ជួបជាមួយវាគ្មិនកិត្តិយសរបស់យើង សម្រាប់កម្មវិធីអបអរសាទរ ទិវាក្មេងស្រីក្នុងវិស័យបច្ចេកវិទ្យាព័ត៌មាន និងសារគមនាគមន៍អន្តរជាតិឆ្នាំ២០២៥! 🙌

ក្លឹបសរសេរកូដស្រ្តី មានក្តីរំភើបរីករាយក្នុងការណែនាំអ្នកដឹកនាំស្ត្រីដ៏ឆ្នើមបីរូប ក្នុងវិស័យបច្ចេកវិទ្យា និងទូរគមនាគមន៍ ដែលនឹងមកចែករំលែកបទពិសោធន៍ដ៏មានតម្លៃស្តីអំពី "ជំនាញឌីជីថលសម្រាប់ស្ត្រីក្នុងសតវត្សរ៍ទី២១"។

វាគ្មិនកិត្តិយសរបស់យើងនឹងចែករំលែកបទពិសោធន៍របស់ពួកគេ ក្នុងការជម្នះឧបសគ្គផ្សេងៗ ដើម្បីទទួលបានឱកាសសិក្សាបច្ចេកវិទ្យាឌីជីថល និងការបង្កើនចំណេះដឹងឌីជីថល។ បទពិសោធន៍របស់ពួកគាត់ពិតជាមានតម្លៃខ្លាំងណាស់សម្រាប់អ្នកទាំងអស់គ្នាដែលចង់អភិវឌ្ឍជំនាញឌីជីថលរបស់ខ្លួន។

🗓 កាលបរិច្ឆេទ៖ ថ្ងៃសៅរ៍ ទី២៦ ខែមេសា ឆ្នាំ២០២៥
🕑 ម៉ោង៖ ២:០០ រសៀល - ៥:០០ ល្ងាច
📍 ទីកន្លែង៖ វិទ្យាល័យព្រះសុីសុវត្ថិ អាគារ G

✍️ ចុះឈ្មោះឥឡូវនេះតាមរយៈ៖ https://forms.gle/sEj7rck1VgEvs1sa9
📖 ស្វែងយល់បន្ថែមអំពីកម្មវិធី៖ https://www.sistersofcode.org/post/join-international-girls-in-ict-day-2025-celebration-with-sisters-of-code

[កម្មវិធីបណ្តុះបណ្តាលជំនាញការងារឆ្នាំ២០២៥]

💡 ដំណើរការសិក្សាបានចាប់ផ្តើមហើយ! ថ្នាក់សហគ្រិនភាពឌីជីថល និងទីផ្សារឌីជីថលរបស់យើងបានចាប់ផ្តើមជាផ្លូវការនៅថ្ងៃនេះ។ Sisters of Code មានមោទនភាពក្នុងការប្រមូលផ្តុំសិស្សស្រីដែលមានទេពកោសល្យ ដែលត្រៀមខ្លួនរួចរាល់ក្នុងការពង្រឹងជំនាញរបស់ពួកគេ គាំទ្រគ្នាទៅវិញទៅមក និងនាំយកគំនិតអាជីវកម្មប្រកបដោយនវានុវត្តន៍របស់ពួកគេឱ្យក្លាយជាការពិត។ យើងពិតជារំភើបក្នុងការរងចាំមើលសមិទ្ធផលរបស់ពួកគេនៅពេលបញ្ចប់វគ្គសិក្សានេះ!

សម្រាប់ព័ត៌មានអំពីកម្មវិធីសិក្សា​ សូមចូលទៅកាន់៖ https://www.sistersofcode.org/employment-program

នៅថ្ងៃទី២៤ ខែមេសា ឆ្នាំ២០២៥ ក្លឹបសរសេរកូដស្រ្តី មានកិត្តិយសបានទៅទស្សនាមជ្ឈមណ្ឌលបច្ចេកវិទ្យាសហគមន៍នៅខេត្តតាកែវ។

យើងខ្ញុំសូមថ្លែងអំណរគុណយ៉ាងជ្រាលជ្រៅចំពោះ ក្រសួងប្រៃសណីយ៍ និងទូរគមនាគមន៍ - Ministry of Post and Telecommunications ដែលបានផ្តល់ឱកាសឱ្យយើងមកទស្សនា និងសូមអរគុណដល់អ្នកគ្រូ លោកគ្រូនៃសាលារៀនទាំងអស់សម្រាប់ការស្វាគមន៍យ៉ាងកក់ក្តៅ។

ក្លឹបសរសេរកូដពិតជារំភើបក្នុងការស្វែងរកមធ្យោបាយដែលយើងអាចចូលរួមចំណែកធ្វើឱ្យការរៀនសូត្រនៅមជ្ឈមណ្ឌលទាំងនេះកាន់តែសម្បូរបែបនិងមានប្រសិទ្ធភាព។

សម្រាប់ព័ត៌មានបន្ថែមអំពីទស្សនកិច្ចនេះ សូមចូលទៅកាន់៖ https://www.sistersofcode.org/post/sisters-of-code-visits-the-community-tech-centers-in-takeo-province

នៅថ្ងៃទី២៦ ខែមេសា ឆ្នាំ២០២៥ ក្លឹបសរសេរកូដស្រ្តី មានកិត្តិយសបានប្រារព្ធទិវាក្មេងស្រីក្នុងវិស័យបច្ចេកវិទ្យាព័ត៌មាន និងសារគមនាគមន៍ ជាមួយនឹងបទបង្ហាញសំខាន់ កិច្ចសន្ទនាអន្តរជំនាន់ដ៏មានអត្ថន័យ និងកិច្ចពិភាក្សាក្រុមដ៏គួរឱ្យចាប់អារម្មណ៍។ 💻✨

យើងសូមថ្លែងអំណរគុណយ៉ាងជ្រាលជ្រៅចំពោះ សាលារៀនជំនាន់ថ្មី វិទ្យាល័យព្រះសុីសុវត្ថដែលបានផ្តល់ទីកន្លែងដ៏ល្អប្រពៃ និងសូមថ្លែងអំណរគុណយ៉ាងជ្រាលជ្រៅចំពោះវាគ្មិនកិត្តិយសទាំងអស់ ដែលបានចែករំលែកចំណេះដឹង និងបទពិសោធន៍ដ៏មានតម្លៃ។

ក្លឹបសរសេរកូដស្រ្តីសង្ឃឹមថា ព្រឹត្តិការណ៍នេះបានជំរុញទឹកចិត្តអ្នកទាំងអស់គ្នាឱ្យបន្តដំណើរក្នុងការសិក្សា ឬអាជីពផ្នែកបច្ចេកវិទ្យាប្រកបដោយភាពជឿជាក់។💡

សម្រាប់ព័ត៌មានបន្ថែម សូមចូលទៅកាន់៖ https://www.sistersofcode.org/post/sisters-of-code-celebrates-international-girls-in-ict-day-2025