ក្លឹបសរសេរកូដស្រ្តីនៅខេត្តតាកែវ - អំពីវគ្គសិក្សាដំបូង 🎉

នៅថ្ងៃទី៥ ខែកក្កដា ឆ្នាំ២០២៥ Sisters of Code បានបើកដំណើរការវគ្គសិក្សាដំបូងនៃកម្មវិធីក្លឹបសរសេរកូដស្រ្តី (Sisters of Code Clubs) ដោយជោគជ័យនៅវិទ្យាល័យរដ្ឋចំនួនបីកន្លែង នៅខេត្តតាកែវ រួមមាន វិទ្យាល័យ សុខអាន ត្រាំខ្នារ វិទ្យាល័យ ប៊ុនរ៉ានី ហ៊ុន សែន បាទី និង វិទ្យាល័យ ហ៊ុន សែន ១​ មិថុនា។ 🏫

ដោយទទួលបានការគាំទ្រពីមជ្ឈមណ្ឌលបច្ចេកវិទ្យាសហគមន៍ ស្ថិតក្រោមក្រសួងប្រៃសណីយ៍ និងទូរគមនាគមន៍ គំនិតផ្តួចផ្តើមរយៈពេល១៧សប្តាហ៍នេះ មានបេសកកម្មផ្តល់ជំនាញឌីជីថលចាំបាច់ដល់សិស្សានុសិស្ស និងជួយលើកទឹកចិត្តឱ្យពួកគេក្លាយជាពលរដ្ឋឌីជីថលដែលពោរពេញដោយទំនុកចិត្ត។ 💻

យើងមានក្តីរំភើបយ៉ាងខ្លាំងក្នុងការស្វាគមន៍យុវជនដែលមានភាពឆ្លាតវៃទាំងនេះចូលរួមក្នុងដំណើរសិក្សាការសរសេរកូដ។

🎉 កាលពីថ្ងៃទី ៤ ខែកក្កដា ឆ្នាំ ២០២៥ អ្នកតំណាងរបស់យើងនៅខេត្តសៀមរាបបានចូលរួមក្នុងកម្មវិធីពិពណ៍ការងារដែលរៀបចំដោយអង្គការ Caring for Cambodia (CFC)និងមានសិស្សានុសិស្សប្រមាណ ៤០០ នាក់ មកពីអនុវិទ្យាល័យ និងវិទ្យាល័យ ក្នុងខេត្តសៀមរាប

យើងពិតជារំភើបណាស់ដែលបានចូលរួមក្នុងព្រឹត្តិការណ៍ដែលអាចបំផុសគំនិតបែបនេះ ទំនាក់ទំនងជាមួយសិស្ស និងលើកទឹកចិត្តពួកគេឱ្យស្វែងរកឱកាសក្នុងជំនាញឌីជីថល និងបច្ចេកវិទ្យា! 💻✨