🍆 حلقات الباذنجان المحشيه ومقليه

هنقطع الباذنجان حلقات ونفرغ الحلقه بالقطاعه المدوره وننزل به في ميه بملح ونغطيه لحين عمل الحشوه

الحشوه
ممكن مفروم فراخ او لحمه اوسوسيس الحشوه اللي بتحبيها انا هنا عملت صدر فراخ مفروم عليه نصف بصله مفرومه وقرن فلفل رومي احمر واخضر وحامي والباذنجان اللي طلع من النصف وبيضه وملح... وفلفل... كزبره... ومعلقه دقيق ...ورشه بكنج بودر...وشريحه جبنه رومي وممكن تستغني عنها ونقلب كل ده و نرفع المقلاه علي النار وفيها زيت معلقتين ومعلقتين سمن يسخنوا علي النار ونبدا في وضع الحشوه داخل حلقه الباذنجان ولما تحمر نقلبها ونتركها لما تحمر وتكون النار منخفضه علشان تستوي وبس كده خلصت الشغلانه والف هنا
🧁🧁🍕🍕🍗🍗

🍆كفتة بتنجان


هاتي نص كيلو بتنجان ونص كيلو بطاطس لو تحبى تضيفيها ونص كيلو لحمة  ونص كيلو طماطم وبصلة وبيضة ومعلقة دقيق كبيرة ومعلقة توم مفروم وملح وفلفل تمام
هاتي اللحمة المفرومة حطي عليها البصلة مبشورة وبيضة وملح وفلفل ومعلقة الدقيق
واعجني كويس وكوري الكفتة كأنها اقراص
هاتي البتنجان والطماطم قطعيها حلقات تمام
هاتي حلة حطي فيها شوية زيت والتوم وحمرية وطشي بالطماطم المضروبة
ولما تغلي شوية حطي ملح وفلفل
هاتي صينية فرن ورصي البتنجان والكفتة لغاية ما يخلص المقدار وشكلى بالطماطم والفلفل .
صبي الصلصة وغطي الصينيه وحطيها في فرن سخن عالي هتاخد نص ساعه بس
ملحوظة
ممكن تقطعي فلفل رومي او حار لو حابة
وبالف هنا
🧁🧁🍕🍕🍗🍗

🍆الباذنجان المخلل

المقادير

ربع كيلو باذنجان طويل او قصيرابيض او اسود حسب الرغبه......3قرون فلفل اخضر.....1قرن فلفل احمر.....3 فصوص ثوم....ليمونه كبيرة. ..ملح وفلفل وكمون وكزبرة ناشفه وخضره .....شوية خل حوالى معلقتين
الطريقة
هنسلق الباذنجان حوالى نص ساعه على النار او نشق الباذنجان نصفين ونقليه فى زيت بقشرة
لعمل خلطة الباذنجان
احضرى فى الكبة التوم مع الفلفل اﻻخضرواﻻحمر والملح والكمون والكزبرة الخضرة والناشفه كله اطحنيه وعصري عليه الليمون والخل قلبي كويس كل الكونات
واحشي الباذنجان بيها وقدميه بالف هنا
🧁🧁🍕🍕🍗🍗

🫕المسقعه🍆

طريقه عمل المسقعه
باذنجان رومى
فلفل حار او رومى
3كوب من عصير الطماطم
معلقه ثوم
بصله
ملح ورشة كمون وكزبره ناشفه و رشه سكر
زيت للقلي
هنقطع الباذنجان ورشه ملح ونتركه في مصفه ينزل كل الماء منه لمده نصف ساعه على الاقل ثم نعفر بالدقيق وتقلي في زيت غزير مع الفلفل
هنضع معلقتين زيت في وعاء عالنار وننزل بالبصل مقطع قطع صغيره اللون يصفر انزل بالثوم ويا سلام بقى لو مقطع قطع صغيره وفلفل حامى قطع ورشه كزبره ناشفه بتفرق فى الطعم جدا ويقلب ثم ننزل بعصير الطماطم ورشه السكر ويترك الخليط ليغلي ثم ننزل بالتوابل والملح و نقلب ونضع الباذنجان والفلفل ويترك قليلا عالنار ليتشرب من الصلصه ثم يقدم وبالف هنا وشفا
ممكن نضيف بطاطس مكعبات متحمره في الزيت والف هنا
🧁🧁🍕🍕🍗🍗

🍆باذنجان بالخل والثوم

المقادير

1 كيلو باذنجان
5 فصوص ثوم
2 ملعقة شاي خل
3 حبة طماطم مقطعة
2 مكعب ماجى
فنجان مرقة دجاج ..او ماء
بقدونس
شطة
الطريقة_الاولي
- قطعي الباذنجان شرائح و اقليه في الزيت الى ان يصير لونة ذهبى
- حمري الثوم فى قليل من الزيت حتى يصفر , اضيفي الطماطم و قلبي حتي تتسبك .
- اضيفي الخل و الماجي و المرقة , أخيراً اضيفي الباذنجان و اتركيه علي نار هادئة حتي يتشرب الصوص .
- اضيفي كمية صغيرة من البقدونس و الشطة و قدمي الطبق ساخناً .
الطريقة_الثانيه
قطعى الفلفل الاخضر الكبير (الرومي)
اقلى الفلفل الاخضر فى الزيت حتى يذبل ويستوى قليلا ثم صفية من الزيت
فى صينية ضعى ملعقتين كبار زيت و ملعقة كبييييييرة ثوم مفروم( و ليس مطحون ) ثم قلبيهم على النار
الى ان يصير لون الثوم ذهبى فاتح
ابعدى الاناء عن النار و اضيفى ربع كوب صغير خل و قلبى ((((((الرائحة تجنن )))))))))
ضعية على النار مرة ثانية و اضيفى ملح و فلفل و الباذنجان و الفلفل المقليين و قلبى و اضبطى الطعم
اضيفى ترنشات الطماطم على شكل دوائر و هدى النار و غطى الاناء لمدة عشر دقائق ولا تضيفى ماء
وقدميه بالف هنا
🧁🧁🍕🍕🍗🍗

🌮قوارب الفلفل بلسان العصفور
المقادير
٦ حبات فلفل الوان
بصلة كبيرة مفرومة
٢٠٠ج لحم مفروم =1كوب
نصف كوب لسان عصفور، محمر
كوب جبن مبشور
كوب عصير طماطم
كوب طماطم مبشورة
حبتين طماطم، مقشرة و مقطعة مكعبات صغيرة
ملعقتين كبيرتين صلصة طماطم
ربع كوب كزبرة مفرومة
١ فلفل اخضر حار مفروم
ملعقتين صغيرتين بابريكا
ملعقة صغيرة قرفة
ملعقة صغيرة فلفل اسود
ملعقتين صغيرتين ملح
٤ ملاعق كبيرة زيت زيتون

طريقة التحضير:
يشوح البصل في قدر مع اللحم مع قليل من زيت الزيتون الى ان يصبح ذهبي اللون.
يضاف لسان العصفور، الطماطم المقشرة و الصلصة و يقلب الكل جيدا.
تبهر الخلطة بالملح والفلفل، القرفة و البابريكا، ثم تضاف الكزبرة وقليل من الماء و يترك الكل على نار هادئة ٧ دقائٍق
تترك الحشوة جانبا لتبرد قليلا،
تشوح الطماطم المبشورة مع عصير الطماطم وقليل من زيت الزيتون على النار، ثم تبهر بنفس بهارات الحشوة.
يضاف لها الفلفل الحار و ملعقة كبيرة من الصلصة.
تسكب الصلصة المحضرة في صينية الفرن، ثم تحشي حبات الفلفل بالحشوة المحضرة.
ترص حبات الفلفل فوق الصلصة ثم تزين بالجبن المبشور .
تخبز في فرن حار مدة 25 دقيقة
ثم تقدم بالهنا والشفا.
🧁🧁🍕🍕🍗🍗

🥧🍙طاجن الرز بالخضراوات و البشاميل
المقادير
كوبين رز مسلوق
٢٠٠ج لحم مفروم =1كوب
كوب ونصف بازلاء مسلوقة
٢ بصله متوسطه، مفرومه
نصف ملعقة صغيرة قرفة
نصف ملعقة صغيرة بهارات اللحم
ملعقة صغيرة ملح
نصف ملعقة صغيرة فلفل اسود
كوبين حليب
ملعقتين كبيرتين دقيق
٤ ملاعق كبيرة زيت زيتون
مكعب مرق دجاج
جبن مبشور (اختياري)

طريقة التحضير:
يشوح البصل مع زيت الزيتون ، ثم يضاف اللحم ويقلب الكل جيدا للحصول على عصاج.
تضاف البازلاء ، قليل من الملح، القرفة، الفلفل الاسود و جوزة الطيب ثم يقلب الكل جيدا.
يضاف الرز للخليط و يقلب ثم يرفع الكل من على النار و يسكب في قالب الفرن.
تحضر البشاميل بالطريقة المعتادة و ذلك بتحمير زيت الزيتون و الدقيق. ثم اضافة الحليب تدريجيا.
تتبل بمكعب المرق ثم عندما تتكاثف، تسكب فوق الارز بالبازلاء .
يرش الجبن على الوجه ثم يدخل الفرن مدة ١٥ دقيقة الى ان يتحمر الوجه.
يقدم بالهنا والشفا.
🧁🧁🍕🍕🍗🍗

🥪الرقاق باللحمة المفرومة
المقادير
10 ورقات رقاق -نصف كيلو لحم مفروم معصج - شوربة -زبدة أو سمن فلاحى

الطريقة :
1- توضع الشوربة على النار تغلى
2 - نجهز صينية وندهنها سمن ثم نضع كل رقاقة فى الشوربة بس منطولش لغاية لما تطرى شوية وتوضع في الصينية وتدهن كل طبقة بإيد أو سمن بسيط عشان يطلع مورق ودول خمس ورقات رقاق
3 - ثم يوضع العصاج ويوضع باقى الرقاق الخمس ورقات الباقين بنفس الطريقة بعد ما نضعهم فى الشوربة
وممكن تحطى بين كل طبقتين اللحم المفروم حسب الرغبة
3- بنضغط على الرقاقة الأخيرة ضغطاً خفيفاً براحة اليد حتى تكون الصينية متماسكة ثم تقطع بالسكينة
4-تدخل إلى الفرن لمدة 10 دقائق على درجة حرارة متوسطة أو إلى أن تنضج.
والف هنا
🧁🧁🍕🍕🍗🍗

🍰حلوى العشر دقايق بدون زبدة ببيضة واحدة فقط

المقادير
بيضة
نصف كأس سكر
رشة ملح
1 كيس فانيلا
كأس إلا ربع زيت
علبة زبادي
كأس إلا ربع فول سوداني محمر و مطحون
كيس خميرة فوريه 8g
دقيق حساب الخليط حوالي 3 كؤوس و ربع
وزن الكأس 100g

للتزيين
شوكولاطة
فول سوداني
مربى

وبألف هنا
🧁🧁🍕🍕🍗🍗

🍟مقرمشات طعمها خطير ومقاديرها بسيطة جدًا، تنفع سناك في أي وقت… ومش هتحتاجي تشتري صن بايتس تاني

المكونات
٢ كوب ونصف دقيق
٢ معلقة كبيرة نشا
بيضة واحدة
ملعقه صغيره ملح
ملعقة صغيرة توم وبصل بودر
٢ عود بصل أخضر متقطع ناعم (الجزء الأبيض والأخضر) أختيارى
رشة فلفل أسود
رشة بابريكا أو شطة (لو بتحبي الطعم الحراق شوية)
نص معلقة صغيرة بيكنج بودر
٢ ملعقة كبيرة زبدة أو سمنة أو زيت بس الزبدة بتبقي تحفة

طريقة التحضير
ننخل الدقيق والنشا و البيكنج بودر ونضيف البهارات المكتوبه (بصل بودره ثوم بودره بابريكا شطه فلفل اسود رشة الملح)وننزل بالزبدة نفرك المكونات كويس بادينا ونضيف البصل الاخضر البيضه نعجن بنصف كوب مياه ولو احتاجت نزود المهم تكون العجينه متماسكه نلفها رول كما موضح بالصوره و ندخلها الفريزر تشد ونقطعها كما موضح بالصور وتدخل فرن ساخن على 180لمده ربع ساعة

1. . عندك اختيارين:
يا إما ترصيها في صينية وتدخليها فرن سخن 180 درجة لمدة 10–15 دقيقة لحد ما تاخد لون دهبي ومقرمش.
أو تقليها في زيت سخن على نار متوسطة لحد ما تطلع ذهبية وبتقرش

وبألف هنا
🧁🧁🍕🍕🍗🍗

🍜شوربة الدجاج بالذرة

المقادير لعمل الشوربة :

علبه ونص كريمة الذزه أو كريمة طبخ عادية
ذره حب او محفوظه أو معلبة
ربع ملعقه صغيره ملح
شوي فلفل ابيض أو أسود مطحون
4 معالق كبيرة نشا
صدر دجاج مسلوق ومقطع
بياض بيضتين
6 كاسات ماء ساخن او شربة افضل
بصلة متخرطة
رشة حبهان مطحون او هيل مطحون


الطريقه لعمل الشوربة :

1/ يسحب صدر الدجاج

نترك الشوربه في قدر ويوضع على النار حتى درجة الغليان.

3/نضع مقدار البصل يتشوح او يتحمس ثم كريمة الذرة والذره ثم نضيف الملح

4/نبدا بوضع الدجاج المسحباو المقطع

5/ نحل النشا بقليل من الماء ونضعه على الخليط بسرعه حتى يتجانس

6/ نضيف بياض البيض على الشوربه ثم نبدا بالضرب من اعلى الى اسفل حتى يتفكك البيض بالشوكة

7/ تترك الشوربه لتغلي قليلا نضع الفلفل المطحون ورشة الهيل ثم ترفع على النار حتى الغليان وتقدم ساخنه
🧁🧁🍕🍕🍗🍗

🥧بسبوسة_الحلواني

نصف كيلو سميد بسبوسة -كوب ماء دافيء -كوب سكر -كوب سمنة سايحة
حطي في الخلاط المايه مع السكر والسمنة واخلطيهم كويس اوي لحد مايكون قوام كريمي و بعدين انزلي بيهم علي دقيق السميد و بثي البسبوسة
اول ماتخلطيهم ببعض علي صينية مقاس ٣٠ مدهونه سمنه انزلي بالخليط وادي خبطتين للصينية علي الرخامه تتساوى ودخليها الفرن علي درجة حرارة ٢٠٠ تاخد سواها

شربات_البسبوسة
كوب ونصف سكر - كوب ونصف ماء - م ك سمنة
حطي السكر والمايه علي النار و سبيهم يغلو غلوة تبقى شربات خفيفة زي الماية وفي الاخر انزلي ب معلقة سمنة وياسلام لو بلدي و اسقي البسبوسة وهي سخنه بالشربات السخن
🧁🧁🍕🍕🍗🍗

🎂الكيك الاسفنجي
من انواع الكيك التي تحتاج الي تكنيك عالي لكي تخرج بهذا الشكل
ومنذ اكثر من ١٥ سنه انتشرت محسنات الكيك التي تساعد علي خروج الكيك بشكل افضل وكمان تفتح لون الكيك
ولكن ثبت علميا ان محسن الكيك (برومات البوتاسيوم) يسبب السرطان
ولذلك بفضل الله عمري ماستخدمتها في عمل الكيك الاسفنجي
وقدمت كيك اسفنجي بدون محسن ولا حتي بكنج بودر وكان اسمه
بتسبانيا
وطريقته كالاتي
٧ بيضه
كوب ونصف سكر ابيض
كوب ونصف دقيق
نصف ملعقه ص فانليا
الطريقه/
نكسر البيص ونضع عليه السكر ونضربه لمده ٢ ق مع الفانليا
ثم علي حمام ماء نستمر بالخفق لمده ٨ ق اخري حتي يصبح القوام متماسك
ثم يقلب الدقيق بحرص
يبصب في صينيه مقاس ٢٦
علي الفرن علي طول ١٧٥ م
لمده ٤٠ ق
كده ضمني الكيكه مش هاتهبط منك ابدا وصحيه ١٠٠٪
وبدون حتي بكنج بودر
🧁🧁🍕🍕🍗🍗

🍟 بديل الشيبسى في البيت

بطاطس منفوخة ومقرمشة  في 3 خطوات
الطريقة:

الخطوة الاولى:
قومي بتنظيف حبات البطاطس جيداً وأزيلي قشرتها بالكامل، قطعيها الى دوائر رقيقة جداً، اغسليها لتتخلصي من طبقة النشاء الموجودة على سطحها ثم انقعيها بالمياه لمدة ربع ساعة.

الخطوة الثانية:
في وعاء عميق، أضيفي الى كمية من المياه الباردة ملعقتين كبيرتين من البيكنج باودر حتى تذوب جيداً وأضيفي رقائق البطاطس الرفيعة اليها. انقعي البطاطس لمدة ساعتين كي تتشرب كمية وفيرة من البيكنج باودر التي ستساعدها على الانتفاخ خلال القلي

الخطوة الثالثة:
بعد الانتظار لمدة ساعتين، أخرجي شرائح البطاطس من الماء وصفيها جيّداً. سخني الزيت جيّداً وأضيفي بعض شرائح البطاطس، لا تبالغي باضافة كمية منها لتحافظي على حرارة الزيت المرتفعة التي تعتبر من العوامل الأساسية لانتفاخها.

خلال قلي شرائح البطاطس ستلاحظين أنها بدأت تنتفخ، اتركيها حتى تتحمر من الخارج ثم أزيليها من الزيت الساخن وقدميها ساخنة مع اضافة رشة من الملح والبهار بحسب رغبتك أو الى جانب صلصة الكوكتيل اللذيذة لطبق مقبلات كامل وشهي.
🧁🧁🍕🍕🍗🍗