កម្មវិធីបញ្ចប់ការសិក្សា Sisters of Code Clubs 2025 នៅខេត្តតាកែវ! 🎓

Sisters of Code សហការជាមួយមជ្ឈមណ្ឌលបច្ចេកវិទ្យាសហគមន៍ មានសេចក្តីរីករាយក្នុងការរៀបចំព្រឹត្តិការណ៍បញ្ចប់ការសិក្សាសម្រាប់សិស្សស្រីចំនួន ៣៦ នាក់ ពីខេត្តតាកែវ ដែលបានបញ្ចប់កម្មវិធី Sisters of Code Clubs ឆ្នាំ ២០២៥ ដោយជោគជ័យ។ 🌟

យើងសូមថ្លែងអំណរគុណយ៉ាងជ្រាលជ្រៅចំពោះមជ្ឈមណ្ឌលបច្ចេកវិទ្យាសហគមន៍ នៃក្រសួងប្រៃសណីយ៍ និងទូរគមនាគមន៍ សម្រាប់ការសហការកន្លងក្នុងការធ្វើឱ្យក្លឹបសរសេរកូដរបស់យើងអាចបើកដំណើរការបាននៅវិទ្យាល័យចំនួន៣ កន្លែង គឺ៖ វិទ្យាល័យប៊ុនរ៉ានី ហ៊ុន សែន បាទី វិទ្យាល័យសុខ អាន ត្រាំខ្នារ និងវិទ្យាល័យហ៊ុន សែន ១ មិថុនា។

Sisters of Code សូមថ្លែងអំណរគុណយ៉ាងជ្រាលជ្រៅចំពោះ Liechtenstein Development Service (LED) សម្រាប់ការគាំទ្រតាំងពីដំបូងមក។ 🙏✨

យើងសូមជូនពរឲ្យសិស្សទាំងអស់ មានភាពជោគជ័យក្នុងដំណើរសិក្សាបន្ត និងបន្ដការស្វែងយល់អំពីបច្ចេកវិទ្យា។ 🚀

👩‍💻 អានលម្អិតអំពីព្រឹត្តិការណ៍នេះ៖ https://www.sistersofcode.org/post/graduation-day-for-sisters-of-code-clubs-students-in-takeo

🌟 សិស្ស Sisters of Code នៅវេទិការដ្ឋាភិបាលឌីជីថលឆ្នាំ២០២៥! 🌟

Sisters of Code មានសេចក្ដីរីករាយក្នុងការនាំក្រុមសិស្សចំនួន ៣៥ នាក់ពីខេត្តតាកែវ ដែលបានបញ្ចប់កម្មវិធីសិក្សា Sisters of Code Clubs មកចូលរួមទស្សនាវេទិការដ្ឋាភិបាលឌីជីថល ឆ្នាំ២០២៥ ដែលរៀបចំឡើងដោយក្រសួងប្រៃសណីយ៍ និងទូរគមនាគមន៍។

ក្នុងកំឡុងពេលទស្សនា សិស្សបានចូលរួមស្តាប់ និងស្វែងយល់តាមតាំងពិព័រណ៍ផ្សេងៗ ដែលជួយឱ្យពួកគេចាប់អារម្មណ៍ និងស្វែងយល់ឃើញអំពីការងារបច្ចេកវិទ្យាពិតប្រាកដ។ Sisters of Code សង្ឃឹមថាបទពិសោធន៍នេះនឹងបន្តលើកទឹកចិត្តសិស្សឱ្យស្វែងយល់បន្ថែមពីវិទ្យាសាស្ត្រកុំព្យូទ័រ និងរៀបចំខ្លួនក្លាយជាផ្នែកមួយនៃការផ្លាស់ប្តូរឌីជីថលនៅកម្ពុជា។ 💻✨

👩‍💻 អានបន្ថែមអំពីព្រឹត្តិការណ៍នេះ៖ https://www.sistersofcode.org/post/graduation-day-for-sisters-of-code-clubs-students-in-takeo