“အထူးစစ်ဆင်ရေးတပ်ဖွဲ့ (Special Operation Force - SOF) တောင်ပိုင်းစစ်ဒေသအကြောင်း”

တပ်ဖွဲ့မှူး ရဲဘော်အောင်စံရှားနှင့် တွေ့ဆုံ မေးမြန်းချက်
(Exclusive Interview)/ MOD

SOF ဘယ်လို ဖွဲ့စည်း ပေါ်ပေါက်လာလဲ-?

SOF တပ်ဖွဲ့ကို KNU တပ်မဟာ (၆) ၊ တပ်ရင်း (၁၈) နယ်မြေအတွင်းမှာ ပြုလုပ်တဲ့ ပထမဆုံး PDF အပတ်စဥ် (၁) ကနေ အထူးရွေးထုတ်ထားတဲ့ ကွန်မန်ဒိုရဲဘော် (၄၁) ဦးနဲ့ စနိုက်ပါရဲဘော် (၁၃) ဦးကို အခြေတည်ပြီး စတင်ဖွဲ့စည်းခဲ့တာပါ၊ ပြီးတော့ အပတ်စဥ် (၂) က အထူးချေမှုန်းရေးသမားတွေ၊ အထူးလက်ဖြောင့်တွေနဲ့ ပူးပေါင်းပြီး အထူးစစ်ဆင်ရေးသင်တန်း အပတ်စဥ် (၁) အနေနဲ့ အတူတကွစုစည်းပြီး မွန်းမံသင်တန်းပေးခဲ့ပါတယ်၊ သင်တန်းပြီးတာနဲ့ တပ်ဖွဲ့ဝင်အင်အား (၁၇၀) ဦးနဲ့ တပ်ရင်းတရင်း စတင် ဖွဲ့စည်းနိုင်ခဲ့ပါတယ်။

၂၀၂၁ ဇူလိုင်လ (၂၁) ရက်နေ့မှာ MOD တောင်ပိုင်း စစ်ဒေသကွပ်ကဲရေးအဖွဲ့က အတည်ပြုပေးခဲ့ပြီး စစ်ဆင်ရေးအတွက် စတင် ပြင်ဆင်ခဲ့ပါတယ်။ ပထမဆုံး စစ်ဆင်ရေးကတော့ ပြည်သူ့ခုခံတွန်းလှန်စစ် စတင်မယ့် စက်တင်ဘာလ (၇) ရက်နေ့ပါ။ ပြည်သူ့ခုခံတွန်းလှန်စစ် စတင်တာနဲ့ မြို့ပြ ပျံလွှားအောင်စစ်ဆင်ရေးအနေနဲ့ ရန်ကုန်၊ ဧရာဝတီနဲ့ မွန်ပြည်နယ်မှာ စစ်ကောင်စီရဲ့ ဂိတ်တွေ၊ စခန်းတွေကို စတင် တိုက်ခိုက်ခဲ့ကြပါတယ်။ အဲဒီတုန်းကတည်းက တပ်ရင်းမှူးအနေနဲ့ တာဝန်ပေးခြင်းခံရပြီး တပ်ရင်းတရင်းလုံး မြို့ပေါ်မှာ UG တွေ လုပ်ခဲ့ကြတာပါ။ အဲဒီအချိန်က ရန်ကုန်မှာ ပထမဆုံး သေနတ်ဖောက်ခဲ့တာ SOF တပ်ဖွဲ့ပါ။ ဒါတွေက သတင်း လုံးဝမထုတ်ဘဲ နောက်မှ (တနှစ်ကျော်ကျော်လောက်မှ) SOF ဆိုပြီး ထုတ်ပြန်ခဲ့တာပါ။

SOF တပ်ဖွဲ့ဝင်ဖြစ်ဖို့ ဘယ်လိုလေ့ကျင့်ယူသလဲ-?

SOF တပ်ဖွဲ့ဝင်တယောက် ဖြစ်တဲ့အထိဆို သင်တန်းချိန် လေးလခွဲအထိ အချိန်ပေးရပါတယ်။ အ​​ခြေခံစစ်ပညာ တလခွဲ၊ အဲဒီတလခွဲမှာတော့ (အခြေခံစစ် ရေးပြ/လက်နက်ပိုင်းဆိုင်ရာ/ခံစစ် - ခွါစစ် - တိုက်စစ် - ချီစစ် စတဲ့ ကျေးလက်စစ်ဆင်ရေးနဲ့ပတ်သက်တဲ့ ချေမှုန်းရေးကို အဓိကသင်ပါတယ်။ ပြီးတော့ ကိုယ်စီ - ၁၈ ကို Class နဲ့သင်ရပါတယ်။ အဲဒီမှာ ရဲဘော်တွေ အခြေခံထားရှိရမယ့် စံတန်ဖိုးတွေ၊ စိတ်ဓာတ်ပိုင်းဆိုင်ရာနဲ့ စစ်စည်းကမ်းကျင့်ဝတ်တွေလည်း ပါပါတယ်။

အထူးစစ်ဆင်ရေး လေ့ကျင့်ရေးကာလက နှစ်လလောက်ကြာပါတယ်။ Physical Training၊ လက်နက်မျိုးစုံ ကျွမ်းကျင်မှု Drill တွေလည်း များများလေ့ကျင့်ရတယ်။ လက်နက်အမျိုးမျိုးနဲ့ ကျည်အစစ်တွေသုံးပြီး လက်တွေ့ပစ်ခတ်မှု များများလုပ်ရတယ်။ မြို့တွင်းစစ်ဆင်ရေးနဲ့ပတ်သက်ပြီး Drill တခုချင်းစီကို Team, Squard, Platoon အလိုက် စစ်ကြောင်းအလိုက် လက်တွေ့လုပ်ရတယ်။ အကြမ်းဖျက်မှုတိုက်ဖျက်ရေးနဲ့ ပတ်သက်တဲ့ စစ်ဆင်ရေးပုံစံတွေ၊ VIP Protection တွေ များများလေ့ကျင့်ရပါတယ်။ စိတ်ဓာတ်ပိုင်းကတော့ အမြင့်ဆုံး အမာဆုံး ရတဲ့အထိ Train ပါတယ်။ အဲဒီအပိုင်းကို နိုင်ငံကြီးတခုရဲ့ မရိန်းတပ်ဖွဲ့ဝင်ဟောင်း ချင်းအမျိုးသား သင်တန်းဆရာတွေက လေ့ကျင့်ပေးပါတယ်။

မွမ်းမံကာလက တလလောက် ထပ်အချိန်ပေးရပါတယ်။ အဲဒီမှာ တယောက်ချင်းကို Specialist အနေနဲ့ (လက်ဖြောင့်၊ လက်နက်ကြီး၊ ​ဖောက်ခွဲရေး၊ ဒရုန်း၊ ဆေး၊ ဆက်သွယ်ရေး၊ ထောက်လှမ်းရေး) စတာတွေ သင်ရပါတယ်။

လေ့ကျင့်ရေးအားလုံး ပြီးတဲ့အချိန်မှာ သက်ဆိုင်ရာ ကျွမ်းကျင်မှုအလိုက် Sector တခုချင်းစီ ရွေးထုတ်တာဝန်ပေးပြီး စုဖွဲ့မှု တခါတည်းလုပ်နိုင်တယ်။ အတွေ့အကြုံ လုံးဝမရှိသည့်တိုင် SOF သင်တန်း အားလုံးပြီးပြီဆိုတာနဲ့ စစ်သည်တော်ကောင်းတယောက်ကို ရလိုက်သလို၊ အကောင်းဆုံး Special Agent တယောက်စီကို ရလိုက်သလိုပါပဲ။ ရဲဘော်တွေရဲ့ ကိုယ့်ကိုယ်ကို ယုံကြည်မှုနဲ့ စွမ်းရည်အမြင့်ဆုံး စစ်သည်တော်တယောက် ဖြစ်ပြီဆိုတာ အပြည့် အဝ အာမခံနိုင်ပါတယ်။ အဲဒါမှ SOF သင်တန်းဆင်း စစ်စစ်ပါ။

တိုက်ပွဲအတွေ့အကြုံ ဘာတွေရှိပြီလဲ-?

တိုက်ပွဲအတွေ့အကြုံကတော့ SOF အနေနဲ့ ပြည်သူ့ခုခံတွန်းလှန်စစ် စတင်ကတည်းက မြို့ပြစစ်ဆင်ရေးတွေဖြစ်တဲ့ "ပျံလွှားအောင်" "နန်းထိုက်အောင်" စတဲ့ တောင်ပိုင်းစစ်ဆင်ရေးဌာနမှူးရဲ့ တာဝန်ပေးချက်အရ ရန်ကုန်၊ ဧရာဝတီ၊ မွန်ပြည်နယ်တွေမှာ မြို့ပြစစ်ဆင်ရေးတွေ အများကြီးလုပ်ခဲ့ပါတယ်။ အဲဒီတုန်းက ဘယ်မှာမှ ကျည်မဖောက်သေးတဲ့အချိန် ရန်ကုန်၊ လှိုင်သာယာဘုရားလမ်း မီးပွိုင့်က စစ်ကောင်စီဂိတ်ကို ကျနော်တို့ ဝင်ရောက် ချေမှုန်းနိုင်ခဲ့တယ်။ ပြီးတော့ "ဗားဂရာက ရွှေလက်ပိုင်ရှင်လို့ နာမည်ကြီးတဲ့ စစ်ဆင်ရေး"၊ သန်လျင်တံတားထိပ်က ဂိတ်တွေ၊ လှိုင်သာယာ ထန်းတပင်ဂိတ် တိုက်ခိုက်မှုတွေ၊ ဗိုလ်တထောင်၊ စမ်းချောင်း မစ်ရှင်တွေ၊ ကွမ်းခြံကုန်း night mission တွေလည်းလုပ်ခဲ့တယ်။

ဗဟန်းအရာရှိရိပ်သာဂိတ်၊ မြောက်ဒဂုံ ရဲကင်း၊ အင်းစိန် အကျဥ်းဦးစီးအရာရှိ လိုင်းခန်းတွေ။ ဧရာဝတီမှာဆိုလည်း စစ်​ကောင်စီ ဝန်ကြီးချုပ်ယာဥ်တန်း တိုက်ခိုက်တာတွေ လုပ်နိုင်ခဲ့တယ်။ မွန်ပြည်နယ်မှာလည်း မော်လမြိုင်၊ ပေါင်၊ ဇင်းကျိုက်မှာ စကစ ရဲစခန်းတွေ၊ ပျူစောထီးစခန်းတွေ ဝင်တိုက်ပြီး လက်နက်တွေပါ သိမ်းဆည်းနိုင်တယ်။ ဒါတွေအားလုံးကလည်း SOF လို့ လူသိနည်းပါတယ်။ သတင်းလည်းမထုတ်ခဲ့ပါဘူး၊ အဲဒီတုန်းက။

မြို့ပြစစ်ဆင်ရေးအပြီး တပ်မဟာ (၆) ထဲမှာ စစ်ကြောင်းစုဖွဲ့ပြီး တပ်မဟာ (၄) ရေး ဘက်မှာ ပထမဆုံးစစ်ကြောင်းအနေနဲ့ ကျေးလက်စစ်ဆင်ရေးတွေ စခဲ့ပါတယ်။

မှတ်မှတ်ရရ စခန်းသိမ်းပွဲတွေဆိုရင် -
- ဘုရားသုံးဆူမြို့ ဘုရားတောင်စခန်းသိမ်းပွဲ၊
- ကျိုက်မရောမြို့ တောင်ကလေးစခန်းသိမ်းပွဲ၊
- ကွီလုံတိုင်/တောင်စွန်း စခန်းသိမ်းပွဲတွေဆိုရင် ကိုယ်တိုင် plan ဆွဲ၊ ကိုယ်တိုင်ဦးဆောင်ပြီး ရှေ့ကလုပ်နိုင်ခဲ့တယ်။ အောင်မြင်မှုတွေလည်းရခဲ့ပါတယ်။

ပြီးခဲ့တဲ့လကလည်း ကော့ကရိတ် တောင်ကြာအင်း စခန်းသိမ်းပွဲတခု ထပ်လုပ်နိုင်ခဲ့တယ်။ လက်နက်တွေရော စစ်သုံ့ပန်းတွေရော ရခဲ့တယ်။ နယ်စပ်အထိုင်စခန်းတွေဖြစ်တဲ့ တောင်စွန်း၊ ကွီလုံတိုင် စခန်းသိမ်းပွဲတွေလည်း ဦးဆောင်ခဲ့ရပါတယ်။ ကြာအင်းဆိပ်ကြီး မြို့တွင်းစစ်ဆင်ရေးတွေလည်း ဦးဆောင်လုပ်ခဲ့တာပဲ။

ခု အာရှလမ်း ထိန်းချုပ်စိုးမိုးရေးနဲ့ ကော့ကရိတ် မြို့တွင်းတိုက်ပွဲတွေမှာလည်း သေချာ ကွပ်ကဲဆောင်ရွက်နေပါတယ်။ မကြာခင် ထပ်ပြီး အောင်မြင်မှုသတင်းကောင်းတွေ ချပြနိုင်တော့မှာပါ။

ကရင်ပြည်နယ်မှာဆို အထူးသဖြင့် တပ်မဟာ (၆) မှာရှိတဲ့ စစ်ကောင်စီ အထိုင်စခန်းအားလုံးနီးပါး ကျနော်တို့ တိုက်ပါတယ်။ စခန်းသိမ်းလိုက်နိုင်တာနဲ့ မသိမ်းလိုက်နိုင်တာပဲရှိပါတယ်။ ဒီနေ့အထိ စခန်းငါးခု သိမ်းနိုင်ခဲ့တယ်။ စစ်ကြောင်းဖြတ်တောက်တဲ့ ပွဲတွေမှာလည်း ချောင်းနှစ်ခွမှာဆို လက်နက် ၈၀ လောက် သိမ်းဆည်းနိုင်ခဲ့တယ်။ မကြာခနပဲ စကစ စစ်ကြောင်းတွေကို ပိတ်ဆို့ချေမှုန်းနိုင်ခဲ့ပါတယ်။

ရှေ့ဆက်ပြီး ဘာတွေလုပ်သွားမလဲ-?

ရှေ့လုပ်မယ့်အစီအစဥ်ကတော့ မဟာဗျူဟာအတိုင်းဆို ကျနော်တို့က မြို့သိမ်းပွဲတွေပဲ အဓိက လုပ်ရတော့မှာပါ။ တိုင်းရင်းသားလူမျိုးစုတွေအတွက်လည်း လွတ်လပ်စွာ နယ်မြေစိုးမိုးမှု အပြည့်အဝရပြီးတာနဲ့ အခက်ခဲဆုံး၊ အကြမ်းဆုံးဖြစ်တဲ့ မန္တလေး၊ နေပြည်တော်၊ ရန်ကုန် မြို့တွင်းတိုက်ပွဲတွေပဲ အဓိကလုပ်ရတော့မှာပါ။

ကျနော်တို့က ရန်ကုန်ကို ဦးတည်တိုက်မှာပါ။ ရန်ကုန်ကတော့ ကျနော်တို့ တိုက်ကိုတိုက်ရမယ့် မြို့ပါ။ ပဲခူး၊ ဧရာဝတီလည်းပါတာပေါ့။ "လမ်းများအားလုံးနေပြည်တော်သို့" ဆိုတာတွေ၊ "ရန်ကုန်မှာ ပြန်ဆုံမယ်" ဆိုတာတွေက လေပေါ် တိုက်အိမ်ဆောက်နေတာ မဟုတ်ဘဲ မြေပြင်မှာ တကယ်အ ကောင်အထည်ပေါ်လာပြီဆိုတာ အားလုံးအသိပါ။

အခုလည်း ကျနော်တို့ တပ်အင်အားကို နှစ်ဆတိုးနေပါတယ်။ လက်နက်ခဲယမ်း လိုအပ်ချက်ရှိသေးပေမယ့် ပြည်သူတွေရဲ့ ကူညီထောက်ပံ့မှုတွေ၊ ကျနော်တို့ တိုက်ပြီး သိမ်းထားတာတွေနဲ့က တဖြည်းဖြည်း အင်အား ပိုခိုင်မာလာပါပြီ။

ပြည်သူတွေကူညီတဲ့ ရန်ပုံငွေကနေ ခဲယမ်းရလာတာနဲ့ ကျနော်တို့ စွန့်ပြီး ရှေ့တိုးတိုက်ဖို့ အသင့်ပါ။ အဲဒါ ကျနော်တို့ ရှေ့ဆက်လုပ်မယ့် အစီအစဥ်ပဲ။ လမ်းပြမြေပုံ (Road Map) က ရှိပြီးသားပါ။ ကျေးလက်တွေကို ထိန်းချုပ်၊ လမ်းတွေစိုးမိုးပြီး မြို့တွေသိမ်းဖို့ပါ။ တချို့မြို့တွေကို မသိမ်းဘဲ ပိတ်ဆို့ထားလို့ရတယ်။ တပ်ပေါင်းစုပုံစံနဲ့ ညီညီညာညာလုပ်သွားဖို့နဲ့ ပြည်သူ့အားကို ကိုးစားပြီး ကြိုးစားသွားမှာပါ။ အဓိကကတော့ စကစရဲ့ အုပ်ချုပ်ရေး၊ စီးပွား​​ရေးထောက်တိုင်တွေ အခိုင်အမာရှိနေသေးတဲ့ မန္တလေး၊ ရန်ကုန်နဲ့ နေပြည်တော်ကိုပဲ ဦးတည်တိုက်သွားမှာပါ။

The Call-ခေါ်သံ အွန်လိုင်းမဂ္ဂဇင်း၏ ခွင့်ပြုချက်ဖြင့် ပြန်လည် ဖော်ပြအပ်ပါသည်။

#SOF
#ExclusiveInterview
#TheCall
#ခေါ်သံ

source - MOD
#အထူးစစ်ဆင်ရေးတပ်ဖွဲ့
#တောင်ပိုင်းစစ်ဒေသ
#ပြည်သူ့ကာကွယ်ရေးတပ်မတော်
#ကာကွယ်ရေးဝန်ကြီးဌာန
#အမျိုးသားညီညွတ်ရေးအစိုးရ

တိုက်ပွဲသတင်းထုတ်ပြန်ချက်
-----------------------
မတ်လ ၂၀ ရက်၊ ၂၀၂၄။

KNLA နှင့် အမျိုးသားညီညွတ်ရေးအစိုးရ၊ တောင်ပိုင်းစစ်ဒေသ၊ အထူးစစ်ဆင်ရေးတပ်ဖွဲ့ - SOF (P29999/အထူးတပ်ဖွဲ့) သည် မတ်လ (၁၉) ရက်နေ့တွင် KNU တပ်မဟာ (၆) နယ်မြေ၊ ကျိုက်ဒုံမြို့နယ်ရှိ မဲသရောထစခန်းကုန်းအား  တိုက်ခိုက်သိမ်းပိုက်ပြီး လက်နက်ခဲယမ်းများ သိမ်းဆည်းနိုင်ခဲ့သည်။

ရန်သူအကြမ်းဖက်စစ်တပ်၏ စကခ (၁၉) လက်အောက်ခံ ခမရ ၅၅၇/၅၅၈ တပ်သားများအထိုင်ချတပ်စွဲထားသော မဲသရောထ စခန်းကုန်းအား မတ်လ (၁၅) ရက်နေ့မှစ၍  ပိတ်ဆို့တိုက်ခိုက်ခဲ့ပြီး ည ၁၀း၃၀ နာရီတွင် တပ်ကြပ်ကြီး သက်နိုင်ဦးသည် MA4 ပူးတွဲသေနတ်(၁)လက်၊ ၄၀မမဗုံးသီး (၁၀) လုံး၊ ၅.၅၆ ကျည် (၂၀၀) တောင့်နှင့် လက်နက်ချအညံ့ခံလာခဲ့သည်။

မတ်လ (၁၈) ရက်နေ့တွင် KNLA နှင့် SOF ချေမှုန်းရေးတပ်ဖွဲ့မှ ရန်သူ့စခန်းကုန်းအား ထိုးစစ်ဆင်၍ တက်ရောက်ရှင်းလင်းခဲ့ရာ ရန်သူစစ်ကောင်စီတပ်သားများ စခန်းစွန့်ခွာ ထွက်ပြေးသွားသောကြောင့် စခန်းကုန်းအား မီးရှို့ရှင်းလင်းခဲ့သည်။ ထို့နောက် မတ်လ (၁၉) ရက်နေ့တွင် ရန်သူများထပ်မံအချေချတပ်စွဲထားသည့် ဂျိုးဖြူချက်ပွိုင့် တောင်ကုန်းအားပိတ်ဆို့၍ ထပ်မံတိုက်ခိုက်ချေမှုန်းခဲ့ရာ တနေကုန်တိုက်ပွဲပြင်းထန်ခဲ့ပြီး ညနေ (၄း၁၅) နာရီတွင် စခန်းကုန်းအား သိမ်းဆည်းနိုင်ခဲ့သည်။

၄င်းတိုက်ပွဲတွင်  ရန်သူသေဆုံးရုပ်အလောင်း ၅ လောင်းနှင့် လက်နက်ကြီးလက်နက်ငယ် စုစုပေါင်း (၆၁) လက်နှင့် ခဲယမ်းများစွာ သိမ်းဆည်းရမိခဲ့သည်။ ကျန်ရှိနေသာ စစ်ကောင်စီတပ်သား (၅၀) ဦးခန့်မှာ ထိုင်းနိုင်ငံဘက်ခြမ်း ပိုင်ခလိုင်ရွာဘက်သို့ ထိခိုက်ဒဏ်ရာများစွာဖြင့် ဆုတ်ခွာထွက်ပြေးခဲ့သည်။ KNLA နှင့် SOF မှရဲဘော်များ အထိအခိုက်မရှိပဲ နယ်မြေရှင်းလင်းရေးလုပ်ငန်းများ ဆက်လက်ဆောင်ရွက်ခဲ့ပြီး ၄င်းမြန်မာနိုင်ငံဘက်ခြမ်း နယ်စပ်တလျှောက်အား နယ်မြေစိုးမိုးထားကြောင်း ပြည်သူသို့ လေးစားစွာ အသိပေးထုတ်ပြန်အပ်ပါသည်။

[[ SOF တပ်ဖွဲ့သို့ တပ်ဖွဲ့ဝင်အဖြစ် ဆက်သွယ်ဝင်ရောက်လိုပါက facebook messenger 👇👇👇
https://www.facebook.com/profile.php?id=61555478890383&mibextid=kFxxJD
SOF စစ်ကြောင်း(၁)၏ facebook Link 👇
https://www.facebook.com/profile.php?id=61557324863033&mibextid=JRoKGi
SOF စစ်ကြောင်း (၂)၏ facebook link 👇
https://www.facebook.com/profile.php?id=61556994905645&mibextid=kFxxJD
သတင်း၊ ဓာတ်ပုံနှင့် ရုပ်သံမှတ်တမ်းများ👇👇👇
S.O.F ၏ telegram link 👇https://t.me/sof220211
S.O.F ၏ youtube link 👇 https://youtube.com/@-s.o.f?si=NivWytZ6mzhDdbkP] ]]

#အထူးစစ်ဆင်ရေးတပ်ဖွဲ့ - SOF
#P29999 - အထူးတပ်ဖွဲ့
#တောင်ပိုင်းစစ်ဒေသ
#ပြည်သူ့ကာကွယ်ရေးတပ်မတော် (MOD)

မဲသရောထ စခန်းကုန်းရှင်းလင်းရေးလုပ်နေစဥ် SOF စစ်ကြောင်း (၁) ဆက်သွယ်ရေးရဲဘော်များမှ  မင်းအောင်လှိုင်အား ဆက်သွယ်အကြောင်းကြားခဲ့📞📞😁😂

ကွီလုံတိုင်စခန်း၊ မဲသရောထစခန်းနှင့် ရေသရောက်စခန်းများအား တိုက်ခိုက်သိမ်းပိုက်ခြင်း
-----------------------
မတ်လ ၂၃ ရက်၊ ၂၀၂၄။

KNLA နှင့် အထူးစစ်ဆင်ရေးတပ်ဖွဲ့ - SOF (P29999/အထူးတပ်ဖွဲ့) နှင့်  ဒရုန်းပူးပေါင်းတပ်ဖွဲ့များသည်  KNU တပ်မဟာ (၆) အတွင်းရှိ စစ်ကောင်စီ၏ နယ်စပ်အထိုင်စခန်းများဖြစ်သော ကွီလုံတိုင်စခန်း၊ မဲသရောထစခန်းနှင့် ရေသလျှောက်စခန်းများ၏ စစ်ကူနှင့် ရိက္ခာပို့စစ်ကြောင်းများအား ဆက်တိုက် ဖြတ်တောက် တိုက်ခိုက်ခဲ့သည်။

ကွီလုံတိုင်စခန်းအား (၂.၁၁.၂၀၂၃) ရက်နေ့တွင် တက်ရောက်ချေမှုန်းခဲ့ပြီး ရန်သူဘက်မှ (၄) ဦးသေဆုံးကာ စခန်းစွန့်ခွာထွက်ပြေးသွားကြသည်။ ထွက်ပြေးသည့်စစ်သားများအား လိုက်လံချေမှုန်းစဥ် MA2အမျိုးအစား သေနတ်(၁) လက်နှင့် MA1 အမျိုးအစား သေနတ် (၁) လက်ရရှိခဲ့သည်။ ၄င်းတပ်သားများသည် ရေသရောက် စခန်းသို့ ပူးပေါင်းသွားခဲ့သည်။ (၄.၁၁.၂၀၂၃) ရက်နေ့တွင် KNLA နှင့် SOF တပ်ဖွဲ့မှနယ်မြေရှင်းလင်းရေးလုပ်ငန်းများဆောင်ရွက်ကာ ၄င်းစခန်းအား စိုးမိုးထိမ်းချုပ်နိုင်ခဲ့သည်။

မဲသရောထစခန်းနှင့် ရေသလျှောက်စခန်းများအား (၁၄.၃.၂၀၂၄) ရက်မှ စတင်ထိုးစစ်ဆင်တိုက်ခိုက်ခဲပြီး (၁၉.၃.၂၀၂၄) ရက်နေ့တွင် မဲသရောထအထိုင်စခန်းအား အပြီးတိုင် တိုက်ခိုက်သိမ်းပိုက်ကာ လက်နက်ခဲယမ်းများပါ သိမ်းဆည်းနိုင်ခဲ့သည်။

၄င်းအား နယ်မြေရှင်းလင်းရေးနှင့် လုံခြုံရေးလုပ်ငန်းများလုပ်ဆောင်နေစဥ် (၂၀.၃.၂၀၂၄) ရက်နေ့ ည(၁၀း၀၀) နာရီခန့်အချိန်တွင်  ရေသရောက်စခန်းမှ စစ်ကောင်စီတပ်သားများ စခန်းစွန့်ခွာ၍ ထိခိုက်ဒဏ်ရာများစွာဖြင့် ထိုင်းနိုင်ငံဘက်ခြမ်းသို့ ထပ်မံထွက်ပြေးသွားခဲ့သည်။ (၂၁.၃.၂၀၂၄) နေ့တွင် မိုင်းရှင်းလင်းရေးလုပ်ငန်းများ လုပ်ဆောင်ခဲ့ပြီး ၄င်းစခန်းများ၏ နယ်စပ်တလျှောက် KNLA နှင့် S.O.F တော်လှန်ရေးတပ်ဖွဲ့များမှ စိုးမိုးထိမ်းချုပ်ထားနိုင်ခဲ့ပြီဖြစ်ကြောင်း ပြည်သူသို့ လေးစားစွာ အသိပေးထုတ်ပြန်အပ်ပါသည်။

[[ SOF တပ်ဖွဲ့သို့ တပ်ဖွဲ့ဝင်အဖြစ် ဆက်သွယ်ဝင်ရောက်လိုပါက facebook messenger 👇👇👇
https://www.facebook.com/profile.php?id=61555478890383&mibextid=kFxxJD
SOF စစ်ကြောင်း(၁)၏ facebook Link 👇
https://www.facebook.com/profile.php?id=61557324863033&mibextid=JRoKGi
SOF စစ်ကြောင်း (၂)၏ facebook link 👇
https://www.facebook.com/profile.php?id=61556994905645&mibextid=kFxxJD
သတင်း၊ ဓာတ်ပုံနှင့် ရုပ်သံမှတ်တမ်းများ👇👇👇
S.O.F ၏ telegram link 👇https://t.me/sof220211
S.O.F ၏ youtube link 👇 https://youtube.com/@-s.o.f?si=NivWytZ6mzhDdbkP] ]]

#အထူးစစ်ဆင်ရေးတပ်ဖွဲ့ - SOF
#P29999 - အထူးတပ်ဖွဲ့
#တောင်ပိုင်းစစ်ဒေသ
#ပြည်သူ့ကာကွယ်ရေးတပ်မတော် (MOD)

အမှတ် - ၁ စစ်ဒေသ (မြောက်ပိုင်း) တွင် အထူးစစ်ဆင်ရေးသင်တန်းအောင်မြင်စွာပြီးဆုံး
---------------------------
မတ်လ ၂၃ ရက်၊ ၂၀၂၄ ခုနှစ်။

အမျိုးသားညီညွတ်ရေးအစိုးရ၊ ပြည်ထဲရေးဝန်ကြီးဌာန၊ အကြမ်းဖက်မှုတိုက်ဖျက်ရေးဗဟိုကော်မတီမှ အကြမ်းဖက်မှုနှိမ်နှင်းတိုက်ဖျက်ရေးလုပ်ငန်းများအတွက် အထူးတာဝန်ပေးဆောင်ရွက်ရမည့် SSTF - ပြည်သူ့ရဲတပ်ဖွဲ့ မှရဲဘော်များ၊ ပလဖ - မြို့နယ်ပြည်သူ့လုံခြုံရေးတပ်ဖွဲ့မှ ရဲဘော်များအား အထူးစစ်ဆင်ရေးသင်တန်းပေးခြင်း အောင်မြင်စွာပြီးဆုံးခဲ့ပြီဖြစ်သည်။

သင်တန်းအား အမျိုးသားညီညွတ်ရေးအစိုးရ၊ ကာကွယ်ရေးဝန်ကြီးဌာန၊ တောင်ပိုင်းစစ်ဒေသ၊ အထူးစစ်ဆင်ရေးတပ်ဖွဲ့ - SOF မှ သင်တန်းနည်းပြများ၊ မရိမ်းတပ်ဖွဲ့ဝင်ဟောင်း မြန်မာနိုင်ငံသားနည်းပြများ နှင့် SSTF မှနည်းပြအကူများက သုံးလကြာ လေ့ကျင့်သင်ကြားပေးခဲ့ပြီး သင်တန်းဆင်းပွဲကို (၁၈.၃.၂၀၂၄) ရက်နေ့တွင် မြောက်ပိုင်းစစ်ဒေသ လွတ်မြောက်တစ်နေရာ၌ ကျင်းပခဲ့သည်။

သင်တန်းဆင်းပွဲသို့ အမျိုးသားညီညွတ်ရေးအစိုးရ၊ ပြည်ထဲရေးနှင့် လူဝင်မှုကြီးကြပ်ရေးဝန်ကြီးဌာန၊ ပြည်သူ့ရဲတပ်ဖွဲ့မှ ရဲချုပ်၊ ဒုရဲချုပ်နှင့် SSTF ဒုဌာနကြီးမှူးများ၊ အထူးစစ်ဆင်ရေးတပ်ဖွဲ့ - SOF မှ သင်တန်းနည်းပြများတက်ရောက်၍ သင်တန်းဆင်း မိန့်ခွန်းများပြောကြားကာ သင်တန်းသားရဲဘော်များအား သင်တန်းဆင်းလက်မှတ်များ ပေးအပ်ချီးမြှင့်ခဲ့ကြသည်။

(ဓာတ်ပုံ - SSTF-People's Polic)
#အထူးစစ်ဆင်ရေးတပ်ဖွဲ့ - SOF
#တောင်ပိုင်းစစ်ဒေသ
#ပြည်သူ့ကာကွယ်ရေးတပ်မတော်