قاعدة لوشاتليه تحچيلي عن اربع حالات تؤثر على التفاعل المتزن
1️⃣- التغير في التراكيز ,

يؤثر على الغازات (g) والمحاليل المائية

2️⃣- التغير في الضغط أو الحجم ,

يؤثر على الغازات فقط (g)

3️⃣- التغير في درجة الحرارة,

يؤثر عالكل

4️⃣- اضافة عامل مساعد,
هذا بعدين نحچي عنه..

خلنتفق كلهم يأثرون على اتجاه التفاعل
أما ثابت الاتزان لايتأثر فقط بالتغير بدرجة الحرارة

1️⃣- التغير في التراكيز ، يعني إما أضيف ( ازيد المادة اكثرها ) أو اسحب منها
يعني هسه بيها حالتين
¹- اضافة
²- سحب
شيصير من اضيف؟ وشيصير من اسحب ؟
اني عندي هسه تفاعل غازي متزن :
2A ⇌ B
اجيت وضفت كمية من A يعني ضفت لمنو للمتفاعلات
هسه اني اتخيل A برميل مي وBبرميل مي ثنينهم متصلين ببعض ببوري وبيهم نفس الكمية ملل المي
طبيعي اذا اضيف كمية زايدة لواحد منهم راح من خلال البوري يروح المي للثاني ويبقون نفس الكمية مو صح؟

صارلي ساعة الون

هسه نفس ما اتفقنا اذا ضفت مي للبرميل A
مو تلقائيًا راح يروح لB ويبقون ثنينهم نفس الكمية

يعني هسه عرفنا انو اذا نضيف للمتفاعلات
التفاعل راح يتجه وين؟ للنواتج ليش للنواتج ؟ لأن المتفاعلات صارت أكثر من النواتج واني اريد التفاعل دوم متزن فلازم يكونون متساويات

يعني بالنهاية استنتجنا انوا اذا
- اضيف كمية للمتفاعلات ؟ يتجه التفاعل نحو النواتج
- اضيف كمية للنواتج ؟ يتجه التفاعل نحو المتفاعلات

زين السحب شلون ؟
خلنرجع للبراميل هم ونوضحها
اذا جبت طاسة واخذت مي من البرميل A
راح ينقص كميته يعني
وهنا راح يتدخل برميل B ينطي من عنده
نحچيها بالكيمياء هسه
اني اخذت (سحبت)كمية من المتفاعلات
التفاعل راح يتجه بإتجاه المتفاعلات (عكسي) ليش ؟ حتى يعوّض النقص الي صار ويرجع التفاعل متزن

يعني من
- اسحب من المتفاعلات يتجه نحو المتفاعلات ( عكسي)
- اسحب من النواتج يتجه نحو النواتج ( امامي)

هسه حسألكم

اين يتجه التفاعل عندما..

كلكم حلكم صحيح بس هاي لأن مرتب حيبقى بالقناة 🙈.

واذا سألكم عن ثابت الاتزان
تذكرون انو ثابت الاتزان لا يتأثر وبس

2️⃣- التغيير في الضغط أو الحجم
هنا يعتمد اول شيء يؤثر على الغازات فقط
ويعتمد على عدد المولات
شلون ؟
أول شيء لازم نعرف
عندنا هسه ثلاث اشياء(مولات٫حجم٫ضغط)
- علاقة الضغط بالحجم علاقة "عكسية"
- علاقة الضغط بعدد المولات "عكسية"
- علاقة الحجم بعدد المولات "طردية"

اول شيء لازم افهم انو الحجم والضغط للتفاعل كله يحدث يعني مايصير للنواتج وحدها ولا للمتفاعلات وحدها..
تخيلو عندكم اسفنجة بإيدكم اوكي ؟ هاي الاسفنجة هي الحجم ،و ايدكم هي الضغط
كلما تزيدون ضغط ايدكم شيصير بالاسفنجة ؟ يقل حجمها مو ؟ بالتأكيد
هسه انتو ضاغطين عليها وحجمها صغير
اذا قللتوا الضغط راح يزداد حجمها
وهكذا

زيادة الضغط = نقصان الحجم
نقصان الضغط = زيادة الحجم
زين فاي لهسه ماعرفنا التفاعل وين يتجه وشلون اعرفه وين يتجه ؟
هنا راح نعتمد على عدد المولات
لمن ازيد الضغط (اقلل الحجم) راح يتجه التفاعل نحو عدد المولات الأقل
ولمن اقلل الضغط (ازيد الحجم) راح يتجه التفاعل نحو عدد المولات الاكثر
يعني ضغط عالي اختار الجهة البيها مولات اقل
ضغط واطي اختاروالبيها مولات اعلى
شرط غازاااات مو تحسبون مولات السائل لو الصلب دربالكم

للتفاعل الغازي الآتي:
2A ⇌ B
اين يتجه التفاعل اذا اصبح لدينا:
- زيادة في الضغط
- نقصان في الحجم
- زيادة في الحجم

هذا شلون نحله؟
لازم نفكر بهالطريقة :
عدنا تفاعل غازي لهنا حلوين..
مولات المتفاعلات اكثر من النواتج هم لهنا خوش
- گايلي زيادة في الضغط؟ واحنه متفقين زيادة الضغط علاقتها ويه عدد المولات عكسية!
يعني ضغط عالي ؟ اروح للمولات الشوية
يعني التفاعل يتجه نحو النواتج (امامي)

النقطتين انتو حلوهن

واذا سألني عن ثابت الاتزان لايتأثر