ကော့ကရိတ်ကို ၆၀ ရာခိုင်နှုန်းထိန်းလိုက်ပြီ (ရုပ်/သံ)

ဧရာဝတီ၊ ဖေဖော်ဝါရီ ၂၇၊ ၂၀၂၄

ထိုင်း-မြန်မာ နယ်စပ် အဓိကကုန်သွယ်ရေး လမ်းမကြီးပေါ်မှာရှိတဲ့ ကော့ကရိတ်မြို့ကို တော်လှန်ရေးပူးပေါင်းတပ်တွေက ရာခိုင်နှုန်းထက်ဝက်ကျော် သိမ်းယူလိုက်နိုင်ပြီဖြစ်တယ်လို့ တောင်ပိုင်းတိုင်း အထူးစစ်ဆင်ရေးတပ်ဖွဲ့ (S.O.F) တပ်ဖွဲ့မှူး အောင်စံရှား က ဧရာဝတီကို အတည်ပြုပါတယ်။

ကရင်အမျိုးသား လွတ်မြောက်ရေး တပ်မတော် (KNLA)၊ S.O.F နဲ့ ပြည်သူ့ကာကွယ်ရေးတပ်ဖွဲ့ (PDF) တွေ ပါဝင်တဲ့ တော်လှန်ရေးတပ်တွေဟာ ဒီစစ်ဆင်ရေးကို ၂၀၂၃ ဒီဇင်ဘာ လကုန်မှာကတည်းက စတင်ခဲ့တာဖြစ်ပြီး လက်ရှိမှာတော့ အမှတ် (၁၂) စစ်ဆင်ရေးကွပ်ကဲမှုဌာနချုပ် (စကခ) နဲ့ ခလရ ၉၇ တို့သာ ကျန်ရှိတော့တာဖြစ်ပါတယ်။

စစ်တပ်ဟာ မြို့ကျမသွားရေးအတွက် လက်နက်ကြီးတွေ၊ လေယာဉ်တွေနဲ့ ပစ်ခတ်တိုက်ခိုက်ခဲ့တာကြောင့် မြို့ပေါ်က အဆောက်အဦတွေနဲ့ လူနေအိမ်တွေ ထိခိုက်ပျက်စီးပြီး အရပ်သားသေဆုံးမှုတွေလည်း ရှိခဲ့ပါတယ်။

မြေပြင်အခြေအနေတွေနဲ့ ပတ်သက်ပြီး စစ်ဆင်ရေးမှာ ပါဝင်နေတဲ့ S.O.F အဖွဲ့ခေါင်းဆောင် အောင်စံရှား ကို ဧရာဝတီက ဆက်သွယ်မေးမြန်းထားတာဖြစ်ပါတယ်။

source - The Irrawaddy

ကော့ကရိတ် - သင်္ကန်းညီနောင် - မြဝတီ (အာရှလမ်းပိုင်း) စစ်ကြောင်းခရီးစဥ်လေးတင်ပေးလိုက်ပါတယ်။

တော်လှန်ရေးသီချင်းလေးတွေနားထောင်ရင်းပေါ့ 🎼🎧📽

#အောင်စံရှား
#SOF

မတ်လ ၃ ရက်၊ ၂၀၂၄။

အထူးစစ်ဆင်ရေးတပ်ဖွဲ့ - SOF ၏ တပ်ဖွဲ့မှုးနှင့်
ဦး ၊ ရေး ၊ ထောက် ၊ လှမ်း ၊ စစ်ဆင်ရေး ၊ လုံ - ရုံးလုပ်ငန်းအဖွဲ့များ ၊ တပ်ခွဲမှုးများ တွေ့ဆုံ အစည်းအဝေးကျင်းပခြင်း ဓာတ်ပုံမှတ်တမ်း။

Admin

သင်တန်းလေ့ကျင့်ရေး ရုပ်/သံ (အပိုင်း ၁)
---------------------
မတ်လ (၄) ရက်၊ ၂၀၂၄

အမျိုးသားညီညွတ်ရေးအစိုးရ၊ ကာကွယ်ရေးဝန်ကြီးဌာန၊
ပြည်သူ့ကာကွယ်ရေးတပ်မတော်၊
တောင်ပိုင်းစစ်ဒေသ၊
အထူးစစ်ဆင်ရေးတပ်ဖွဲ့ - SOF (P29999 - အထူးတပ်ဖွဲ့ ) ၏ သင်တန်းအပတ်စဥ် (၅) ၊
လေ့ကျင့်ရေး (Physical Training) မှတ်တမ်းရုပ်သံ - - - ။

SOF ၏ သတင်းထုတ်ပြန်ချက်များ၊ မှတ်တမ်း ဓာတ်ပုံနှင့် ရုပ်သံများအား အောက်ပါ facebook, youtube & telegram များတွင်လည်းဝင်ရောက်ကြည့်ရှုနိုင်ပါသည်။facebook link 👇
https://www.facebook.com/profile.php?id=61555478890383&mibextid=kFxxJD
telegram link 👇 https://t.me/sof220211
youtube link 👇 https://youtube.com/@-s.o.f?si=NivWytZ6mzhDdbkP]

#အထူးစစ်ဆင်ရေးတပ်ဖွဲ့
#SOF
#တောင်ပိုင်းစစ်ဒေသ
#ပြည်သူ့ကာကွယ်ရေးတပ်မတော်
#ကာကွယ်ရေးဝန်ကြီးဌာန
#အမျိုးသားညီညွတ်ရေးအစိုးရ

အထူးစစ်ဆင်ရေးတပ်ဖွဲ့ - S.O.F:
စစ်ကြောင်း (၁)
https://www.facebook.com/profile.php?id=61557324863033&mibextid=JRoKGi

အထူးစစ်ဆင်ရေးတပ်ဖွဲ့ - S.O.F:
စစ်ကြောင်း (၂)
https://www.facebook.com/profile.php?id=61556994905645&mibextid=kFxxJD

အပေါ်က SOF
စစ်ကြောင်း (၁) နဲ့ စစ်ကြောင်း (၂) facebook page တွေကို like & follow လေးလုပ်ပေးထားကြပါဦး။

"အထူးစစ်ဆင်ရေးတပ်ဖွဲ့ (Special Operation Force - SOF) တောင်ပိုင်းစစ်ဒေသအကြောင်း"

တပ်ဖွဲ့မှူး ရဲဘော်အောင်စံရှားနှင့် တွေ့ဆုံ မေးမြန်းချက် (Exclusive Interview)

'SOF ဘယ်လို ဖွဲ့စည်း ပေါ်ပေါက်လာလဲ'
SOF တပ်ဖွဲ့ကို KNU တပ်မဟာ (၆) ၊ တပ်ရင်း (၁၈) နယ်မြေအတွင်းမှာ ပြုလုပ်တဲ့ ပထမဆုံး PDF အပတ်စဥ် (၁) ကနေ အထူးရွေးထုတ်ထားတဲ့ ကွန်မန်ဒိုရဲဘော် (၄၁) ဦးနဲ့ စနိုက်ပါရဲဘော် (၁၃) ဦးကို အခြေတည်ပြီး စတင်ဖွဲ့စည်းခဲ့တာပါ၊ ပြီးတော့ အပတ်စဥ် (၂) က အထူးချေမှုန်းရေးသမားတွေ၊ အထူးလက်ဖြောင့်တွေနဲ့ ပူးပေါင်းပြီး အထူးစစ်ဆင်ရေးသင်တန်း အပတ်စဥ် (၁) အနေနဲ့ အတူတကွစုစည်းပြီး မွန်းမံသင်တန်းပေးခဲ့ပါတယ်၊ သင်တန်းပြီးတာနဲ့ တပ်ဖွဲ့ဝင်အင်အား (၁၇၀) ဦးနဲ့ တပ်ရင်းတရင်း စတင် ဖွဲ့စည်းနိုင်ခဲ့ပါတယ်။

၂၀၂၁ ဇူလိုင်လ (၂၁) ရက်နေ့မှာ MOD တောင်ပိုင်း စစ်ဒေသကွပ်ကဲရေးအဖွဲ့က အတည်ပြုပေးခဲ့ပြီး စစ်ဆင်ရေးအတွက် စတင် ပြင်ဆင်ခဲ့ပါတယ်။ ပထမဆုံး စစ်ဆင်ရေးကတော့ ပြည်သူ့ခုခံတွန်းလှန်စစ် စတင်မယ့် စက်တင်ဘာလ (၇) ရက်နေ့ပါ။ ပြည်သူ့ခုခံတွန်းလှန်စစ် စတင်တာနဲ့ မြို့ပြ ပျံလွှားအောင်စစ်ဆင်ရေးအနေနဲ့ ရန်ကုန်၊ ဧရာဝတီနဲ့ မွန်ပြည်နယ်မှာ စစ်ကောင်စီရဲ့ ဂိတ်တွေ၊ စခန်းတွေကို စတင် တိုက်ခိုက်ခဲ့ကြပါတယ်။ အဲဒီတုန်းကတည်းက တပ်ရင်းမှူးအနေနဲ့ တာဝန်ပေးခြင်းခံရပြီး တပ်ရင်းတရင်းလုံး မြို့ပေါ်မှာ UG တွေ လုပ်ခဲ့ကြတာပါ။ အဲဒီအချိန်က ရန်ကုန်မှာ ပထမဆုံး သေနတ်ဖောက်ခဲ့တာ SOF တပ်ဖွဲ့ပါ။ ဒါတွေက သတင်း လုံးဝမထုတ်ဘဲ နောက်မှ (တနှစ်ကျော်ကျော်လောက်မှ) SOF ဆိုပြီး ထုတ်ပြန်ခဲ့တာပါ။

'SOF တပ်ဖွဲ့ဝင်ဖြစ်လို့ ဘယ်လိုလေ့ကျင့်ယူသလဲ'
SOF တပ်ဖွဲ့ဝင်တယောက် ဖြစ်တဲ့အထိဆို သင်တန်းချိန် လေးလခွဲအထိ အချိန်ပေးရပါတယ်။ အ​​ခြေခံစစ်ပညာ တလခွဲ၊ အဲဒီတလခွဲမှာတော့ (အခြေခံစစ် ရေးပြ/လက်နက်ပိုင်းဆိုင်ရာ/ခံစစ် - ခွါစစ် - တိုက်စစ် - ချီစစ် စတဲ့ ကျေးလက်စစ်ဆင်ရေးနဲ့ပတ်သက်တဲ့ ချေမှုန်းရေးကို အဓိကသင်ပါတယ်။ ပြီးတော့ ကိုယ်စီ - ၁၈ ကို Class နဲ့သင်ရပါတယ်။ အဲဒီမှာ ရဲဘော်တွေ အခြေခံထားရှိရမယ့် စံတန်ဖိုးတွေ၊ စိတ်ဓာတ်ပိုင်းဆိုင်ရာနဲ့ စစ်စည်းကမ်းကျင့်ဝတ်တွေလည်း ပါပါတယ်။

အထူးစစ်ဆင်ရေး လေ့ကျင့်ရေးကာလက နှစ်လလောက်ကြာပါတယ်။ Physical Training၊ လက်နက်မျိုးစုံ ကျွမ်းကျင်မှု Drill တွေလည်း များများလေ့ကျင့်ရတယ်။ လက်နက်အမျိုးမျိုးနဲ့ ကျည်အစစ်တွေသုံးပြီး လက်တွေ့ပစ်ခတ်မှု များများလုပ်ရတယ်။ မြို့တွင်းစစ်ဆင်ရေးနဲ့ပတ်သက်ပြီး Drill တခုချင်းစီကို Team, Squard, Platoon အလိုက် စစ်ကြောင်းအလိုက် လက်တွေ့လုပ်ရတယ်။ အကြမ်းဖျက်မှုတိုက်ဖျက်ရေးနဲ့ ပတ်သက်တဲ့ စစ်ဆင်ရေးပုံစံတွေ၊ VIP Protection တွေ များများလေ့ကျင့်ရပါတယ်။ စိတ်ဓာတ်ပိုင်းကတော့ အမြင့်ဆုံး အမာဆုံး ရတဲ့အထိ Train ပါတယ်။ အဲဒီအပိုင်းကို နိုင်ငံကြီးတခုရဲ့ မရိန်းတပ်ဖွဲ့ဝင်ဟောင်း ချင်းအမျိုးသား သင်တန်းဆရာတွေက လေ့ကျင့်ပေးပါတယ်။

မွမ်းမံကာလက တလလောက် ထပ်အချိန်ပေးရပါတယ်။ အဲဒီမှာ တယောက်ချင်းကို Specialist အနေနဲ့ (လက်ဖြောင့်၊ လက်နက်ကြီး၊ ​ဖောက်ခွဲရေး၊ ဒရုန်း၊ ဆေး၊ ဆက်သွယ်ရေး၊ ထောက်လှမ်းရေး) စတာတွေ သင်ရပါတယ်။

လေ့ကျင့်ရေးအားလုံး ပြီးတဲ့အချိန်မှာ သက်ဆိုင်ရာ ကျွမ်းကျင်မှုအလိုက် Sector တခုချင်းစီ ရွေးထုတ်တာဝန်ပေးပြီး စုဖွဲ့မှု တခါတည်းလုပ်နိုင်တယ်။ အတွေ့အကြုံ လုံးဝမရှိသည့်တိုင် SOF သင်တန်း အားလုံးပြီးပြီဆိုတာနဲ့ စစ်သည်တော်ကောင်းတယောက်ကို ရလိုက်သလို၊ အကောင်းဆုံး Special Agent တယောက်စီကို ရလိုက်သလိုပါပဲ။ ရဲဘော်တွေရဲ့ ကိုယ့်ကိုယ်ကို ယုံကြည်မှုနဲ့ စွမ်းရည်အမြင့်ဆုံး စစ်သည်တော်တယောက် ဖြစ်ပြီဆိုတာ အပြည့် အဝ အာမခံနိုင်ပါတယ်။ အဲဒါမှ SOF သင်တန်းဆင်း စစ်စစ်ပါ။

'တိုက်ပွဲအတွေ့အကြုံ ဘာတွေရှိပြီလဲ'
တိုက်ပွဲအတွေ့အကြုံကတော့ SOF အနေနဲ့ ပြည်သူ့ခုခံတွန်းလှန်စစ် စတင်ကတည်းက မြို့ပြစစ်ဆင်ရေးတွေဖြစ်တဲ့ "ပျံလွှားအောင်" "နန်းထိုက်အောင်" စတဲ့ တောင်ပိုင်းစစ်ဆင်ရေးဌာနမှူးရဲ့ တာဝန်ပေးချက်အရ ရန်ကုန်၊ ဧရာဝတီ၊ မွန်ပြည်နယ်တွေမှာ မြို့ပြစစ်ဆင်ရေးတွေ အများကြီးလုပ်ခဲ့ပါတယ်။ အဲဒီတုန်းက ဘယ်မှာမှ ကျည်မဖောက်သေးတဲ့အချိန် ရန်ကုန်၊ လှိုင်သာယာဘုရားလမ်း မီးပွိုင့်က စစ်ကောင်စီဂိတ်ကို ကျနော်တို့ ဝင်ရောက် ချေမှုန်းနိုင်ခဲ့တယ်။ ပြီးတော့ "ဗားဂရာက ရွှေလက်ပိုင်ရှင်လို့ နာမည်ကြီးတဲ့ စစ်ဆင်ရေး"၊ သန်လျင်တံတားထိပ်က ဂိတ်တွေ၊ လှိုင်သာယာ ထန်းတပင်ဂိတ် တိုက်ခိုက်မှုတွေ၊ ဗိုလ်တထောင်၊ စမ်းချောင်း မစ်ရှင်တွေ၊ ကွမ်းခြံကုန်း night mission တွေလည်းလုပ်ခဲ့တယ်။

ဗဟန်းအရာရှိရိပ်သာဂိတ်၊ မြောက်ဒဂုံ ရဲကင်း၊ အင်းစိန် အကျဥ်းဦးစီးအရာရှိ လိုင်းခန်းတွေ။ ဧရာဝတီမှာဆိုလည်း စစ်​ကောင်စီ ဝန်ကြီးချုပ်ယာဥ်တန်း တိုက်ခိုက်တာတွေ လုပ်နိုင်ခဲ့တယ်။ မွန်ပြည်နယ်မှာလည်း မော်လမြိုင်၊ ပေါင်၊ ဇင်းကျိုက်မှာ စကစ ရဲစခန်းတွေ၊ ပျူစောထီးစခန်းတွေ ဝင်တိုက်ပြီး လက်နက်တွေပါ သိမ်းဆည်းနိုင်တယ်။ ဒါတွေအားလုံးကလည်း SOF လို့ လူသိနည်းပါတယ်။ သတင်းလည်းမထုတ်ခဲ့ပါဘူး၊ အဲဒီတုန်းက။