🎉 អបអរសាទរពិធីបញ្ចប់ការសិក្សាដល់សិស្សរបស់យើងនៅខេត្តសៀមរាប ឆ្នាំ២០២៥! ✨💻

នៅថ្ងៃអាទិត្យ ទី២៣ ខែវិច្ឆិកា ឆ្នាំ២០២៥ សិស្សកម្មវិធីសិក្សា Sisters of Code Club និងកម្មវិធីជំនាញការងាររបស់យើងនៅសៀមរាបបានមកជួបជុំគ្នាដើម្បីអបអរសាទរសមិទ្ធផលរបស់ពួកគេ។ បន្ទាប់ពីការបណ្តុះបណ្តាល Sisters of Code Club អស់រយៈពេល ១៨ សប្តាហ៍សិស្សចំនួន១៥ នាក់ បានបញ្ចប់ការសិក្សាដោយជោគជ័យពីកម្មវិធី Sisters of Code Club និងសិស្សចំនួន ៩ នាក់បានបញ្ចប់ការសិក្សាពីកម្មវិធីជំនាញការងារ ហើយកម្មវិធីបញ្ចប់ការសិក្សានេះមានអ្នកចូលរួមសរុបចំនួន ៣៣ នាក់។ យើងពិតជាមានមោទនភាព និងមើលឃើញពីការខិតខំប្រឹងប្រែង ការលះបង់ និងការរីកចម្រើនរបស់ពួកគេពេញមួយកម្មវិធី។💡💙

ឧបត្ថម្ភដោយ៖ @LED – Liechtenstein Development Service
សហការជាមួយ៖ @Caring for Cambodia
សម្រាប់ព័ត៌មានលម្អិតបន្ថែម សូមចូលទៅកាន់៖ https://www.sistersofcode.org/post/graduation-day-for-sisters-of-code-students-in-siem-reap

🌟 អបអរសាទរសមិទ្ធផលដ៏អស្ចារ្យរបស់សិស្សានុសិស្សរបស់យើង!

Sisters of Code មានមោទនភាពក្នុងការប្រកាសថា សិស្សានុសិស្សរបស់យើង គឺកញ្ញា ភឿត រតនា និង កញ្ញា ហាវ រដ្ឋា មកពីកម្មវិធី Ambassador 2025 និងកញ្ញា ម៉ុន ស្រីណែត មកពីកម្មវិធី Employment Skills 2024 ត្រូវបានជាប់ជាគម្រោងល្អទាំង 3 នៅក្នុងកម្មវិធី Generation Future 2025 ដែលត្រូវបានរៀបចំដោយ Impact Hub Phnom Penh និងគាំទ្រដោយ UNICEF Cambodia។

គម្រោងរបស់ពួកគេ “Empower Girls” មានគោលបំណងជម្រុញ និងលើកទឹកចិត្តក្មេងស្រីឱ្យស្វែងយល់ពីវិទ្យាសាស្ត្រ និងបច្ចេកវិទ្យា ដោយឆ្លុះបញ្ចាំងពីចក្ខុវិស័យរបស់ពួកគេក្នុងការបង្កើតឱកាស និងបំបែកឧបសគ្គសម្រាប់ក្មេងស្រីវ័យក្មេងក្នុងវិស័យស្ទែម។

✨ ជាថ្មីម្ដងទៀត សូមអបអរសាទរដល់ក្រុមសិស្ស! យើងពិតជាមានមោទនភាពយ៉ាងខ្លាំង ហើយយើងនិងរង់ចាំមើលផលវិជ្ជមានរបស់គម្រោងពួកគេក្នុងការបំផុសគំនិតទៅលើក្មេងស្រីដទៃទៀត 💻🎓

🌟 Sisters of Code នៅក្នុងវេទិការដ្ឋាភិបាលឌីជីថល ឆ្នាំ២០២៥ និងពិព័រណ៍បច្ចេកវិទ្យាឌីជីថល កម្ពុជា–អន្តរជាតិ ឆ្នាំ២០២៥! 🌟

យើងមានការរំភើបរីករាយក្នុងការចែករំលែកថា Sisters of Code នឹងចូលរួមក្នុងវេទិការដ្ឋាភិបាលឌីជីថល ឆ្នាំ២០២៥ និងពិព័រណ៍បច្ចេកវិទ្យាឌីជីថល កម្ពុជា–អន្តរជាតិ ឆ្នាំ២០២៥ ចាប់ពីថ្ងៃទី ៥-៧ ខែធ្នូ ឆ្នាំ២០២៥ នៅសាលកោះពេជ្រ។

អ្នកត្រូវបានអញ្ជើញឱ្យមកទស្សនាស្តង់របស់យើង និងស្វែងយល់ពីអ្វីដែលយើងធ្វើដើម្បីគាំទ្រក្មេងស្រីក្នុងការរៀនសរសេរកូដ បច្ចេកវិទ្យា និងជំនាញឌីជីថល។

ប្រសិនបើអ្នកមានចំណង់ចំណូលចិត្តចំពោះបច្ចេកវិទ្យា ឬចង់ចាប់ផ្តើមរៀន នេះគឺជាឱកាសដ៏ល្អមួយដើម្បីភ្ជាប់ទំនាក់ទំនងជាមួយយើង!
ចុះឈ្មោះឥឡូវនេះ៖ https://go.gov.kh/mptc/event-dgf25

យើងនឹងរង់ចាំជួបអ្នកនៅទីនោះ

🌟 ព្រឹត្តិការណ៍ DGF ឆ្នាំ២០២៥ – ចំណុចសំខាន់ៗថ្ងៃទី១! 🌟

ថ្ងៃដំបូងនៃព្រឹត្តិការណ៍ DGF គឺជាការចាប់ផ្តើមដ៏គួរឱ្យរំភើបមួយសម្រាប់ Sisters of Code!

សិស្សជាច្រើនបានមកទស្សនាស្តង់របស់យើងនៅសាលកោះពេជ្រ ដើម្បីស្វែងយល់បន្ថែមអំពីកម្មវិធីរបស់យើង ស្វែងយល់ពីការបង្ហាញគម្រោង និងនិយាយជាមួយក្រុមរបស់យើង។

យើងពិតជារីករាយដែលបានឃើញសិស្សសួរសំណួរអំពីការសរសេរកូដ ជំនាញឌីជីថល និងរបៀបដែលពួកគេអាចចូលរួមសកម្មភាពនាពេលខាងមុខរបស់យើង។ ចំណាប់អារម្មណ៍ និងថាមពលរបស់ពួកគេពិតជាបានធ្វើឱ្យថ្ងៃដំបូងមានលក្ខណៈពិសេស។

ប្រសិនបើអ្នកមិនទាន់បានមកទស្សនាយើងទេ យើងនឹងនៅទីនេះចាប់ពីថ្ងៃទី ៥-៧ ខែធ្នូ ឆ្នាំ២០២៥។

សូមអញ្ជើញមកស្តង់របស់យើង ដើម្បីស្វែងយល់បន្ថែមអំពី Sisters of Code និងរបៀបដែលអ្នកអាចក្លាយជាផ្នែកមួយនៃសហគមន៍របស់យើង។

📍 ទីតាំង៖ សាលកោះពេជ្រ
🗓 កាលបរិច្ឆេទនៃព្រឹត្តិការណ៍៖ ថ្ងៃទី ៥-៧ ខែធ្នូ ឆ្នាំ២០២៥

ជួបគ្នាឆាប់ៗ! 🎉