Беш нарса беш нарса биландир. 1. Қавм аҳдни бузса, душманлари уларга бошлиқ қилиб қўйилади. 2. Аллоҳ нозил этган нарсадан бошқаси ила ҳукм қилишса, Аллоҳ уларнинг ораларида камбағалликни ёяди. 3. Агар уларда фоҳишалик зоҳир бўлса, ораларида ўлим ҳам кенг тарқалади. 4. Ўлчовда уриб қолманглар, агар шундай қиладиган бўлсангиз, ўсимликлар ўсишидан ман этиласиз ва қурғоқчилик ила ушланасиз. 5. Закотни ман қилманглар, агар шундай қилсангиз, ёмғирдан ман этиласиз.

Ибн Аббос (розияллоҳу анҳумо)дан. Табароний ривояти.👇
ㅤㅤㅤㅤ
🗣☪️@sof_ibrat
ㅤㅤㅤ

🕌 ЖУМА АЙЁМИНГИЗ МУБОРАК БЎЛСИН!

Дуога қўл очинг, Толмасин билак,
Бугун сўрайверинг, Хар неки тилак.
Файзи билан берур, Аллоҳ таборак.
Тавба сохибига, «ЖУМА» Муборак🌙

• Суюкли пайғамбаримизга кўп саловат айтинг!

• Аллоҳумма солли аълаа саййидина Мухаммад!👇
ㅤㅤㅤㅤ
••┄┄┄❅┄┄┄•••
Ilmiy ma'rifiy blog: @sof_ibrat
ㅤㅤㅤㅤ

Ишларига улгуриш учун намозини шошилиб, тез ўқийди. Қарға чўқишидай чўқилаб ўқийди. У мискин билмайдики, улгуриб қолиш учун шошилтираётган у юмушларнинг бари, айни дамда ҳузурида турган Зотнинг қўлида бўлса...
Яна уларнинг баъзилари смартфонига тезроқ қараш учун ҳам намозини тезлаштиради. Ўзича бир-икки дақиқа бўлмаса, бу дунёнинг ишлари ўзгариб кетадигандек...
Намозларингизни яхшиланглар. Албатта у яхши бўлса, ўнгланса, қолган барча ишларингиз ўнгланади.

Доктор Ҳусайн Фифий
👇
ㅤㅤㅤㅤ
🗣☪️@sof_ibrat
ㅤㅤㅤ

Бир бало юз бир балони даф қилур,
Бир йиқилган ерда юз бор юксалур.

Аллоҳдан сенга бир мусибат етишса, фарёд қилма. Не-чукким, ўша бир балони сабаб қилиб, ундан кўра юз бор оғирроқ бўлган кўп заҳматлардан асраган бўлади. Ахир бир бор йиқилган юз бор қаддини тиклайди.

Жалолиддин Румий👇
ㅤㅤㅤㅤ
🗣☪️@sof_ibrat
ㅤㅤㅤ

Расулуллоҳ соллаллоҳу алайҳи васаллам дедилар:
«Одам боласи ўлимдан қочганидек ризқидан қочса ҳам, ўлим уни топиб олгани каби, ризқи ҳам топиб олади».
Абу Нуъайм Жобирдан ривоят қилган.👇
ㅤㅤㅤㅤ
🗣☪️@sof_ibrat
ㅤㅤㅤ

Уламолар айтадики, намозда оёқларни тўрт энликдан ортиқча кериб бўлмасликга Ҳанафийларнинг Қуръонда далили бор.
Аллоҳ таоло Қуръонда айтади;
“Ва Иброҳимнинг мақомини намозгоҳ тутинг”. Бақара-125.

Агар ушбу оятга амал қиламан десангиз оёқни кериб туришнинг ҳеч ҳам имкони йўқ. (Иложсиз тўрт энлик туриши керак).
ArRohman_uz👇
ㅤㅤㅤㅤ
🗣☪️@sof_ibrat
ㅤㅤㅤ

Ёдингдами, айтчи сен туғилган он,
Барча хандон эди, сен эса гирён.
Шундай яшагилки кетар чоғингда,
Барча гирён қолсин сен боргил хандон.

Абдураҳмон Жомий👇
ㅤㅤㅤㅤ
🗣☪️@sof_ibrat
ㅤㅤㅤ

Аллоҳдан бирор нарсани сўрамоқчи бўлсангиз, хайриятини ҳам қўшиб сўранг.
Чунки, кўпинча дунёвий сўралган нарсалар, сизнинг ҳалокатингизга сабаб бўлиши мумкин!

Ибн Жавзий👇
ㅤㅤㅤㅤ
🗣☪️@sof_ibrat
ㅤㅤㅤ

Луқмони ҳакимнинг ҳикматларидан:

Эй болам! Ким тоқатидан юқори нарсани кўтарса, ожиз қолади.
– Ким ўзига бино қўйиб, ўзидан кетса, ҳалок бўлади.
– Ким одамларга такаббурлик қилса, хор бўлади.
– Ким маслаҳат қилмаса, надомат чекади.
– Ким уламолар билан бирга ўтирса, илм ҳосил қилади.
– Кимнинг сўзи озайса, омонда бўлади. 👇
ㅤㅤㅤㅤ
🗣☪️@sof_ibrat
ㅤㅤㅤ

Эркаклар ўқисин

•Агар сиз ишлайдиган аёлни танлаган бўлсангиз, у уй ишларини ҳамиша ҳам тахт тиндириб қўя олмаслигига тайёр туринг.
•Агар сиз тўлиқ сиз ва рўзғорингиз ҳақида қайғуриши керак бўлган аёлни танлаган бўлсангиз, у пул топа олмаслигини ҳам қабул қилинг.
•Агар сиз итоаткор аёлни танласангиз, ҳамма масъулият сизнинг зиммангизда эканини ҳис қилинг.
•Жасур аёл билан яшашга қарор қилган бўлсангиз, у ҳамиша ҳам юмшоқ бўла олмаслигига ва ўзининг мустақил фикрига эга эканлигига кўникинг.
•Агар чиройли аёл билан яшамоқчи бўлсангиз, харажатларини ҳам кўтаринг.

#Мулоҳаза 👇
ㅤㅤㅤㅤ
🗣☪️@sof_ibrat
ㅤㅤㅤ

Савол беришди: “Шайхимиз, менга қалбимнинг қайғусидан нажот топишим учун бир амални айтсангиз? Уни ғаму ташвишлар ҳалок қилаёзди.
Жавоб бердилар: “Инсонларнинг шовқинида йироқда бўлиб, тун ярмида Роббинг билан холи қолгин. Икки ракат бўлсада намоз ўқигин. Саждангни узун қилгин, сўнгра шикоятинг ила Унга ёлбориб йиғлагин. Аниқки, ҳали ўрнингдан турмасингдан Аллоҳ сенга дуоингни ижобат қилади!

Доктор Аҳмад Ийсо Маъсоравий.
👇
ㅤㅤㅤㅤ
🗣☪️@sof_ibrat
ㅤㅤㅤ

- Болам, ҳар тонг соғлигингнинг закотини беришни унутма!
- Соғликнинг закоти нима, бобо?
- Соғликнинг закоти бу, беморлар ҳаққига дуо қилмоғингдир, болам.

–Аллоҳ барча беморларга комил шифо, қийинчиликда қолганларга енгиллик берсин, Амин!👇
ㅤㅤㅤㅤ
🗣☪️@sof_ibrat
ㅤㅤㅤ

#Ҳикмат

Намоз диннинг устунидир. Унда ўнта хислат бор:

⚜️ 1. Юзни зийнатлайди.

⚜️ 2. Қалбни нурлантиради.

⚜️ 3. Баданни роҳатлантиради.

⚜️ 4. Қабрда йўлдош бўлади.

⚜️ 5. Раҳмат туширади.

⚜️ 6. Осмонга калит бўлади.

⚜️ 7. Мейзон (қиёматдаги амаллар тарозуси)ни оғирлаштиради.

⚜️ 8. Робни рози этади.

⚜️ 9. Жаннатнинг қийматини қўлга киритади.

⚜️ 10. Дўзахдан тўсиқ бўлади.
Ким намозни қоим қилса, динни қоим қилибди. Ким намозни тарк қилса, динни бузибди.👇
ㅤㅤㅤㅤ
🗣☪️@sof_ibrat
ㅤㅤ

Агар 100 та қора чумоли ва 100 та қизил чумолини бир шиша идишга солиб қўйсангиз, ҳеч нарса бўлмайди. Лекин ўша идишни олиб, қаттиқ силкитсангиз, чумолилар бир-бирини ўлдира бошлайди. Қизил чумолилар қора чумолиларни душман деб ўйласа, қора чумолилар қизилларни душман деб ўйлайди. Ваҳоланки, ҳақиқий душман идишни силкитган кимсадир.

Ихтилоф қилиш ва хусуматлашишдан олдин ўзимизга савол берайлик: “Идишни ким силкитяпти?”

Жамиятдаги одамларнинг ўзаро душман бўлиши, улфатларнинг бир-биридан узоқлашиши ва ҳоказо оғриқли ишлар ғийбат, чақимчилик, ёлғон каби жиноятларни қўллаган ҳолда айримларнинг идишни силкитаётгани туфайли бўлмаяптими?!

Яқинларимизни асрайлик, уларга бўлган муҳаббат, улфат ришталаримизни мустаҳкамлайлик.

Аллоҳ таоло барчамизни Ўзининг ҳидоятидан айирмасин, гуноҳларимизни мағфират этиб, хотимамизни чиройли қилсин!

Нозимжон Ҳошимжон👇
ㅤㅤㅤㅤ
🗣☪️@sof_ibrat
ㅤㅤㅤ

Онанинг учта устун фазилати
____
🎙 "Минор" жоме масжиди имом-хатиби Саййид Раҳматуллоҳ Термизий.👇
ㅤㅤㅤㅤ
🗣☪️@sof_ibrat
ㅤㅤㅤ

АЁЛИНГИЗНИ ХЎРЛАМАНГ!

Аёлингизни хўрламанг. Уни таҳқирлашингиз қалби ва ақлида чуқур из қолдиради. Аёлингиз тили билан кечирса ҳам қалби билан кечира олмайдиган энг хатарли ҳақорат – қалби ғалаёнга тўлганда унга озор беришингиз, сўкишингиз, ота-онасини пастга уришингиз ёки шаънини ерга уришингиздир.
Аёлингизга яхши муомала қилинг, ундан ҳам яхши муомала кўрасиз. Уни ўзингиздан ҳам устун кўришингизни, уни бахтли қилишга уринишингизни унга билдиринг. Унинг соғлиғига эътиборли эканингизни айтинг. Агар бетоб бўлиб қолса, имконингиз етканича борингизни қурбон қилишга тайёр эканингизни билсин.

Шайх Юсуф Хаттор Муҳаммад.
«Оила — саодат маскани». 👇
ㅤㅤㅤㅤ
🗣☪️@sof_ibrat
ㅤㅤㅤ

✅ ЖУМА ТАБРИГИ ВА ДИНИЙ МАСАЛАЛАРНИ ТАРҚАТИШ АТРОФИДАГИ ГАП-СЎЗЛАРГА МУНОСАБАТ

❗️Ижтимоий тармоқларда “жума табриги”, “Қуръони карим оятлари”, “Пайғамбар алайҳиссалом ҳадислари”, юртимиз уламолари ва имом-домлаларининг мавъизаларини тарқатиш гўёки мумкин эмас, деган мазмундаги асоссиз хабарлар кенг тарқатилмоқда.

❗️Шунингдек, юртимиздаги расмий диний сайт ва ижтимоий тармоқлардаги маълумотларни мутолаа қилиш ёки улашиш жавобгарликка сабаб бўлиши ҳақида ҳам ваҳима уйғотувчи ёлғон хабарлар кенг муҳокамаларга сабаб бўлмоқда.

🗣Таъкидлаш керакки, ижтимоий тармоқларда аҳоли орасида саросимага солувчи шундай нотўғри хабарлар тарқатиш амалдаги қонунчиликка мувофиқ жавобгарлик келтириб чиқаради.

📘 2021 йил 5 июлдаги “Ўзбекистон Республикасининг Виждон эркинлиги ва диний ташкилотлар тўғрисида”ги қонунига асосан, эътиқод эркинлиги кафолатланган. Шунга кўра, фуқаролар динга эътиқод қилиш, диний расм-русумлар ва маросимларни ўтказиш ҳамда ўз динининг таълимотларини ўрганиш ҳақ-ҳуқуқига эгадир.

🌙 Шунга биноан мўмин-мусулмонлар учун зарур бўлган диний масалалар расмий электрон манбалар орқали кенг ёритиб борилмоқда. Ўзбекистон мусулмонлари идорасининг расмий веб-сайтлари, масжид-мадрасалар, иқтидорли имом-хатибларнинг сайт ва ижтимоий тармоқ саҳифаларини мутолаа қилиш ҳамда улардаги маълумотларни яқинларига улашиш мумкин, жумладан, жума табрикларини ҳам тарқатишга рухсат этилган. Буларга ҳеч қандай таъқиб йўқ.

✅Расмий ва етакчи электрон манбалар рўйхатини ушбу ҳавола орқали тақдим этамиз:
➡️https://taplink.cc/kanallar

🟢 Таъкидлаш жоизки, Ислом маърифатини тарқатиш, халқимизга дину диёнатни етказиш ва ёшларни илму маърифатли қилиш зиёлилар, хусусан дин пешволарининг энг муҳим вазифасидир.

🌐 Шу мақсадда, Ўзбекистон мусулмонлари идораси ва унинг тизимидаги имом-домлалар томонидан Интернет оламида маънавий-маърифий йўналишларда мунтазам тарғибот-ташвиқот ишлари амалга оширилмоқда.

✅ Айниқса, Ўзбекистон мусулмонлари идораси muslim.uz сайтида “Қуръони карим ва тажвид”, “Илм ва одобга оид ҳадислар шарҳи”, турли ваъз-насиҳатлар. Фатво марказининг fatvo.uz каналида диний савол-жавоблар ва Муфтий ҳазратларининг @Muftiy_Nuriddin_domla каналларида эса руҳий тарбияга оид суҳбатлар мунтазам жойлаштириб борилмоқда.

✔️ Хулоса шуки, мўмин-мусулмонларимиз мана шундай расмий, ишончли ижтимоий тармоқлардаги диний-маърифий мазмундаги барча маълумотларни мутолаа қилишлари ҳамда яқинларига улашишлари мумкин.

❗️Эслатма шуки, бузғунчи оқимлар ғояларини ўзига жалб этувчи мусиқий оҳанг, фотосурат ёки рамзлар орқали зимдан тарқатишга уринмоқда. Шунинг учун ҳам экстремистик ғояларни ҳар қандай шаклда ҳоҳ жума табриги бўлсин, хоҳ бошқача атрибут ёки сурат шаклида бўлсин, уларни тарқатиш, сақлаш ва фойдаланиш қонунан таъқиқланади. Аввалроқ тарқатиш тақиқланган экстремистик сайт ва тармоқлар рўйхати эълон қилинган эди.

🤔 Шундай экан, Ўзбекистон мусулмонлари идораси фуқароларни яна бир бор огоҳ ва ҳушёр бўлишга чақиради.

Ўзбекистон мусулмонлари идораси Матбуот хизмати 👇
ㅤㅤㅤㅤ
🗣☪️@sof_ibrat
ㅤㅤㅤ