ဖိုတို - ရဲအောင်သူ
တိုက်ပွဲ - တောင်စွန်းစခန်းသိမ်းတိုက်ပွဲ
တပ်ဖွဲ့ - အထူးစစ်ဆင်ရေးတပ်ဖွဲ့ - SOF
မှတ်တမ်း - တောင်စွန်းစခန်းသိမ်းတိုက်ပွဲအတွင်း ရန်သူ့စခန်းရှေ့ ကိုက် ၂၀၀ ကနေ ပွိုင့်5 နဲ့ တူတဲ့ 12.7 လက်နက်နဲ့ အနီးကပ် ပစ်ခတ်ခဲ့တဲ့မှတ်တမ်း ဓာတ်ပုံဖြစ်ပါတယ်။
This photo taken on April 21, 2024 shows Revolution fighters from Karen National Liberation Army (KNLA) and Special Operation Force (SOF) from National Unity Government (NUG) shooting 12.7mm Type 54 heavy machine gun to infantry Battalions 284, junta military camp based in Taung Soon, Kyarinseikgyi Township, Kayin State, Myanmar.

#အထူးစစ်ဆင်ရေးတပ်ဖွဲ့
#တောင်ပိုင်းစစ်ဒေသ
#ပြည်သူ့ကာကွယ်ရေးတပ်မတော်

"နှစ်သစ်ကူးပွဲ မြိုင်နေပြီ"
#စကစ တပ်မ ၄၄ က မသာ ငယ်ငယ်လေးတွေ၊
#​သေတာ အလောင်းကိုတန်းစီနေတာပဲ ၄၀ ကျော်။

အနန်းကွင်းဗျူဟာစခန်းသို့ စစ်ကူပို့ရန်နှင့် လူနာသယ်ရန်လာသော စကစစစ်ကြောင်းနှင့် KNLA၊ SOF နှင့် ပူးပေါင်းအဖွဲ့များ၊ ဒရုန်းတပ်ဖွဲ့များနှင့်
(၃၀.၁၂.၂၀၂၄) ရက်နေ့မှ (၂.၁.၂၀၂၅) အထိ လေးရက်ဆက်တိုက် ထိတွေ့တိုက်ပွဲဖြစ်ပွားခဲ့ပြီး ရန်သူစကစဘက်မှ သေဆုံးသူအလောင်း (၄၀) ကျော်အထိရှိခဲ့ပြီး လက်နက်ကြီး လက်နက်မျိုးစုံ (၃၀) ကျော် သိမ်းဆည်းရရှိခဲ့သည်။
စကစဘက်မှ လေကြောင်းတိုက်ခိုက်မှုအနေဖြင့်ဂျက်ဖိုက်တာဖြင့် (၃) ကြိမ်၊ Y12 ဗုံးကျဲလေယဥ်ဖြင့် (၁) ကြိမ်၊ လက်နက်ကြီး အကြိမ် (၁၅၀) ခန့် ရမ်းသန်း ပစ်ခတ်ခဲ့ပြီး မိမိဘက်မှ ရဲဘော်တစ်ဦးကျဆုံးခဲ့ပြီး ၅ ဦးခန့် မစိုးရိမ်ရ ဒဏ်ရာ ရရှိခဲ့သည်။

(3.1.2025)
(Video - SOF)

အထူးစစ်ဆင်ရေးသင်တန်း အပတ်စဥ် (၇) သင်တန်းဆင်းပွဲကျင်းပခြင်း
----------------------------
ဖေဖော်ဝါရီလ (၃) ရက်၊၂၀၂၅။

အမျိုးသားညီညွတ်ရေးအစိုးရ၊ ပြည်သူ့ကာကွယ်ရေးတပ်မတော်၊ တောင်ပိုင်းစစ်ဒေသ၏ လက်ရုံးအထူးတပ်ဖွဲ့ဖြစ်သော P29999- အထူးစစ်ဆင်ရေးတပ်ဖွဲ့ - SOF ၏ အပတ်စဥ် (၇)၊ အထူးစစ်ဆင်ရေးသင်တန်းဆင်းပွဲအား (၃၁.၁.၂၀၂၅) ရက်နေ့တွင် ကရင်ပြည်နယ် လွတ်မြောက်တနေရာ၌ ကျင်းပခဲ့သည်။

သင်တန်းဆင်းပွဲတွင် အလံတော်နှင့်ကျဆုံးရဲဘော်များအား အလေးပြုခြင်း၊ ကာကွယ်ရေးဝန်ကြီးဌာနမှပေးပို့သောသဝဏ်လွှာအား ဖတ်ကြားခြင်း၊ တပ်ဖွဲ့မှုး ရဲဘော်အောင်စံရှားမှပေးပို့သော သဝဏ်လွှာအားဖတ်ကြားခြင်း၊ ဗျူဟာ (၃၃) ဗျူဟာစစ်ဆင်ရေးမှုးမှ ဂုဏ်ပြုမိန့်ခွန်းပြောကြားခြင်း၊ SOF စစ်ကြောင်း-၂ စစ်ကြောင်းမှုး ရဲဘော်စံရှားလေးမှ သင်တန်းဆင်းမိန့်ခွန်းပြောကြားခြင်းနှင့် မဟာမိတ် ခေါင်းဆောင်များမှ ဂုဏ်ပြုအားပေးစကားများ ပြောကြားခဲ့ကြသည်။ ထို့နောက် ထူးချွန်ရဲဘော်များအား ဆုချီးမြှင့်ခြင်းနှင့် ရဲဘော်များမှ တက်ရောက်လာသောခေါင်းဆောင်များအား စစ်ရေးပြဖြင့် လှည့်လည်အလေးပြုခဲ့ကြပြီး ဒုတိယပိုင်းတွင် စစ်ဆင်ရေး သရုပ်ပြမှုများဆောင်ရွက်ခဲ့ကြကာ သင်တန်းဆင်းပွဲ အောင်မြင်စွာပြီးဆုံးခဲ့သည်။

သင်တန်းသားအရေအတွက် ၂၅၀ ဦးဖြစ်ပြီး၊ ခန္ဓာကိုယ်နှင့် စိတ်ဓာတ်ပိုင်းကြံ့ခိုင်မှု၊ အခြေခံစစ်ပညာများနှင့် အထူးစစ်ဆင်ရေးဘာသာရပ်များအား KNLA နည်းပြများ၊ SOF သင်တန်းနည်းပြများနှင့် US မရိမ်းသင်တန်းဆရာဟောင်း (မြန်မာနိုင်ငံသား) များ၏ နည်းစနစ်များ၊ လမ်းညွှန်ကွပ်ကဲမှုများဖြင့် လက်တွေ့ပစ်ခတ်မှုအများဆုံးနှင့် အကောင်းဆုံး လေ့ကျင့်ခဲ့ကြသော အထူးတပ်ဖွဲ့ဝင်များအဖြစ် အချိန် (၄လခွဲ) ကြာသည်အထိ စနစ်တကျ လေ့ကျင့် မွေးထုတ်ပေးခဲ့ခြင်းဖြစ်သည်။

သင်တန်းဆင်း ရဲဘော်များအနေဖြင့် ရန်ကုန်၊ ပဲခူး၊ တနင်္သာရီနှင့် မွန်ပြည်နယ်စစ်ဆင်ရေးများတွင် သက်ဆိုင်ရာ စစ်ကြောင်း/တပ်ရင်းအလိုက် အထူးစစ်ဆင်ရေးတာဝန်များထမ်းဆောင်သွားရမည်ဖြစ်သည်။ ထို့အပြင်၂၀၂၅ စစ်ရေးအရှိန်မြှင့်ဆောင်ရွက်ရန် အထူးစစ်ဆင်ရေးသင်တန်းဆင်းရဲဘော်များဖြင့် အထူးတပ်ဖွဲ့ (တပ်ရင်း) များ တိုးချဲ့ဖွဲ့စည်းသွားမည်ဖြစ်ပြီး အဆုံးသတ်တိုက်ပွဲအတွက် ပါဝင်လိုသော လူငယ်/လူရွယ်၊ အမျိုးသား/အမျိုးသမီးများအား အပတ်စဥ် (၈) အတွက် သင်တန်းသားများ လက်ခံနေပြီဖြစ်ကြောင်းနှင့် SOF တပ်ဖွဲ့ဝင်ရန်နှင့် သင်တန်းတက်ရောက်လိုသူများအနေဖြင့် SOF - Facebook Page messenger တွင် ဆက်သွယ်နိုင်ပါကြောင်း လေးစားစွာ အသိပေးထုတ်ပြန်အပ်ပါသည်။

အရေးတော်ပုံ အောင်ရမည်။

#အထူးစစ်ဆင်ရေးတပ်ဖွဲ့ - SOF
#တောင်ပိုင်းစစ်ဒေသ
#ပြည်သူ့ကာကွယ်ရေးတပ်မတော်