အမှန်တရားတဲ့ ခါးလိုက်တာဗျာ အဲ့လောက်ခါးတဲ့အမှန်တရားကိုလက်ကိုင်ထားရင်း အိမ်မက်တွေ အနာဂတ်တွေ
ဘဝတွေ အသက်အိုးအိမ်စည်းစိမ်တွေ ပျက်စီးခဲ့ကြောင်း
နလန်မထူနိုင်အောင် ရိုက်ချိုးခံခဲ့ရကြောင်း

ဘဝတွေဘဝတွေ အများကြီးရဲ့ပုံရိပ်ကို ကွက်ကွက်ကွင်းကွင်း ထင်ဟပ်စေမယ့် ကဗျာအရေးအသားနဲ့ "အိမ်ပြန်လိုချင်တယ် နိုင်ငံတော်ကိုပြန်ရချင်တယ်" ဆိုတဲ့ Audio Bookလေးကို နားဆင်ရင်း
တော်လှန်ရေးကာလအတွင်း ဖြစ်ပျက်ခဲ့သမျှ အကြောင်းအရာတစ်ချို့ကို ပုံဖော်ကြည့်နိုင်တာမို့
နားဆင်ဖြစ်အောင်နားဆင်ပေးကြပါဦးခင်ဗျ။
Audio book Link၁၃ပု​ဒ်ကို မြန်မာငွေ ၁၅၀၀၀ ကျပ်
ဘတ်ငွေ ၁၀၀သာ ကျသင့်မှာဖြစ်ပြီးတပ်ဖွဲ့pagemessengerနဲ့
@SOFJY72121တယ်လီဂရမ်အကောင့်ကနေတိုက်ရိုက်ဝယ်ယူအား​ပေးနိုင်ပါတယ် ခင်ဗျ။🤗
#Audiobook
#အထူးစစ်ဆင်ရေးတပ်ဖွဲ့
#ပြည်သူ့ကာကွယ်ရေးတပ်မတော်

"သင်္ကြန်ရသ"

အတာဓလေ့ကို
တခါမှ မမေ့ခဲ့
ဝေးခဲ့ရတာ ငါးနှစ်ကြာပေါ့၊

အတွေးဗလာနဲ့
အငြိုး အာဃာတ မရှိ
သင်္ကြန်မိုးက တအိအိပြိုပြီ၊

မြေသင်းနံ့တွေ ရတယ်
ငုတွေ ခိုတွဲ ဝါဆင်း ဝေ့လည်လည် နဲ့
ပိတောက်လည်း ပွင့်လင်း တာဝန်ကျေပါတယ်၊

သံချပ်သံတွေ တိတ်ဆိတ်နေခဲ့
မြေစာပုံတွေနဲ့ ပူဆွေးဗျာပါဒ တွေနဲ့
လူယုတ်မာတစု အတာကိုယ်စားပြုနေတုန်း၊

အဆိုးဆုံး အမှောင်ဆုံးကာလ
အကြပ်အတည်း အခက်အခဲတွေကြားက
တော်လှန် လွတ်မြောက်နိုင်မှ အတာကျပါတော့မယ်။

အောင်စံရှား - SOF
(14.4.2025)

စစ်ကြောင်းမှုး ရဲဘော်ဆရာကျောင်းကျဆုံးခြင်း တစ်နှစ်ပြည့်နှင့် SOF ကျဆုံးရဲဘော်များအား အောက်မေ့သတိရ အလေးပြုခြင်းအခမ်းအနားပြုလုပ်
-------------------------------
ဧပြီလ ၂၆ ရက်၊ ၂၀၂၅။

အမျိုးသားညီညွတ်ရေးအစိုးရ၊ ကာကွယ်ရေးဝန်ကြီးဌာန၊ ပြည်သူ့ကာကွယ်ရေးတပ်မတော်၊ တောင်ပိုင်းစစ်ဒေသ၏ လက်ရုံးအထူးတပ်ဖွဲ့ဖြစ်သော အထူးစစ်ဆင်ရေးတပ်ဖွဲ့ - SOF (P29999/အထူးတပ်ဖွဲ့) ၏ စစ်ကြောင်း (၁) စစ်ကြောင်းမှုး ရဲဘော်ဆရာကျောင်းကျဆုံးခြင်း တစ်နှစ်ပြည့်နှင့် ကျဆုံးရဲဘော်များအား အောက်မေ့သတိရ အလေးပြုခြင်းအခမ်းအနားအား မနေ့က ကျင်းပခဲ့သည်။

အခမ်းအနားတွင် ပြည်သူ့ကွယ်ရေးတပ်မတော်အလံတော်အား အလံတဝက်ချ အလေးပြုခြင်း၊ သစ္စာဓိဌာန်ရွတ်ဆိုခြင်း၊  ကျဆုံးရဲဘော်တစ်ဦးချင်းစီ၏  တော်လှန်ရေးဆောင်ရွက်ချက်မှတ်တမ်းများအား အောက်မေ့သတိရဖွယ်၊ ဂုဏ်ယူဖွယ် ပြန်လည်ဝေမျှခဲ့ပြီး ကျဆုံးရဲဘော်များအား အလေးပြုခြင်းဆောင်ရွက်ခဲ့သည်။

"ရဲဘော်ဆရာကျောင်းသည် အထူးစစ်ဆင်ရေးတပ်ဖွဲ့ - SOF ၏ စစ်ကြောင်း (၁) စစ်ကြောင်းမှုးဖြစ်ပြီး တပ်ဖွဲ့၏ စစ်ဆင်ရေးမှုးဖြစ်သည်။ ရဲဘော်ဆရာကျောင်းသည် နွေဦးတော်လှန်ရေးစသည့်အချိန်မှစ၍ မြို့ပြစစ်ဆင်ရေးများဖြစ်သော ပျံလွှားအောင်စစ်ဆင်ရေး၊ နန်းထိုက်အောင်စစ်ဆင်ရေးနှင့် ကျေးလက်စခန်းသိမ်းတိုက်ပွဲများစွာ ဦးဆောင်ခဲ့သော စစ်ဆင်ရေးမှုးတစ်ဦးဖြစ်သည်။ တပ်ဖွဲ့၏ တိုက်ခိုက်ရေးထူးချွန်ဆု ချီးမြှင့်ခြင်းခံထားရပြီး ကျဆုံးသည့်အချိန်တွင် ကာကွယ်ရေးဝန်ကြီးဌာန၏ ဦးညွတ်ဂုဏ်ပြုလွှာ ချီးမြှင့်ခံရသည်။"

ရဲဘော်ဆရာကျောင်းနှင့်အတူ ရဲဘော်ကုလားကြီး၊ ရဲဘော်ကိုဟိန်း၊ ရဲဘော်မိုက်တီးတို့လေးဦးသည်၂၀၂၄ ခုနှစ် ဧပြီလ ၂၅ ရက်နေ့ ကရင်ပြည်နယ်၊ ဘုရားသုံးဆူမြို့အနီး တောင်စွန်းစခန်းသိမ်းတိုက်ပွဲတွင် ရန်သူအားရွပ်ရွပ်ချွံချွံတိုက်ခိုက်ချေမှုန်းရင်း ရန်သူ့စခန်းကုန်းပေါ်တွင် ကျဆုံးခဲ့သည်။ ကျဆုံးရဲဘော်များ၏ ရုပ်အလောင်းများအား ပြန်လည်ရယူခဲ့ပြီး အမိန့်ပြန်ပေးခြင်းနှင့် ဘာသာရေးအရ လိုအပ်သည်များ လုပ်ကိုင်ဆောင်ရွက်ပေးခဲ့သည်။ လေးနှစ်တာကာလအတွင်း ရဲဘော်ဆရာကျောင်းအပါအဝင် SOF တပ်ဖွဲ့ဝင် ကျဆုံးရဲဘော် (၂၀) ဦးအထိရှိခဲ့ပြီး တပ်ဖွဲ့မှ သက်စွန့်အာဇာနည်ဆုတံဆိပ်ချီးမြှင့်ခဲ့ကာ ရဲရင့်သော အာဇာနည်များအဖြစ် အထူးပင်မှတ်တမ်းတင်ထားရှိပါသည်။

အထူးစစ်ဆင်ရေးတပ်ဖွဲ့ - SOF