واذا سألني عن ثابت الاتزان لايتأثر

- الرساله ؛ نقصان بالحجم
- يتجه التفاعل نحو النواتج لانها اقل عدد مولات غازية
زيادة بالحجم
- يتجه التفاعل نحو المتفاعلات لانها اكبر عدد مولات غازية

ورد والله ورد

خلنطيكم مثال على النقطتين الي اخذناهن

هذا ركزوا بي

ناخذ ريست ب6 نكمل خلجاوبكم عالبوت
الي عنده سؤال يسأل
@i5fcb19BOT

- الرساله ؛ الضغط من يجي نحولة حجم اما الحجم من يجي ما نحولة ضغط خلص نكمل بي لان احنا اصلا نريدة انطاه جاهز

اي بكيفكم اني انطيت العلاقات حتى تختارون اما الضغط او الحجن وتعتمدون على واحد منهم
الي يريد يعتمد عالحجم لازم يركز انو زيادة بالحجم يروح على المولات الاكثر ،نقصان بالحجم يروح على المولات الاقل وهيج
واذا اجاه ضغط يحوله حجم
شلون يحوله؟
مثلا يگلك "زيادة بالضغط "وانت تعرف علاقة الضغط والحجم عكسية
يعني گبل تگول زيادة بالصغك يعني نقصان بالحجم
نقصان بالحجم اروح ادور مولات قليلة اخلي التفاعل يتجه عليها وهيج..

3️⃣- التغيير في درجة الحرارة
هذا مايهتم بالحالة الفيزياوية غاز صلب سائل انسان نبات بتاع كلو يعني يأثر عالكل شلون المنتخب
المهم
عندي شرط واحد والي هو تشخيص التفاعل
شنو تشخيص التفاعل ؟ يعني لازم اعرفه تفاعل ماص لو باعث. زين شلون نعرفه ماص لو باعث ؟ هسه اوضح

¹- التفاعل الماص :
يا اما يذكرلي بالسؤال انو التفاعل ماص او
عندي حالتين اعرف بيها التفاعل ماص:

1- ينطيني مقدار طاقة بالمتفاعلات او يذكر فقط كلمة طاقة :
2A ⇌ B + 360KJ
2A ⇌ B + طاقة (energy)

2- هنا ينطيني قيمة الانثالبي بالموجب ويعني التفاعل ماص
2A ⇌ B , ∆Hr = +

وهكذا عرفت نوع التفاعل ابلش اشخصه؛ اكتب عالسهم ⇌ الفوك الي شخصنا (ماص) والجوه عكس تشخصنا يعني (باعث)

²- التفاعل الباعث :
يا اما يذكرلي بالسؤال انو التفاعل باعث او
عندي حالتين كذلك اعرف بيها التفاعل باعث:

1- ينطيني مقدار طاقة بالنواتج او يذكر فقط كلمة طاقة :
2A + 220KJ ⇌ B
2A + طاقة (energy) ⇌ B
2- هنا ينطيني قيمة الانثالبي بالسالب ويعني التفاعل باعث
2A ⇌ B , ∆Hr = -
وهيچ اشخص
(الامامي تشخصينا ، الخلفي عكس التشخيص)
عندي سهمين مو ⇌
اكتب عالفوك الامامي تشخيصنا ( باعث )
والجوه عكسه يعني (ماص)

زين اوكي هسه عرفت اشخص بس هسه شلون احدد اتجاه التفاعل ؟
ملحوظة راح تخليك تعرف اتجاه التفاعل
• كل ماص يريد تسخين ، وكل باعث يريد تبريد
نگدر نگلبها
• كل تسخين يبحث عن الماص ، وكل تبريد يبحث عن الباعث
والي يكوم يخربط بينهم تخيل الماص شخص بردان ، برأيك البردان شيسوي ؟ اكيد يبحث عن صوبة ( تسخين) حتى يدفى.
والباعث واحد حرّان و مصخّن ويبعث حرارة أكيد يدور سبلت ( تبريد).

هسه انتو استنتجوا الحل
مثلًا عندي تفاعل ⇌ الامامي شخصناه ماص
والخلفي باعث
وگلي
١- تم تسخين التفاعل..
التسخين ويامن يروح؟ ويه الماص! يعني التفاعل امامي لأن الماص امامي
٢- تم تبريد التفاعل..
التبريد يدور على الباعث! بس الباعث خلفي! اي عادي يعني اتجاه التفاعل خلفي شنو يعني

~ زين اكو كم سؤال ماذاكرلي ولا حالة من انو التفاعل ماص لو باعث هنا شلون اشخص!
- حلو.. هنا راح ينطيني قيّم لKeq ودرجة الحرارة
يگلي جانت هلگد وصارت هلگ
• اذا ثنينهم زادوا أو ثنينهم قلّوا "صار تشابه"
هنا التفاعل (ماص)
• اذا واحد زاد وواحد قل "صار تفاوت-اختلاف-"
هنا التفاعل (باعث)

وثابت الاتزان Keq يتأثر بتغير درجة الحرارة
- اذا اتجاه التفاعل امامي : يزداد
- اذا اتجاه التفاعل خلفي : يقل

4️⃣- إضافة عامل مساعد
إضافة عامل مساعد لا يؤثر على حالة الاتزان ولا على Keq انما اضافته تقلل من طاقة التنشيط وتزيد من سرعة التفاعل؛

يعني من يكلي ماذا تؤثر اضافة عامل مساعد :
• طاقة التنشيط تقل
• سرعة التفاعل تزداد

أهم شيء بدرجة الحرارة

انزللكم اسئلة ونختم الموضوع هاهيه؟
حتى نبلشلكم شرح قطوع🙈