره، والمشكوك في قوته وأهميته حتى الآن..

بوستر رسمي لفيلم Shazam ! الجزء الثاني القادم في 17 مارس 2023، فيلم آخر غير متأكدين من جدواه خصوصًا مع الخطة الجديدة لعالم دي سي من وضع جيمس جن

بوستر جديد لفيلم #AntMan3