🍪 الدوناتس 🍩

هنبدأ اول حاجة بالمكونات الجافة

٩٠٠ جرام دقيق (٦ كوب)
رشة ملح
٢ ملعقة كبيرة سكر
ملعقة كبيرة خميرة فورية
ملعقتين كبار لبن بودر
ملعقة صغيرة بيكنج بودر او كيك شيف
هنقلب المكونات دي مع بعض بعدين هنضيف عليهم

٣ بيضات
معلقة كبيرة فانيليا سايلة
معلقة خل ابيض
٤٠٠ مللي حليب (كوب كبير و نصف )
و ممكن نحتاج معلقة كمان حليب على حسب نوع الدقيق
هنعجن لحد م العجين يتماسك و نضيف عليه
١٠٠ جرام زبدة طرية (بدرجة حرارة الغرفة)
و نعجن لحد م العجينة تلم و الزبدة تتجانس و ملمس العجينة يبقى ناعم و طري و مش بيلزق

بعد كدة هيبقى عندنا طريقتين
اول طريقة:-
هنسيب العجين يخمر و نفرده و نقطعه بقطاعة الدوناتس

ثاني طريقة:-
هنقطع العجين قطع صغيرة من ٦٠ ل ٦٥ لجرام و ندورها و نكبسها بمكبس الدوناتس لو متوفر و نسيبها تخمر حوالي ساعة
هنختار الطريقة بناء على الاداة المتوفرة للدوناتس

بعد التخمير هنبدا نقلي الدوناتس
درجة حرارة الزيت تكون ١٦٠
و نختبره بخشبة الشيش طاووق لو طلعت فقاقيع بسيطة حواليها يبقى الحرارة مظبوطة (درجة الحرارة في الدوناتس من اساسيات نجاحه عشان ياخد لون حاو و يستوي من جوة حاو بتبقى الحرارة متوسطة اقرب للهادية )
و ننزل الدوناتس و نقلبه لحد م ياخد لون على الوجهين
و مطلعه يتصفى و يهدى و نبدأ نحشيه و نزينه على حسب الرغبة و المتوفر عندنا
🧁🧁🍕🍕🍗🍗