សិក្ខាសាលាដំបូងនៃឆ្នាំ២០២៦ បានបញ្ចប់ដោយជោគជ័យ! 👏

Sisters of Code សូមថ្លែងអំណរគុណយ៉ាងជ្រាលជ្រៅចំពោះអ្នកចូលរួមទាំងអស់ដែលបានចូលរួមក្នុងសិក្ខាសាលាឥតគិតថ្លៃរបស់យើង ក្រោមប្រធានបទ "ការប្រើប្រាស់ឌីជីថលសម្រាប់ជំនួយការងារ និងការសិក្សាប្រចាំថ្ងៃ" នៅថ្ងៃទី១៤ មីនា ឆ្នាំ២០២៦។

ក្នុងអំឡុងពេលសិក្ខាសាលា គ្រូបង្វឹករបស់យើងបានបង្ហាញពីរបៀបសម្រួលការងារ និងការសិក្សាប្រចាំថ្ងៃដោយប្រើប្រាស់ Google Workspace, Canva និង Trello។ យើងសង្ឃឹមថាចំណេះដឹងទាំងនេះនឹងជួយឱ្យអ្នកចូលរួមប្រើប្រាស់ឧបករណ៍ឌីជីថលបានប្រកបដោយប្រសិទ្ធភាពក្នុងជីវិតប្រចាំថ្ងៃ។

ប្រសិនបើអ្នកខកខានវគ្គសិក្ខាសាលានេះ សូមតាមដានគេហទំព័រ Facebook របស់យើង ព្រោះព្រឹត្តិការណ៍បន្ទាប់នឹងមកដល់ក្នុងពេលឆាប់ៗនេះ! 🔜

សិក្ខាសាលានេះទទួលបានការគាំទ្រពី Liechtenstein Development Service (LED)។ 🙏

🔗 អានបន្ថែម៖ https://www.sistersofcode.org/post/sisters-of-code-workshop-helps-students-and-professionals-work-smarter-in-the-digital-age

Sisters of Code នៅក្នុងវេទិកា I-Tech Media! ☺️

នៅថ្ងៃទី១៤ ខែមីនា ឆ្នាំ២០២៦ អ្នកដឹកនាំគម្រោងរបស់យើងគឺ លោកស្រី ជីន ដាលីន បានតំណាងឱ្យ Sisters of Code ដោយចូលរួមជាវាគ្មិនកិត្តិយសនៅក្នុងវេទិកា I-Tech Media Forum ក្រោមប្រធានបទ “AI and Digital Skills: Preparing Students for the Future Workforce”។

ក្នុងអំឡុងពេលនៃវេទិកា លោកស្រី ដាលីន បានចែករំលែកអំពីបេសកកម្មរបស់យើងក្នុងការដោះស្រាយបញ្ហា ជុំវិញគម្លាតយេនឌ័រក្នុងវិស័យបច្ចេកវិទ្យានៅកម្ពុជា ហើយបានបង្ហាញពីកម្មវិធីឥតគិតថ្លៃរបស់យើង ដែលផ្តល់ឱ្យ ក្មេងស្រីនូវជំនាញ AI និងជំនាញឌីជីថលដែលកំពុងមានតម្រូវការខ្ពស់។ លោកស្រីក៏បានបញ្ជាក់ពីសារៈសំខាន់ នៃការផ្តល់អំណាចដល់ស្ត្រីវ័យក្មេង ដើម្បីអាចប្រកួតប្រជែងបាន រួមចំណែក បង្កើតកម្លាំងការងារដែលមានភាពចម្រុះ នៅកម្ពុជា និងត្រៀមខ្លួនសម្រាប់ទីផ្សារការងារនាពេលអនាគត។

យើងខ្ញុំសូមថ្លែងអំណរគុណយ៉ាងជ្រាលជ្រៅចំពោះ I-Tech Media ដែលបានអញ្ជើញយើងចូលរួម និងបង្កើតវេទិកាដ៏មានន័យសម្រាប់ពិភាក្សាលើប្រធានបទសំខាន់នេះ។

កម្មវិធី Sisters of Code Ambassadors នៅភ្នំពេញ!👏

មេរៀនទី៣ អំពី HTML/CSS និង WIX ត្រូវបានបញ្ចប់ដោយជោគជ័យ! 🎉 Sisters of Code Ambassadors ឆ្នាំ២០២៦ បានទទួលបទពិសោធន៍អនុវត្តសរសេរកូដជាក់ស្តែង រៀនអំពី HTML/CSS ហើយថែមទាំងបានបង្កើតគេហទំព័រផ្ទាល់ខ្លួនរបស់ពួកគេទៀតផង។

សូមខំប្រឹងបន្តទៀត Ambassadors! 💪