🌟 អបអរសាទរសមិទ្ធផលដ៏អស្ចារ្យរបស់សិស្សានុសិស្សរបស់យើង!

Sisters of Code មានមោទនភាពក្នុងការប្រកាសថា សិស្សានុសិស្សរបស់យើង គឺកញ្ញា ភឿត រតនា និង កញ្ញា ហាវ រដ្ឋា មកពីកម្មវិធី Ambassador 2025 និងកញ្ញា ម៉ុន ស្រីណែត មកពីកម្មវិធី Employment Skills 2024 ត្រូវបានជាប់ជាគម្រោងល្អទាំង 3 នៅក្នុងកម្មវិធី Generation Future 2025 ដែលត្រូវបានរៀបចំដោយ Impact Hub Phnom Penh និងគាំទ្រដោយ UNICEF Cambodia។

គម្រោងរបស់ពួកគេ “Empower Girls” មានគោលបំណងជម្រុញ និងលើកទឹកចិត្តក្មេងស្រីឱ្យស្វែងយល់ពីវិទ្យាសាស្ត្រ និងបច្ចេកវិទ្យា ដោយឆ្លុះបញ្ចាំងពីចក្ខុវិស័យរបស់ពួកគេក្នុងការបង្កើតឱកាស និងបំបែកឧបសគ្គសម្រាប់ក្មេងស្រីវ័យក្មេងក្នុងវិស័យស្ទែម។

✨ ជាថ្មីម្ដងទៀត សូមអបអរសាទរដល់ក្រុមសិស្ស! យើងពិតជាមានមោទនភាពយ៉ាងខ្លាំង ហើយយើងនិងរង់ចាំមើលផលវិជ្ជមានរបស់គម្រោងពួកគេក្នុងការបំផុសគំនិតទៅលើក្មេងស្រីដទៃទៀត 💻🎓

🌟 Sisters of Code នៅក្នុងវេទិការដ្ឋាភិបាលឌីជីថល ឆ្នាំ២០២៥ និងពិព័រណ៍បច្ចេកវិទ្យាឌីជីថល កម្ពុជា–អន្តរជាតិ ឆ្នាំ២០២៥! 🌟

យើងមានការរំភើបរីករាយក្នុងការចែករំលែកថា Sisters of Code នឹងចូលរួមក្នុងវេទិការដ្ឋាភិបាលឌីជីថល ឆ្នាំ២០២៥ និងពិព័រណ៍បច្ចេកវិទ្យាឌីជីថល កម្ពុជា–អន្តរជាតិ ឆ្នាំ២០២៥ ចាប់ពីថ្ងៃទី ៥-៧ ខែធ្នូ ឆ្នាំ២០២៥ នៅសាលកោះពេជ្រ។

អ្នកត្រូវបានអញ្ជើញឱ្យមកទស្សនាស្តង់របស់យើង និងស្វែងយល់ពីអ្វីដែលយើងធ្វើដើម្បីគាំទ្រក្មេងស្រីក្នុងការរៀនសរសេរកូដ បច្ចេកវិទ្យា និងជំនាញឌីជីថល។

ប្រសិនបើអ្នកមានចំណង់ចំណូលចិត្តចំពោះបច្ចេកវិទ្យា ឬចង់ចាប់ផ្តើមរៀន នេះគឺជាឱកាសដ៏ល្អមួយដើម្បីភ្ជាប់ទំនាក់ទំនងជាមួយយើង!
ចុះឈ្មោះឥឡូវនេះ៖ https://go.gov.kh/mptc/event-dgf25

យើងនឹងរង់ចាំជួបអ្នកនៅទីនោះ

🌟 ព្រឹត្តិការណ៍ DGF ឆ្នាំ២០២៥ – ចំណុចសំខាន់ៗថ្ងៃទី១! 🌟

ថ្ងៃដំបូងនៃព្រឹត្តិការណ៍ DGF គឺជាការចាប់ផ្តើមដ៏គួរឱ្យរំភើបមួយសម្រាប់ Sisters of Code!

សិស្សជាច្រើនបានមកទស្សនាស្តង់របស់យើងនៅសាលកោះពេជ្រ ដើម្បីស្វែងយល់បន្ថែមអំពីកម្មវិធីរបស់យើង ស្វែងយល់ពីការបង្ហាញគម្រោង និងនិយាយជាមួយក្រុមរបស់យើង។

យើងពិតជារីករាយដែលបានឃើញសិស្សសួរសំណួរអំពីការសរសេរកូដ ជំនាញឌីជីថល និងរបៀបដែលពួកគេអាចចូលរួមសកម្មភាពនាពេលខាងមុខរបស់យើង។ ចំណាប់អារម្មណ៍ និងថាមពលរបស់ពួកគេពិតជាបានធ្វើឱ្យថ្ងៃដំបូងមានលក្ខណៈពិសេស។

ប្រសិនបើអ្នកមិនទាន់បានមកទស្សនាយើងទេ យើងនឹងនៅទីនេះចាប់ពីថ្ងៃទី ៥-៧ ខែធ្នូ ឆ្នាំ២០២៥។

សូមអញ្ជើញមកស្តង់របស់យើង ដើម្បីស្វែងយល់បន្ថែមអំពី Sisters of Code និងរបៀបដែលអ្នកអាចក្លាយជាផ្នែកមួយនៃសហគមន៍របស់យើង។

📍 ទីតាំង៖ សាលកោះពេជ្រ
🗓 កាលបរិច្ឆេទនៃព្រឹត្តិការណ៍៖ ថ្ងៃទី ៥-៧ ខែធ្នូ ឆ្នាំ២០២៥

ជួបគ្នាឆាប់ៗ! 🎉

🎉 Sisters of Code ឈ្នះពានរង្វាន់ Best Digital Inclusion ប្រចាំឆ្នាំ ២០២៥!

យើងមានមោទនភាពក្នុងការចែករំលែកថា Sisters of Code បានឈ្នះពានរង្វាន់ Best Digital Inclusion ប្រចាំឆ្នាំ 2025 ក្នុងឱកាសពិធីប្រគល់ពានរង្វាន់ Cambodia Digital Award លើកទី ១១ ដែលបានប្រព្រឹត្តទៅនៅថ្ងៃទី ៦ ខែធ្នូ ជាផ្នែកមួយនៃ វេទិការដ្ឋាភិបាលឌីជីថល ២០២៥ 💻✨

យើងសូមថ្លែងអំណរគុណជាពិសេសដល់ ក្រសួងប្រៃសណីយ៍ និងទូរគមនាគមន៍ សម្រាប់ការរៀបចំពិធីដ៏សំខាន់នេះ និងដល់ដៃគូសហការណ៍របស់យើងទាំងអស់ ជាពិសេស​ Liechtenstein Development Service ដែលបានគាំទ្រឱ្យកម្មវិធីរបស់យើងមានលក្ខណៈឥតគិតថ្លៃ និងផ្តល់ឱកាសឱ្យក្មេងស្រីអាចសិក្សាក្នុងកម្មវិធីសិក្សារបស់យើងបានទូទាំងប្រទេសកម្ពុជា។

ជោគជ័យនេះ ជាកម្លាំងជម្រុញឱ្យយើងបន្ត ផ្តល់ឱកាស និងឥទ្ធិពលដល់ជំនាន់ក្រោយនៃអ្នកបង្កើតថ្មី, អ្នកច្នៃប្រឌិត និងអ្នកដឹកនាំស្រីក្នុងវិស័យបច្ចេកវិទ្យា។ 💖🚀

📖 អានអត្ថបទប្លុករបស់យើងនៅទីនេះ៖ https://shorturl.at/1k9jZ