🛑 ការដាក់ពាក្យសុំបានបិទបញ្ចប់!

សូមថ្លែងអំណរគុណយ៉ាងជ្រាលជ្រៅដល់សិស្សានុសិស្សគ្រប់រូបដែលបានដាក់ពាក្យសុំអាហារូបករណ៍ ១០០% ដើម្បីចូលរៀនក្នុងកម្មវិធីបណ្តុះបណ្តាលជំនាញការងារ ឆ្នាំ២០២៦ របស់ Sisters of Code ។ 🇰🇭💻

👉 តើជំហានបន្ទាប់ជាអ្វី?
ក្រុមការងាររបស់យើងបានទទួលពាក្យសុំតាមរយៈអនឡាញទាំងអស់។ ឥឡូវនេះ យើងនឹងចាប់ផ្តើមដំណើរការពិនិត្យលើពាក្យសុំនីមួយៗដោយប្រុងប្រយ័ត្នដើម្បីជ្រើសរើសក្រុមសិស្សចូលរួមក្នុងដំណើរសិក្សាជំនាញឌីជីថលរយៈពេល ១៥សប្តាហ៍ដោយឥតគិតថ្លៃនេះ។ 🌟

ពាក្យសុំទទួលបានសរុបចំនួន ២៨៣! 📝

Sisters of Code ពិតជាមានក្តីរីករាយដែលទទួលបានពាក្យសុំសរុបចំនួន ២៨៣ សម្រាប់ចូលរួមសិក្សាក្នុងកម្មវិធីបណ្តុះបណ្តាលជំនាញការងារឆ្នាំ២០២៦។ សូមអរគុណចំពោះបេក្ខនារីទាំងអស់សម្រាប់ការប្តេជ្ញាចិត្ត និងសម្រាប់ការជឿទុកចិត្តមករួមដំណើរសិក្សាជាមួយ Sisters of Code ។

ក្រុមការងាររបស់យើងកំពុងពិនិត្យពាក្យសុំនីមួយៗដោយប្រុងប្រយ័ត្ន។ សូមជូនពរឱ្យអ្នកទាំងអស់គ្នាជួបសំណាងល្អ។ 💻 ✨

✨ ពីឱកាសមានកម្រិត ទៅកាន់សក្តានុពលគ្មានដែនកំណត់

Sisters of Code ត្រូវបានចេញផ្សាយដោយ EdTech Hub ដោយគូសបញ្ជាក់អំពីកម្មវិធីសិក្សារបស់យើង ដែលកំពុងផ្លាស់ប្តូររបៀបដែលក្មេងស្រីនៅកម្ពុជាចូលដំណើរការការអប់រំបច្ចេកវិទ្យា បំពេញចន្លោះពីការប្រើប្រាស់តែទូរស័ព្ទ ទៅកាន់ជំនាញបច្ចេកវិទ្យាដែលត្រៀមសម្រាប់អនាគត។

តាមរយៈការរៀនអនុវត្តផ្ទាល់ ការណែនាំអំពី AI និងបណ្តាញ Sisters of Code Ambassadors ដែលដឹកនាំដោយអតីតសិស្សយ៉ាងរឹងមាំ យើងមិនត្រឹមតែបង្រៀនកូដប៉ុណ្ណោះទេ ប៉ុន្តែកំពុងបង្កើតស្រ្តីដឹកនាំវ័យក្មេង អ្នកបង្កើតថ្មី និងអ្នកផ្លាស់ប្តូរដែលមានទំនុកចិត្ត។ 💻🚀

ក្មេងស្រីគ្រប់រូប សមនឹងទទួលបានលើសពីការប្រើប្រាស់តែបច្ចេកវិទ្យា។ ពួកគេគួរតែមានជំនាញដើម្បីបង្កើតអ្វីថ្មីៗ និងកំណត់ទិសដៅវា។

📕 អានរបាយការណ៍ពេញលេញនៅទីនេះ៖ https://docs.edtechhub.org/lib/3KT6QT98

#SistersOfCode #GirlsInTech #DigitalSkills #AIForGood #Cambodia #EdTech

Sisters of Code កំពុងស្វែងរកគ្រូបង្រៀនវគ្គសិក្សាការបង្កើតគេហទំព័រ និងការរចនា UX/UI Design នៅសៀមរាប!

Sisters of Code កំពុងស្វែងរកគ្រូបង្រៀនដែលពោរពេញដោយឆន្ទៈដើម្បីដឹកនាំបង្រៀនវគ្គសិក្សាការបង្កើតគេហទំព័រ និងការរចនា UX/UI នៅក្រុងសៀមរាប!

សេចក្តីលម្អិតអំពីការងារ៖ https://shorturl.at/z7VPQ

📩 ដើម្បីដាក់ពាក្យសុំការងារ សូមផ្ញើ CV របស់លោកអ្នកមកកាន់អុីមែល៖ chin_d@itstep.org
🗓 ថ្ងៃផុតកំណត់៖ ថ្ងៃទី៥ ខែមេសា ឆ្នាំ ២០២៦ ម៉ោង ៥:០០ ល្ងាច

✨ ស្រ្តី និងជាអតីតនិស្សិតរបស់ USEA ត្រូវបានផ្តល់អាទិភាព។

Sisters of Code ចូលរួមទិវាជាតិវិទ្យាសាស្រ្ត បច្ចេកវិទ្យា និងនវានុវត្តន៍លើកទី៤ ឆ្នាំ២០២៦! 🎉

Sisters of Code មានក្តីរំភើបចូលរួមក្នុងទិវាជាតិវិទ្យាសាស្រ្ត បច្ចេកវិទ្យា និងនវានុវត្តន៍លើកទី៤ ដែលរៀបចំឡើងដោយក្រសួងឧស្សាហកម្ម វិទ្យាសាស្រ្ត បច្ចេកវិទ្យា និងនវានុវត្តន៍។

ជួបជាមួយយើងនៅស្តង់លេខ ២១ ដើម្បីស្វែងយល់អំពីកម្មវិធីសិក្សាសរសេរកូដ និងឌីជីថលផ្សេងៗដែលផ្តល់ជូនក្មេងស្រីអាយុចាប់ពី ១០-២៥ឆ្នាំ ដោយឥតគិតថ្លៃ។ យើងក៏បានត្រៀមហ្គេមសប្បាយៗ និងកាដូពិសេសសម្រាប់អ្នកដែលចូលរួម។

📅 កាលបរិច្ឆេទ៖ ថ្ងៃទី២៦-២៨ ខែមីនា ឆ្នាំ២០២៦
🕗 ម៉ោង៖ ៨:០០ ព្រឹក - ៨:០០ យប់
📍ទីតាំង៖ កោះពេជ្រ

យើងរង់ចាំជួបអ្នកទាំងអស់គ្នា។