April-23

▪️ဘီးလင်းနယ်သတင်းပါ
=================

မွန်ပြည်နယ် ၊ ကျိုက်ထိုခရိုင် ၊ ဘီးလင်းမြို့နယ် ၊ ဇုတ်သုတ်ကျေးရွာအုပ်စု ၊ ဇုတ်သုတ်ရွာလေး မုခ်ဦးအဝတွင် ဦးမြင့်စိုး အသက် ( ၅၃) နှစ် ဗမာ/ဗုဒ္ဓအား( ၂၃ ၊ ၄ ၊ ၂၀၂၅) ရက်နေ့ နံနက် ( ၉: ၂၀) အချိန်က PDF အကြမ်းဖက်သမားများမှာလက်နက်ငယ်များဖြင့်လာရောက်ပစ်ခတ်သွားကြောင်းသိရသည်။ဇုတ်သုတ်ကျေးရွာအုပ်စုသည် PDF အကြမ်းဖက်သမား စိုးထိုက်သူ နှင့် ဖိုးဇော်လတ်တို့မှာ ဝင်ထွက်သွားလာ ကြပြီး လူသတ်မှုများအားအကြာခဏလုပ်ကြံ့သတ်ဖျတ်နေကြပြီး ဇုတ်သုတ်ကျေးရွာအတွင်းရှိ လယ်မြေများ အားခြံကွက်ရိုက်ရောင်းကြပြီး PDF ရန်ပုံငွေအတွက်ပေးနေကြရပြီး ချဲ့လောင်းကစားမှုများနှင့် တရားမဝင်လုပ်ငန်းများလုပ်ဆောင်ကြပြီး PDF အကြမ်းဖက်သမားများထံသို့ရောက်ရှိနေကြောင်းသိရသည်။ယနေ့နံနက် ဦးမြင့်စိုးအားလာရောက်လုပ်ကြံသတ်ဖျတ်သောPDF အကြမ်းဖက်သမားများသည် ဦးမြင့်စိုးအား ပစ်ခတ်ပြီးချိန်အထိ ဘယ်မှာမသွားပဲ ရှိနေပြီ အေးအေးဆေးဆေးနေပြီးမှာထွက်ခွာသွားကြောင်းသိရသည်။ ဇုတ်သုတ်ကျေးရွာသည် PDFများစိုးမိုးနေထိုင်နေကြပြီး ယခုအချိန်အထိ နယ်မြေရှင်းလင်းရေးမလုပ်ဆောင်သေးကြောင်းသတင်းပေးပို့လာပါတယ်။


▪️အမဲလိုက်မုဆိုးကြီး

April-23

▪️MAX ဘိလပ်မြေ တစ်အိပ် ၂၀၀၀၀ နှုံးဖြင့် နေပြည်တော် MAX ရုံး ( စည်ပင်ရိပ်သာရှေ့) တွင် ငလျင်ကြောင့် အမှန်တကယ်အိမ်ပြုပြင်လိုသူများအား ရောင်းချပေးလျှက်ရှိပြီး အသေးစိပ်သိလိုက MAX ရုံး ၀၉၉၆၉၉၂၇၉၁၇ သို့ ဆက်သွယ်မေးမြန်းနိုင်ကြောင်း သတင်းရရှိပါသည် ။

▪️KS

23.4.2025
နေပြည်တော် PDF (၈၀၁)တပ်ရင်း
ရဲဘော်အများအပြား နှုတ်ထွက်စာတင်
*****
၂၀၂၅ ၊ ဧပြီ၊ ၂၃ ရက်

အမျိုးသားညီညွတ်ရေးအစိုးရ(NUG)၊ ကာကွယ်ရေးဝန်ကြီးဌာန (MOD)၊ နေပြည်တော် PDF (၈၀၁)တပ်ရင်း ရဲဘော် အများအပြား နှုတ်ထွက်စာတင်ထားကြောင်း ရဲဘော်များက ပြောကြားသည်။

နေပြည်တော် PDF တပ်ရင်း (၈၀၁) ကရင်နီစစ်ဒေသရှိ တပ်ခွဲမှူး၊ စခန်းမှူး အပါအဝင် ရဲဘော် (၆၄)ဦးသည် ဧပြီလ (၁၀)ရက်နေ့တွင် အထက်အရာရှိများထံ နှုတ်ထွက်စာတင်ထားကြောင်း တပ်ခွဲမှူး တစ်ဦးက ပြောသည်။

" အဓိက က ရဲဘော်တွေ နှုတ်ထွက်ရတဲ့ရည်ရွယ်ချက်ကတော့ တပ်ရင်းမှူးနဲ့ တပ်ရေးဗိုလ်ကြီး ကို ဆင့်ခေါ်စာလဲ မလာ ဘာမှ မလာပဲနဲ့ ခိုင်မာတဲ့အကြောင်းပြချက်လဲ မရှိ။ လုပ်ကြံဇာတ်လမ်းနဲ့ ကြက်ကလေး ငှက်ကလေးဖမ်းသလို ဖမ်းသွားတယ်။ ဒီဟာကိုကြည့်ခြင်းအားဖြင့် တပ်ရင်းမှူးတစ်ယောက်တောင် ဒီလိုလုပ်တယ်။ ငါလူကြီးပါ ငါလုပ်တိုင်းရတယ်ဆိုပြီး လုပ်နေရင် ကျန်တဲ့ရဲဘော်တွေမှာ မလုံခြုံနိုင်တော့တဲ့ အတွက်ကို နှုတ်ထွက်ကြတာပါ " ဟု (၈၀၁)တပ်ရင်း တပ်ခွဲမှူးတစ်ဦးက ပြောကြားသည်။

နေပြည်တော် PDF (၈၀၁)တပ်ရင်းမှူး ရဲဘော်ကီနှင့် တပ်ရေးဗိုလ်ကြီးကို စစ်ဦးစီးအဖွဲ့က အထက်အရာရှိကို မထီမဲ့မြင်ပြုမှု၊ လက်နက်ကိုင် ချိန်းခြောက်မှု စွဲချက်များဖြင့် ဖမ်းဆီးပြီးနောက် ရဲဘော်များ ယခုလို နှုတ်ထွက်ရခြင်းဖြစ်သည်။

" တပ်ရင်းမှူးကို တခြား ကိစ္စတွေ အပြစ်ရှိရင် အရေးယူလို့ရတယ်။ ဒီလို ဖမ်းခေါ်သွားတဲ့ ကိစ္စမှာ ကျနော်တို့က အသိဆုံး သူတို့ ပြောသလို သေနတ်လဲ မောင်းမတင်ဘူး။ လက်နက်ကိုင်ပြီးလဲ မချိန်းခြောက်ဘူး။ ဒါက သက်သက် စွပ်စွဲချက်ပဲ ဖြစ်တယ် " ဟု ၄င်းက ဆိုသည်။

အဆိုပါ ကိစ္စနှင့် ပတ်သတ်၍ နေပြည်တော် PDF စစ်ဦးစီးချုပ် ဗိုလ်လကျာ်ကို ကရင်နီလူထုအသံအနေဖြင့် ဆက်သွယ်မေးမြန်းထားသော်လည်း ပြန်လည်ဖြေကြားခြင်း မရှိသေးပေ။

အခြား (၈၀၁) တပ်ရင်း ရဲဘော်တစ်ဦးကလည်း " ကျနော်က ရှင်းရှင်းလေးပါ။သူတို့ကအပြစ်မရှိတဲ့သူတစ်ယောက်(တပ်ရင်းမှူး)ကိုဖမ်းတယ်။အဲ့အတွက်ကြောင့်မလို့ ဆက်ပြီးတော့ တာဝန်မထမ်းဆောင်ချင်လို့ " ဟု ဆိုသည်။

အဆိုပါ ပြဿနာ အစမှာ မတ်လ ၂၉ရက်နေ့တွင် စစ်ထောက်ချုပ်ဖွင့်လှစ်ထားသော ဟော့ပေါ့စားသောက်ဆိုင်တွင် စစ်ဦးစီးအဖွဲ့ဝင် တစ်ဦးနှင့် စစ်ဦးစီးချုပ်လုံခြုံရေးအဖွဲ့ဝင် ရဲဘော်သီဟတို့ ထိုးကြိတ်ရန်ဖြစ်ခဲ့ပြီးနောက် ရဲဘော်သီဟက ၈၀၁ တပ်ရင်းမှူးကို လာရောက်ခေါ်ဆိုရာ ရဲဘော်များဖြင့် သွားရောက်ချိန်တွင် စစ်ဦးစီးချုပ်နှင့် စကားများ ရန်ဖြစ်ခဲ့ကြောင်း ၈၀၁ ရဲဘော်များက ရှင်းပြသည်။

ထို့နောက် ဧပြီလ (၃)ရက်နေ့ နံနက် (၁၀)နာရီခန့်တွင် နေပြည်တော် PDF (၈၀၁)တပ်ရင်းမှူး ရဲဘော်ကီနှင့် တပ်ရေးဗိုလ် မိုးလင်းကို စစ်ဦးစီးအဖွဲ့နှင့် ရဲဘော် အင်အား (၁၀၀)ခန့်သည် MOD ညွှန်ကြားချက်ဖြင့် လက်ထိပ်ခတ်၍ ဖမ်းဆီးခေါ်ဆောင်သွားပြီး စခန်းရှိ လက်နက်ခဲယမ်းအပါအဝင် အိုးခွက်ပန်းကန်များပါ သိမ်းဆည်းသွားကြောင်း ရဲဘော်များက တူညီစွာ ပြောဆိုကြသည်။

လက်ရှိအချိန်တွင် (၈၀၁)တပ်ရင်းမှူးကို နေပြည်တော် PDF တပ်ရင်းတစ်ခုတွင် အကျယ်ချုပ်ချထားပြီး ကျန်ရှိနေသေးသည့် တာဝန်များကို ဒုတပ်ရင်းမှူးထံ ယာယီလွှဲအပ်တာဝန်ပေးထားကြောင်း ဗိုလ်လကျာ်က ယခင် အင်တာဗျူးတွင် ပြောကြားထားသည်။

#Crd

သက်ဆိုင်ရာ တာဝန်ရှိလူကြီးမင်းများ သိရှိစေရန်...

#yyh

April-23

▪️ဒီရက်ပိုင်း တွေ့ရတဲ့  မီဒီယာတွေမှာ တရုတ်အကြောင်းက မပါမဖြစ် ရေးနေကြတာ တွေ့ရတယ်။ ငြိမ်းချမ်းရေး တည်ဆောက်ချိန်မှာ မလိုလားအပ်တာတွေ ဖြစ်မှာစိုးလို့ ကူမင်း ဆွေးနွေးပွဲကတည်းက နှစ်ဖက် သတင်းထုတ်ပြန်မှုတွေကို တရားဝင် ချမပြတာကို ကြည့်ရင်.....ဒီလုပ်ငန်းစဉ်ရဲ့  လေးနက်မှုက ဘယ်လောက်ရှိသလဲ ဆိုတာ သိနိုင်တယ်။
------
လားရှိုးမြို့ပေါ်ကို တပ်တွေ ခြေချချိန်အထိ ဘယ်လို အပေးအယူ တွေ ရှိခဲ့ကြသလဲ ဆိုတာ ဘယ်ဘက်ကမှ တရားဝင် ချမပြခဲ့ကြဘူး။ အကောင်းဘက်က ကြည့်ရင်တော့ ဗိုလ်ချုပ်ဇော်မင်းထွန်းပြောသလို ငြိမ်းချမ်းရေး လုပ်ငန်းစဉ်ဆွေးနွေးမှု တွေ အောင်မြင်မှု ရှိလို့သာ အရွေ့ ရှိနေတာလို့ သုံးသပ်ရမယ်။ သေချာတာကတော့ ဆွေးနွေးမှု မအောင်မြင်ရင် အသံ တခုခု ထွက်လာမှာပဲ။ ကြည့်ရသလောက်တော့ အဆင်ပြေနေဟန်ရှိတာ တွေ့ရတယ်။
------
ဒီလို အထိအခိုက်မခံတဲ့ ကြားကာလ အကူးအပြောင်းတွေမှာ ဘယ်ဘက်ကိုမှ ပိုပိုသာသာ မပြောမိအောင် သတိထားဖို့ လိုအပ်တယ်လို့ မြင်မိတယ်။ ၁၀၂၇ ရှမ်းမြောက်ကျူးကျော်စစ်ရဲ့ နောက်ခံ သမိုင်းကြောင်းတွေကို မမေ့ထားသလို လက်ရှိ ဖြစ်ပေါ်နေတဲ့ နိုင်ငံရေး အခင်းအကျင်းကိုလည်း မျက်ခြေ မပြတ်စောင့်ကြည့်ဖို့ပဲ  ရှိနေလိမ့်မယ်။ ဒါက တရုတ်နဲ့ ကိုးကန့်အပေါ်မှာ ချစ်ခြင်း၊ မုန်းခြင်းကို အခြေမခံဘဲ ကြားနေပြည်သူလူထုအတွက် အသင့်လျော်ဆုံးဆိုတဲ့ အခြေအနေတစ်ခုရဲ့ ရှုထောင့်ဘက်ကသာ တွေးပေးနေခြင်း ဖြစ်တယ်။
-------
တချို့က လားရှိုးဟာ တိုက်မယူဘဲ ရတာ ဖြစ်လို့ မကျေနပ်ကြဘူးလို့ဆိုကြတယ်။ ဒီနေရာမှာ မေးစရာ ရှိတာက....ခင်ဗျားတို့ စိတ်အာသာပြေဖို့အတွက်  ဒီမြို့တွေ ထပ်ကြေ ပေးဖို့ လိုသလား၊ စစ်သားတွေ ထပ်သေပေးဖို့ လိုအပ်လားလို့ပဲ ပြန်မေးရမယ်။ လားရှိုးနဲ့ပတ်သက်ပြီး မြန်မာ့လွတ်လပ်ရေး ဖြစ်စဉ်ကို ပြန်အောင်းမေ့မိတယ်။  အင်္ဂလိပ်တွေဆီက  မြန်မာပြည်လွတ်လပ်ရေးရတော့.... နှစ်ပေါင်း ၁၀၀ သူကျွန်မခံဘဲ ပြန်တိုက်ခဲ့ကြတဲ့ သမိုင်း ဖြစ်စဉ်တွေကို လစ်လျူရှုပြီး ဆွေးနွေးပွဲကို အခြေခံတာမို့လို့ ရွှေရည်စိမ် လွတ်လပ်ရေးဆိုပြီး  သမုတ်ခဲ့ကြဖူးတယ်။ တကယ်တော့ အကျိုးမရှိတဲ့ စစ်ပွဲတွေ ဖန်တီးနေကြတာတွေကို  ရပ်တန့်သင့်ပါပြီ။ ဒီနေရာမှာ အိုးအိမ်ပစ်ပြီး ပြေးရတဲ့ ပြည်သူတွေရဲ့ ဘဝတွေကို စာနာထောက်ထားသင့်ပါပြီ။
------
နိုင်ငံရေး လိုလားချက်တွေကို ဂုဏ်သိက္ခာ ရှိရှိ ညှိနှိုင်းနိုင်ကြရင် ကြားပြည်သူတွေ မြေစာပင် မဖြစ်တော့ဘူးပေါ့။ အမုန်းတရားတွေ ကြီးထွားမလာနိုင်ဘူးပေါ့။ ဒီလိုပဲ ရိုးရိုးသားသား မြင်မိတယ်။


(နရီမိုး)