Самарқанд ва Наманган келгуси беш йилда аҳоли сони миллион нафарни ташкил этадиган шаҳарларга айлантирилади — Шавкат Мирзиёев

Тошкентда қурилишни қисқартирамиз, бўлди энди, канализацияси ҳам чидамайди, одамлари ҳам чидамайди, шаҳар бетонга айланиб кетади. Баҳаво жойга Янги Тошкент олиб чиқилади- Шавкат Мирзиёев.

Шавкат Мирзиёев транспорт йўналишида иккита энг муҳим вазифа ҳақида гапирди:

Тошкент ва йирик шаҳарлар ўртасида кунлик қатновлар бўйича узоғи билан 6-7 соатда манзилга етиб бориш ва қайтиб келиш имконияти яратилади.

Темир йўлларини электрлаштириш даражаси амалдаги 40 фоиздан 60 фоизга оширилади. Тошкент – Урганч йўналиши бўйича тезюрар поездлар қатнови йўлга қўйилади.

"Тошкент шаҳрида жамоат транспорти тизими тубдан қайта кўриб чиқилади.

Шунингдек, 3 минг километр ички йўллар янгиланади, 10 та замонавий кўприк қурилади.

Пойтахтимизни кўкаламзорлаштириш даражасини 30 фоизга етказиб, 9 та жамоат парки, 20 та хиёбон, 250 километр велосипед ва пиёдалар йўлакчалари барпо этилади", — Шавкат Мирзиёев.

⚡️Шавкат Мирзиёев 2023 йилдан бошлаб қўшилган қиймат солиғи ставкаси 15 фоиздан 12 фоизга туширилишини эълон қилди.

Ҳар бир хонадон ва ижтимоий муассаса мақ́бул нархда юқори тезликдаги Интернетга уланади, магистраль автомобиль йўллари 100 фоиз мобиль алоқа ва Интернет билан қамраб олинади.

Шунингдек, халқаро магистрал Интернет тезлиги – 5 баробарга, туманлараро тармоқлар тезлиги – 8 баробарга оширилади.

Давлат хизматига кадрлар қоида тариқасида танлов асосида қабул қилинади.

Давлат хизматчилари учун узлуксиз малака ошириш, натижадорликни баҳолаш ва лавозим бўйича кўтарилиш мезонлари белгиланади.

Иш вақти, меҳнат меъёрлари бўйича талаблар ҳам қайта кўриб чиқилади.- Шавкат Мирзиёев.

⚡️ Шавкат Мирзиёев журналистларни ўзининг энг яқин дўстлари деб айтди

"Оммавий ахборот воситаларини ҳар томонлама қўллаб-қувватлаш, журналистларнинг эркин фаолият юритишлари учун зарур шарт-шароитлар яратилади.

Мен буни биринчи марта айтаётганим йўқ: мен ҳақиқат ва адолатни ўз эътиқоди деб биладиган барча журналистларни ўзимнинг энг яқин дўстларим деб биламан ва улар ҳамиша Президент ҳимоясида бўлади."

🇰🇿Қозоғистон Афғонистоннинг янги ҳукумати билан ишбилармонлик алоқаларини ўрнатишга, биринчи навбатда, ўткир гуманитар муаммоларни ҳал қилишга тайёр — мамлакат президенти Токаев‌‌.

⚡️Қўшни Афғонистон заминида тинчлик ва осойишталикни таъминлашга, жафокаш афғон халқига қўлимиздан келган барча ёрдамни аямаймиз — Шавкат Мирзиёев.

Жаҳон савдо ташкилотига аъзо бўлиш ва Евроосиё иқтисодий иттифоқи билан интеграция жараёнларини чуқурлаштириш бўйича аниқ амалий қадамлар қўйилади — Шавкат Мирзиёев.

Шавкат Мирзиёев: Ҳеч қачон унутманг, сайлаш ва танлаш ҳуқуқи – сизнинг қўлингизда.

ЎзЛиДеп томонидан президентликка номзод сифатида илгари сурилаётган Шавкат Мирзиёев келажак учун масъулият барчанинг зиммасида эканлигини айтди.

Ўзбекистонга 1,2 млн дозадан ортиқ Pfizer вакцинаси олиб келинмоқда

Яқин кунларда Ўзбекистонга 1 млн 200 минг дозадан ортиқ Pfizer/BioNTech ва 600 минг дозадан ортиқ AstraZeneca вакциналари олиб келиниши кутилмоқда. 

Pfizer/BioNTech вакцинаси ўзбекистонликлар эмланадиган 5-вакцина бўлади.

Маълумот учун, айни кунгача мамлакатда жами 15 млн 978 минг 140 доза вакцинадан фойдаланилди. Шу кунгача тўлиқ эмланган фуқаролар 2 млн 710 минг 887 нафарни ташкил қилмоқда.

⚡️⚡️Маршал Дўстум жаҳон ҳамжамияти ва минтақа мамлакатларини Толибон ҳокимиятини тан олишга шошилмасликка чақирди.

#Онлайн

⚡️Даврон Ҳидоятов: Коррупцияга қарши курашишнинг энг яхши йўли бу — очиқлик

Журналист:
— Коррупцияга қарши курашиш бўйича сизнинг стратегиянгиз нимада?

— Буни бир сўз билан очиқлик, деб ифодалаш мумкин. Буни масалан, биз ер ажратиш бўйича сўнгги йилларда амалга оширилаётган ишлар мисолида яққол кўришимиз мумкин, — деди вилоят ҳокими. — Ҳозир ер ажратиш аукцион савдолари асосида олиб борилмоқда. Авваллари бу бошқача эди.

Энди ҳокимларнинг ер ажратиб беришга ҳаққи йўқ. Бу жараёнларнинг барчаси қонуний тартибда, янги тартиб ва тамойилларга мувофиқ амалга оширилади. Мен вилоят ҳокими сифатида илк кунларда иш олиб борганимда бу ҳолатларга ҳам гувоҳ бўлдим.

Коррупцияга қарши курашишда энг яхши йўли бу — очиқлик.

Ўзбекистон яна бир халқаро шартномани тасдиқлади

🖊 Шавкат Мирзиёев қарори билан МДҲ иштирокчи-давлатлари аҳолиси бандлигига кўмаклашиш соҳасида ҳамкорлик тўғрисидаги Битим тасдиқланди.

Халқаро шартноманинг асосий мақсади — МДҲ иштирокчи-давлатлари умумий меҳнат бозорини шакллантиришда мавжуд муаммо ва тўсиқларни бартараф қилиш бўйича мувофиқлаштирилган ёндашувларни ишлаб чиқиш, норасмий меҳнат фаолиятини қисқартириш ва бошқалар.

Покистон толиблар билан Афғонистоннинг инклюзив ҳукуматини тузиш бўйича музокараларни бошлади

Бу ҳақда Покистон бош вазири Имрон Хон ўз Твиттерида маълум қилди. Унинг сўзларига кўра, Душанбеда Афғонистонга қўшни давлатлар раҳбарлари билан учрашувлардан сўнг, у тожиклар, ҳазоралар ва ўзбеклар иштирокида Афғонистоннинг инклюзив ҳукуматини тузиш бўйича толиблар билан музокаралар бошлаган.

И.Хоннинг таъкидлашича, бу мамлакатда тинчлик ва барқарорлик ўрнатилишига ҳисса қўшади. Ўзгаришлар нафақат Афғонистон, балки бутун минтақага фойда келтиради.

⚡️Жума намози ва бошқа намозларни масжидларнинг фақат очиқ саҳналарида адо этилишига оид чеклов бекор қилинди

ССВ ахборот хизмати маълум қилишича, Республика махсус комиссиясининг мажлисида Ўзбекистон мусулмонлари идораси ҳамда Дин ишлари бўйича қўмитанинг 2021 йил 24 сентябрдан эътиборан жума намози ва бошқа намозларни масжидларнинг фақат очиқ саҳналарида адо этилишига оид чекловни бекор қилиш тўғрисидаги таклифи кўриб чиқилди ҳамда маъқулланди.

Жонс Хопкинс университетининг ҳозирги маълумотларига кўра, дунёда 5 миллиард 917 миллион дозадан ортиқ вакцина қўлланилган.

Эртадан Фарғона вилоятида Ички ишлар ходимлари электрошок ишлатишни бошлайди

Жорий йилнинг 24 сентябрь кунидан бошлаб, Фарғона вилояти Ички ишлар органларининг Патруль-пост, Йўл ҳаракати хавфсизлиги ва бошқа тегишли хизматларининг саф бўлинмалари ходимлари хизмат жараёнида элэктрошок қурилмаларидан фойдаланишни бошлайди.

⚡️Афғонистоннинг Кунар вилояти Чавкай қишлоғида Толибон ва ИШИД вакиллари ўртасида отишма содир бўлди. Маҳаллий журналистлар айтишича, 3 толиб ўлдирилиб, 2 нафари яраланган.

@soflive — қисқа, аниқ ва тезкор хабарлар